I Samuel 22:3 - Sră Goh 2018

³ Bơh tềng hơ̆ Dabit lòt tus hơ Mispa tòm lơgar Môap. Khai đơs mơ bơtau Môap lah: “Dan ai gơnoar mè bèp añ in tus ơm bal mơ bơtau, jơl tus di tŭ añ git ñchi bơta Yàng Tom Trồ rơp lơh añ in.”

I Samuel 22:3 Mawu Ofanana

Sơnròp Gơlik Gơs 47:11

Behơ̆ Jôsep lơh jat jơnau sồr Pharaôn, ai bèp mơ oh mi khai dê ơm tòm lơgar Ejiptơ, mơ ai bol khai in dô bă ù niam rlau jơh, tòm kơnhwàl lơgar Rameses, nàng lơh gơs sre brê bol khai dê.

II Samuel 8:2

Dabit kung tòmlơh pha rlau mơ cau Môap, sồr bol khai bic jơh tòm ù mơ was bol khai mơ dô dang che rnoas. Khai was bàr che rnoas ală cau hơ̆ rơp kòl sreh tơnchơt, mơ was dô che rnoas gen lòi kis ală cau hơ̆. Behơ̆ cau Môap pal kong duh broă Dabit mơ dap dia khai in.

Lik Ejiptơ 20:12

Dòn duh tĕ mè bèp bol mê dê, tồ bol mê in geh kis jŏ jòng tòm lơgar mơ Jehôwa Yàng Tom Trồ bol mê dê ai bol mê in.

I Timôthe 5:4

Mơya dilah cau ùr bơnrau lơi gơs kòn hala sau, gen sơnròp ngan pal lòi bol khai bơtê lơh bơta niam gơwèt mơ hìu nhă tòm khai dê mơ dong kòl wơl mè bèp khai dê, bơh bơta hơ̆ la niam mơ geh dòp di đap Yàng Tom Trồ.

Ală Kwang Cahrña 11:29

Gen Hwềng Yàng Jehôwa dê tus hơđang Jepthe. Khai lòt làm Galaat mơ Manase, tus hơ Mispa tòm Galaat, mơ bơh hơ̆ khai lòt tòmlơh mơ làng bol Ammôn.

Rutơ 4:10

Mơ añ kung dòp Rutơ cau Môap, cau ùr bơnrau Mahlôn dê, lơh gơs bau añ, nàng tơrbŏ sơnđan cau chơt dê bal mơ sre brê khai dê, nàng sơnđan khai dê ò roh bơh digùl hìu nhă khai dê hala bơh dê sră cih sơnđan mat cau tòm ƀòn dờng dê. Ngai do ală ồng la cau lơh cơng.”

Rutơ 4:17

Ală cau ùr gơp ƀòn đơs lah: “Naômi gơs dô nă kòn.” Mơ bol khai tơmoh sơnđan kòn dềt hơ̆ la Ôbet: Ôbet la bèp Jese, mơ la ồng Dabit dê.

I Samuel 14:47

Tơnơ̆ mơ tŭ Sol neh geh gơnoar at bồ hơđang Israel, khai neh tòmlơh mơ jơh ală cau sò tơm di khai tòm kòp đah, hơ̆ la Môap, Ammôn, Edôm, ală bơtau Seba mơ cau Philistin. Tiah lơi khai lòt tòmlơh gen khai kung geh pha.

I Samuel 22:2

Jơh ală cau tìp bơta gơlòng bòl glar hala jơh ală cau gơkòl dồs hala jơh ală cau ò hừh nùs lòt tus ơm bal mơ khai, mơ khai gơlik gơs cau lam bồ bol hơ̆. Ală cau ơm bal mơ khai pơgap poan rhiang nă.

I Samuel 22:4

Behơ̆ Dabit lòi bol khai ơm bal mơ bơtau Môap, mơ bol khai ơm bal mơ bơtau hơ̆ jơh tŭ Dabit ơm tòm theng kơ̆ cê.

I Samuel 3:18

Behơ̆ Samuel yal khai in jơh ală bơta, ò pồn bơta lơi mơ khai. Gen Heli đơs lah: “Hơ̆ la Yàng Jehôwa, dan Kơnràñ lơh tĕ bơta lơi gơlơh niam Kơnràñ in.”