I Samuel 23:12 - Sră Goh 2018

¹² Gen Dabit lùp tai lah: “Ală cau klau Keila rơp jào añ mơ ală cau añ jê tòm tê Sol sơl ơ?” Yàng Jehôwa ho lah: “Bol khai rơp jào bol mê.”

I Samuel 23:12 Mawu Ofanana

Đơs Crih 118:8

Kìng crŭ să he di Yàng Jehôwa La niam rlau mơ dòn kơnòm di kòn mơnus.

Đơs Crih 143:8

Tòm àng drim, dan ai añ in kơno bơta kòñ gơboh kơ̆ dơn Yàng dê, Bơh añ dòn kơnòm di Yàng. Dan bơto añ in git gùng dà añ pal lòt, Bơh hwềng soàn añ tơnggòr sền Yàng.

Đơs Crih 31:8

Yàng ò bơtào añ tòm tê cau sò tơm, Kơnràñ ơn jơng añ jê di tiah ơnàng.

Đơs Crih 62:1

Hwềng soàn añ rlô lơngap lơngai mìng tòm Yàng Tom Trồ lơm; Bơta dong klàs añ jê tus bơh Kơnràñ.

Esai 29:15

Bòl glar cau lơi pồn dô bơta rơndap jrô ndơp ir di Yàng Jehôwa, la cau lơh broă khai dê tòm tiah klam jơngo mơ kơlôi lah: “Ñcau gŏ bol hi taih? Ñcau rơp git taih?”

Jeremi 11:18

Yàng Jehôwa neh ai añ in git bơta hơ̆, mơ añ git rau; Gen Kơnràñ neh yal tơlik añ in broă lơh iơh bol khai dê.

Hebrơ 4:13

Ò gơs phan lơi rgơi pồn ndơp di đap Yàng Tom Trồ, mơya jơh ală phan geh crơng gơs rơp ràng tơlik mơ gơ pò di đap mat Kơnràñ mơ bol he pal yal broă he dê.

Ală Kwang Cahrña 15:10

Cau Juda đơs mơ bol khai lah: “Ñchi bơh tài bol mê guh tòmlơh mơ bol hi taih?” Bol khai ho lah: “Bol hi tus nàng kup cap Samsôn mơ lơh di khai kung be khai neh lơh di bol hi.”

I Samuel 23:11

Làng bol Keila rơp jào añ tòm tê Sol sơl ơ? Sol rơp mù hơ do jat be cau duh broă Kơnràñ dê neh kơno sơl? Ơ Jehôwa Yàng Tom Trồ Israel dê, añ rac dan mơ Kơnràñ, dan yal cau duh broă Kơnràñ in.” Mơ Yàng Jehôwa đơs lah: “Khai rơp mù.”

I Samuel 23:20

Tŭ do, ơ bơtau, tŭ lơi bơtau kòñ mù gen mù tĕ; mơ pơnah bol hi gen rơp jào khai tòm tê bơtau.”

I Samuel 23:7

Gơs cau yal Sol in git lah Dabit neh lòt tus hơ Keila gen Sol đơs lah: “Yàng Tom Trồ neh jào khai tòm tê añ, bơh Dabit neh krơ̆ să tòm khai tòm tŭ mut tòm dô nơm ƀòn dờng gơs mpồng mơ kơrnal kal wơl.”