I Samuel 22:7 - Sră Goh 2018

⁷ Sol đơs mơ bol khai lah: “Ơ ală cau Benjamin, tŭ do iat tĕ! Ngan sơl la kòn klau Jese dê rơp ai jơh ală bol mê in ală ƀlàng sre bal mơ ală suơn ño ơ? Ngan sơl la khai rơp bơtào jơh ală bol mê gơs ală kwang at bồ rbô nă mơ ală kwang at bồ rhiang nă ơ?

I Samuel 22:7 Mawu Ofanana

II Samuel 18:1

Gen Dabit pơjum wơl ală cau neh jat khai mơ bơtào hơđang bol khai ală kwang at bồ dô rbô ling mơ ală kwang at bồ dô rhiang nă.

II Samuel 20:1

Tŭ hơ̆ gơs dô nă cau ală alai sơnđan la Seba, kòn klau Bikri, cau Benjamin. Khai uh kơlwòk mơ hòi driau dờng lah: “Bol he ò gơs pơnah lơi mơ Dabit, kung ò gơs phan lơi mơ kòn klau Jese. Ơ Israel, jơh tơl nă rê wơl tĕ hơ sàl he dê!”

I Ală Bơtau 12:16

Tòm tŭ jơh Israel gŏ bơtau ò bài iat jơnau bol khai, gen làng bol đơs mơ bơtau lah: “Bol he gơs pơnah lơi mơ Dabit? Bol he ò gơs sre brê lơi bal mơ kòn klau Jese. Ơ Israel! Rê wơl tĕ hơ sàl he dê. Ơ Dabit! Bơh do mê pal kơrhia hìu mê dê.” Behơ̆ Israel rê wơl hơ ală sàl bol khai dê.

I Yal Yau 12:16

Gơs dô êt cau Benjamin mơ cau Juda neh tus hơ Dabit tòm theng kơ̆ cê.

Esai 11:1

Dô nơm sơmbut rơp cat lik bơh tơnggu Jese; dô nơm Ntê hòn bơh ryas gơ.

Esai 11:10

Tòm ngai hơ̆, ryas Jese dê rơp ntào kung be bồng bi ală làng bol in, ală lơgar rơp ràn tus mơ Kơnràñ, mơ tiah ơm Kơnràñ dê rơp geh gơklŏ.

I Samuel 18:14

Dabit gơlik cồng nha dờng tòm kòp ală broă khai lơh; tài bơh Yàng Jehôwa ơm bal mơ khai.

I Samuel 20:27

Mơya tus ngai hìng la ngai bàr tòm kơnhai, tiah Dabit gam lòi gòi. Gen Sol đơs mơ Jônathan kòn klau khai dê lah: “Ñchi bơh tài kòn klau Jese ò tus sào tòm ngai òr kung be tòm ngai do taih?”

I Samuel 20:30

Sol gơhào gơjrañ ngan di Jônathan mơ đơs mơ khai lah: “Ơ kòn klau cau ùr iơh bơsak mơ jak sòdră ne! Añ ò di ò git mê neh sac rwah kòn klau Jese mơ lơh ƀàssìl să tòm mê in bal mơ mè deh mê dê ò ơ?

I Samuel 22:13

Sol đơs mơ khai lah: “Ñchi bơh tài mê neh bơyai òm jòi bơta tòmdră mơ añ, mê bal mơ kòn klau Jese dê, mê neh ai khai in piang lă mơ dô nơm đào, mơ neh hòi lùp Yàng Jehôwa khai in nàng khai tòmdră mơ añ mơ kơp brồ lơh añ be khai neh lơh tòm ngai do taih?”

I Samuel 22:9

Mơya Dôek cau Edôm ơm ntào bal mơ ală cau duh broă Sol dê đơs lah: “Añ neh gŏ kòn klau Jese lòt tus hơ Ahimelek kòn klau Ahitup tòm Nop.

I Samuel 25:10

Nabal ho mơ ală cau dong broă Dabit lah: “Ñcau la Dabit? Ñcau la kòn klau Jese? Ngai do gơs oă cau dong broă neh dô bơh ală cau tòm bol khai dê.