I Samuel 23:2 - Sră Goh 2018

² Dabit hòi lùp Yàng Jehôwa lah: “Añ pal lòt brồ lơh ală cau Philistin do sơl?” Yàng Jehôwa ho lah: “Lòt tĕ brồ lơh cau Philistin mơ dong tă Keila.”

I Samuel 23:2 Mawu Ofanana

II Samuel 2:1

Tơnơ̆ mơ hơ̆, Dabit hòi lùp Yàng Jehôwa lah: “Añ pal guh mut tòm dô nơm ƀòn dờng lơi tòm Juda sơl?” Yàng Jehôwa đơs lah: “Guh tĕ!” Dabit lùp tai: “Añ pal guh tus hơ tiah lơi taih?” Yàng Jehôwa ho lah: “Hơ Hebrôn.”

II Samuel 5:19

Dabit hòi lùp Yàng Jehôwa lah: “Añ pal guh mơ brồ lơh cau Philistin sơl? Kơnràñ rơp jào phi bol khai tòm tê añ sơl?” Yàng Jehôwa ho khai lah: “Lòt tĕ, bơh Añ rơp jào phi cau Philistin tòm tê mê.”

II Samuel 5:23

Behơ̆ Dabit hòi lùp Yàng Jehôwa mơ Kơnràñ ho lah: “Mê bañ guh song di đap bol khai, mơya lòt dar tĕ đah ngkòi bol khai, di đap ală tòm chi bơñàng.

I Yal Yau 14:10

Behơ̆ Dabit hòi lùp Yàng Tom Trồ lah: “Añ pal lòt mơ brồ lơh cau Philistin sơl? Kơnràñ rơp jào phi bol khai tòm tê añ sơl?” Yàng Jehôwa ho wơl khai in lah: “Lòt tĕ, Añ rơp jào phi bol khai tòm tê mê.”

Đơs Crih 32:8

Añ rơp bơto sồr mê, sơnio mê in gùng pal lòt; Mat Añ rơp sền di mê mơ bơto dong kòl mê.

Jeremi 10:23

Ơ Yàng Jehôwa, añ git gùng dà jơi kòn mơnus dê ò di bơh bol khai lơh tòm, Bol khai ò rgơi lơh nền ală cơnđòa jơng bol khai dê.

Khà Làng Bol 27:21

Khai pal ntào di đap Eleajar cau gơnoar ơn phan duh khoai, la cau rơp dòp geh jơnau lơh nền bơh khai kơnòm di bơta hòi lùp Urim di đap Yàng Jehôwa. Jat jơnau gơnoar sồr khai dê mơ khai mơ jơh dô mpồl jơnum làng bol cau Israel dê rơp lik lòt, mơ kung jat jơnau gơnoar sồr khai dê mơ bol khai rơp mut wơl.”

Jôsue 9:14

Cau Israel sền sơwì ală phan ngui sa bol hơ̆ dê mơ ò hòi lùp Yàng Jehôwa.

Ală Kwang Cahrña 1:1

Tơnơ̆ mơ tŭ Jôsue chơt, làng bol Israel lùp Yàng Jehôwa lah: “Ñcau tòm bol hi rơp guh lài nàng tòmlơh mơ làng bol Kanaan taih?”

I Samuel 10:22

Behơ̆ bol khai lùp tai Yàng Jehôwa lah: “Ơ Yàng, cau hơ̆ neh tus tềng do sơl?” Yàng Jehôwa ho lah: “Sền ne khai ơm pồn să he digùl ală phan mơna.”

I Samuel 14:37

Behơ̆ Sol lùp Yàng Tom Trồ lah: “Añ pal mù jat cau Philistin sơl? Kơnràñ rơp jào phi bol khai tòm tê cau Israel sơl?” Mơya Yàng Tom Trồ ò ho wơl khai in tòm ngai hơ̆.

I Samuel 23:3

Mơya ală cau klau jat Dabit đơs mơ khai lah: “Sền do, bol he ơm tòm Juda kung rngòt rau; dilah bol he lòt tus hơ Keila nàng tòmdră mơ ală mpồl ling cau Philistin dê gen sơlo rngòt rlau tai!”

I Samuel 23:4

Gen Dabit hòi lùp Yàng Jehôwa tai mơ Yàng Jehôwa ho khai lah: “Mù tĕ hơ Keila, bơh añ rơp jào cau Philistin tòm tê mê dê.”

I Samuel 23:6

Tòm tŭ Abiatha kòn klau Ahimelek dô pleh tus hơ Dabit tòm Keila, khai neh cèng bal dô nơm ephot tòm tê khai dê.

I Samuel 30:8

Mơ Dabit hòi lùp Yàng Jehôwa lah: “Añ pal ting jat mpồl phà kơñau do sơl? Añ rơp bàn bol khai sơl?” Yàng Jehôwa ho lah: “Ting jat tĕ, ngan mê rơp bàn bol khai mơ rgơi dong tă ală cau kòl kup.”