I Samuel 24:9 - Sră Goh 2018

⁹ Dabit đơs mơ Sol lah: “Ñchi bơh tài bơtau iat jơnau cau đơs lah: ‘Dabit jòi bơta nàng lơh iơh di bơtau taih’?

I Samuel 24:9 Mawu Ofanana

Đơs Crih 101:5

Añ rơp tơnroh cau đơs joh òm di cau gơp ƀòn he; Ai cau lơi gơs mat be tòm, mơ nùs pơnhừ să, gen añ rơp ò bài kong.

Đơs Crih 141:6

Tòm tŭ bol khai kòl jào phi tòm tê ală cau rơp lơh nền glài di bol khai, Gen bol khai rơp bơtê git lah jơnau añ jê la di ngan.

Jơnau Pơnđik 16:28

Cau lac lèo rsìh bơta tòmpìt tòmhà; Cau đơs gơtrềng gơtràng cah is ală cau bơyô đềt mềr.

Jơnau Pơnđik 17:4

Cau lơh iơh kơno sơndồi iơh bơsak; Cau jak đơs blac ơn tồr iat lơmpiat bih khih.

Jơnau Pơnđik 18:8

Jơnau cau đơs gơtrềng gơtràng be phan sa bơkah, Gơ mut tus tòm klung klòm.

Jơnau Pơnđik 25:23

Càl tồ đah đang tơnggơs mìu; ai lơmpiat đơs òm ndơp ndơr lơh muh mat in gơhào gơjrañ.

Jơnau Pơnđik 26:28

Lơmpiat blac chừt gơjrañ ală cau khai neh jă tơnlề; mơ bơr đơs jơnau rơmhòc bơtào gơs bơta roh gơprah.

Jơnau Pơnđik 29:12

Dilah cau bơtau ơn tồr iat jơnau ma blac, gen ală cau duh broă khai gơlik gơs iơh bơsak.

Jeremi 37:18

Tơnơ̆ mơ hơ̆, Jeremi đơs mơ bơtau Jedekia lah: “Añ neh tìs glài lơi tòmdră mơ bơtau, ală cau duh broă bơtau, mơ làng bol do, mơ jàm añ tòm hìu jàm taih?

Lebi 19:16

Bañ bơtào bơta đơs blac digùl làng bol mê dê. Bañ lơh bơta lơi gơlơh iơh di bơta kis cau gơp ƀòn mê dê. Añ la Yàng Jehôwa.

Jakơ 3:6

Lơmpiat kung be ồs. Lơmpiat la be dô nơm dunnia tồi glài iơh bơsak ơm digùl ală pơnah tòm să jan he, lơh ƀơ̆ ƀơl jơh să jan, chu pơrguc jơh rài kis cau, ai gơ gen neh kong ồs brah tìng chu pơrguc sơl.

I Samuel 20:1

Gen Dabit dô bơh Naiôt tòm Ramah, tus mơ Jônathan mơ đơs lah: “Ñchi añ neh lơh taih? Tồi glài añ la ñchi taih? Ñchi añ neh tìs mơ bèp bi mơ khai jòi tơnchơt añ taih?”

I Samuel 20:41

Tơnơ̆ mơ tŭ cau kơnòm neh lòt rau, Dabit ñă bơh di đah hơđơm pơnai lŭ mơ tơmbic să pe dơ̆ di đap Jônathan, blup mat tòm ù. Gen bol khai tòmkoar mơ gơp mơ ñìm bal, mơya Dabit ñìm oă rlau.

I Samuel 24:10

Ngai do bơtau neh gŏ mơ mat tòm he dê mbe Yàng Jehôwa neh jào bơtau tòm tê añ tòm rgồng lŭ, mơ gơs cau chồl añ tơnchơt bơtau mơya añ neh lòi bơtau in kis, mơ đơs lah: ‘Añ ò pò tê tòmdră mơ cau tòm añ jê tài bơh bơtau la cau neh geh Yàng Jehôwa bong mơñà.’

I Samuel 24:8

Tơnơ̆ hơ̆, Dabit lik bơh di rgồng lŭ, hòi Sol mơ đơs lah: “Ơ bơtau la cau tòm añ jê!” Tòm tŭ Sol wơlke sền đah ngkòi khai dê gen Dabit tơmbic să blup mat di ù mơ khoai.

I Samuel 26:18

Mơ khai đơs tai lah: “Ñchi bơh tài cau tòm añ jê ting jat cau duh broă bơtau dê taih? Ñchi bơta añ neh lơh taih? Añ neh lơh tìs tòm bơta lơi taih?

I Samuel 26:19

Tŭ do, dan cau tòm añ jê la bơtau ơm iat ală jơnau cau duh broă bơtau dê. Dilah Yàng Jehôwa neh chồl bơtrut bơtau tòmdră mơ añ, gen dan Kơnràñ dòp dô nơm phan ơn. Mơya dilah hơ̆ la kòn mơnus neh lơh bơta hơ̆, dan bol khai kòl srat rma di đap Yàng Jehôwa! Bơh bol khai neh bơtrơh tơlik añ ngai do bơh di pơnah añ jê tòm sre brê Yàng Jehôwa dê. Bol khai đơs lah: ‘Lòt tĕ, duh broă ală yàng ndai.’