I Samuel 22:17 - Sră Goh 2018

¹⁷ Gen bơtau ai jơnau sồr ală cau ling sền gàr ơm di gah khai mơ đơs lah: “Wèt tĕ mơ tơnchơt ală cau gơnoar ơn phan duh khoai Yàng Jehôwa dê tài bơh bol khai kung ơm bal mơ Dabit. Bol khai git Dabit dô, mơ ò yal añ in git.” Mơya ală cau duh broă bơtau dê ò bài pò tê tơnchơt ală cau gơnoar ơn phan duh khoai Yàng Jehôwa dê.

I Samuel 22:17 Mawu Ofanana

II Samuel 15:1

Tơnơ̆ mơ hơ̆, Apsalôm rcang khai in dô nơm rơndeh lòs tòmlơh gơs ală ơseh, mơ gơs pram jơt nă cau ling ntoat di đap khai.

I Ală Bơtau 1:5

Mơ tai, Adônija kòn klau Hagit yò tơngguh is să khai mơ đơs lah: “Añ rơp lơh gơs bơtau”; khai neh rcang sir ală rơndeh lòs tòmlơh mơ mpồl ling hào ơseh, bal mơ pram jơt nă cau klau ntoat di đap khai.

I Ală Bơtau 14:27

Gen Rôbôam sồr lơh ală khèl mơ kòng nàng ala ală khèl hơ̆, jào ală kwang ling kơp gàr mpồng bơtau dê.

I Ală Bơtau 18:4

Tòm tŭ Jesebel tơnchơt jơh ală cau gơnoar hwơr Yàng Jehôwa dê, gen Apdia neh cèng dô rhiang nă cau gơnoar hwơr pồn bol khai pram jơt nă tòm kòp nơm rgồng lŭ, rcang bol khai in ƀañ mơ dà.)

II Ală Bơtau 10:25

Tŭ neh ơn phan ơn chu sir rau, Jehu đơs mơ mpồl ling kơp gàr mơ ală cau kwang at bồ ling lah: “Tus tĕ tơnchơt bol khai, bañ lòi dô nă cau lơi klàs.” Behơ̆, bol khai tơnchơt bol hơ̆ mơ đào. Mpồl ling kơp gàr mơ ală kwang at bồ ling sơrbì ƀồc bol hơ̆ đah bơdìh, sơrbac sơrbang mut tòm dơlam hìu duh khoai Baal.

Lik Ejiptơ 1:17

Mơya ală cau ùr đơng deh duh rngòt di Yàng Tom Trồ mơ ò lơh jat jơnau bơtau Ejiptơ neh sồr bol khai; bol khai lòi jơh ală kòn klau in kis.

Broă 4:19

Mơya Pier mơ Jang ho lah: “Ală ồng sền sơwì tĕ di đap Yàng Tom Trồ, lơh jat jơnau ală ồng dê hala lơh jat jơnau Yàng Tom Trồ dê?

I Samuel 14:45

Mơya ală cau Israel đơs mơ Sol lah: “Jônathan la cau neh lơh Israel in pha lin dờng behơ̆ mơ pal kong chơt sơl ơ? Nền cê ngan la ò! Ngan be Yàng Jehôwa gam kis sùm, bulah dô dang che sŏ hơđang bồ khai kung rơp ò rung di ù, tài bơh ngai do khai neh lơh broă bal mơ Yàng Tòm Trồ.” Behơ̆ la làng bol neh dong tă Jônathan mơ khai ò pal chơt.

I Samuel 2:31

Tŭ tơngai rơp tus tòm tŭ Añ rơp tơnroh bơta pràn mê dê mơ bơta pràn hìu ồng pàng mê dê, nàng ò gơs dô nă cau lơi tòm hìu mê dê rơp kis tus di kra bồ.

I Samuel 20:33

Mơya Sol tơng tà nàng tơnchơt Jônathan. Gen khai neh git lah bèp khai kòñ tơnchơt Dabit.

I Samuel 22:13

Sol đơs mơ khai lah: “Ñchi bơh tài mê neh bơyai òm jòi bơta tòmdră mơ añ, mê bal mơ kòn klau Jese dê, mê neh ai khai in piang lă mơ dô nơm đào, mơ neh hòi lùp Yàng Jehôwa khai in nàng khai tòmdră mơ añ mơ kơp brồ lơh añ be khai neh lơh tòm ngai do taih?”

I Samuel 22:16

Mơya cau bơtau đơs lah: “Ơ Ahimelek, ngan mê rơp chơt, mê bal mơ jơh ală cau tòm hìu nhă bèp mê dê.”

I Samuel 25:17

Behơ̆ tŭ do git tĕ bơta hơ̆ mơ sền sơwì ñchi mò pal lơh, bơh bơta iơh neh geh lơh nền tòmdră mơ cau tòm he dê mơ jơh hìu nhă khai dê. Khai ngan la dô nă cau gơs nùs nhơm iơh, ò gơs dô nă cau lơi rgơi đơs mơ khai.”

I Samuel 8:11

Khai đơs lah: “Do la bơta cau bơtau at bồ bol mê dê rơp lơh hơđang bol mê: Khai rơp kup ală kòn klau bol mê dê at ală rơndeh lòs tòmlơh mơ lơh gơs ală cau ling hào ơseh, mơ ntoat lài mơ ală rơndeh lòs tòmlơh khai dê.