I Samuel 24:4 - Sră Goh 2018

⁴ Ală cau jat Dabit đơs mơ khai lah: “Do la ngai bơh bơta hơ̆ mơ Yàng Jehôwa neh đơs mơ ồng lah: ‘Añ rơp jào phi cau sò tơm mê dê tòm tê mê nàng mê lơh di khai bơta lơi gơlơh niam mê in.’” Gen Dabit lòt òm tus mơ kơñau koh mum tiang ào jrùh Sol dê.

I Samuel 24:4 Mawu Ofanana

II Samuel 4:8

Bol khai cèng bồ Isbôset tus hơ Dabit tòm Hebrôn, mơ đơs mơ cau bơtau lah: “Do la bồ Isbôset kòn klau Sol, cau sò tơm bơtau dê, la cau neh jòi gùng nàng tă bơta kis bơtau dê. Ngai do Yàng Jehôwa neh sal tê cau tòm añ in la bơtau hơđang Sol mơ jơi bơtiàn khai dê.”

Sră Jop 31:31

Dilah ală cau tòm hìu nhă añ ò đơs lah: ‘Ô, kơp kòñ bol he neh geh sa hòm poac tòm hìu Jop dê!’

Đơs Crih 142:1

Añ ai jơnau rac dan mơ Yàng Jehôwa, Añ ai jơnau hòi dan mơ Yàng Jehôwa.

Đơs Crih 57:1

Dan kòñ nđàc di añ; ơ Yàng Tom Trồ, dan kòñ nđàc di añ, Bơh hwềng soàn añ kìng crŭ tòm Yàng. Ngan, añ rơp kìng crŭ să añ tòm tiah mƀur đar Kơnràñ dê, Jơl tus di tŭ ală càl rbut dờng bơta tơnroh neh rlau rau.

Lik Ejiptơ 21:13

Bulah behơ̆, dilah khai ò di gơs nùs lơh nền kòñ tơnchơt, mơya Yàng Tom Trồ neh lòi gơlik gơs behơ̆, gen khai pal ntoat dô tus di dô bă tiah mơ Añ rơp sồr rcang sir.

I Samuel 22:1

Dabit lik bơh tiah hơ̆ mơ dô pleh hơ rgồng lŭ Adulam. Tòm tŭ ală bi khai mơ hìu nhă bèp khai dê neh kơno bơh bơta hơ̆ gen bol khai mù tus hơ khai tềng hơ̆.

I Samuel 23:17

Khai đơs mơ Dabit lah: “Bañ rngòt, bơh tê bèp añ la Sol rơp ò bàn bi. Bi rơp lơh gơs bơtau at bồ Israel, mơ añ rơp gơs kwang at bồ dơ̆ bàr tơnơ̆ mơ bi. Bèp añ jê Sol kung git bơta do behơ̆ sơl.”

I Samuel 23:7

Gơs cau yal Sol in git lah Dabit neh lòt tus hơ Keila gen Sol đơs lah: “Yàng Tom Trồ neh jào khai tòm tê añ, bơh Dabit neh krơ̆ să tòm khai tòm tŭ mut tòm dô nơm ƀòn dờng gơs mpồng mơ kơrnal kal wơl.”

I Samuel 24:10

Ngai do bơtau neh gŏ mơ mat tòm he dê mbe Yàng Jehôwa neh jào bơtau tòm tê añ tòm rgồng lŭ, mơ gơs cau chồl añ tơnchơt bơtau mơya añ neh lòi bơtau in kis, mơ đơs lah: ‘Añ ò pò tê tòmdră mơ cau tòm añ jê tài bơh bơtau la cau neh geh Yàng Jehôwa bong mơñà.’

I Samuel 24:18

Ngai do mê neh yal tơlik añ in bơta niam mê neh lơh gơwèt mơ añ; hơ̆ la mê neh ò tơnchơt añ tòm tŭ Yàng Jehôwa neh jào añ tòm tê mê.

I Samuel 26:23

Yàng Jehôwa rơp ai phan ƀàn kòp nă cau in jat bơta song ring mơ bơta dòn song khai dê. Bơh Yàng Jehôwa neh jào bơtau tòm tê añ ngai do, mơya añ ò bài ơn tê di cau mơ Yàng Jehôwa neh bong mơñà.