I Samuel 22:14 - Sră Goh 2018

¹⁴ Gen Ahimelek ho cau bơtau lah: “Digùl ală cau duh broă bơtau dê, ñcau la cau dòn song kung be Dabit cau bơrtơu, cau kwang at bồ mpồl ling sền gàr bơtau, mơ geh ki ngàm tòm hìu nhă bơtau dê taih?

I Samuel 22:14 Mawu Ofanana

I Samuel 17:25

Ală cau Israel neh đơs lah: “Bol mê gŏ mbe cau hơ̆ kư̆ tơlik mat behơ̆ sơl? Khai tơlik mat nàng đơs jơnau pơrlòng mơ Israel. Cau bơtau rơp ai oă phan mơna cau lơi in tơnchơt cau hơ̆, mơ kung rơp ai kòn ùr khai dê cau hơ̆ in bau, mơ hìu nhă bèp cau hơ̆ dê rơp geh klàs boh dia tòm Israel.”

I Samuel 18:13

Behơ̆ Sol sồr Dabit lòt ngài bơh di khai, ai khai in lơh gơs kwang ling at bồ dô rbô ling, mơ Dabit lik lòt mơ rê wơl lam mpồl ling.

I Samuel 18:27

Dabit bal mơ ală cau khai dê lik lòt mơ tơnchơt bàr rhiang nă cau Philistin. Khai cèng brê ală pet gơltau neh siat di bol hơ̆ mơ ơn tơl khà cau bơtau in tồ khai rgơi lơh gơs bơrtơu cau bơtau dê. Behơ̆ Sol ai khai in bau mơ Mikal la kòn ùr he dê.

I Samuel 20:32

Jônathan lùp bèp khai lah: “Ñchi bơh tài khai pal kong tơnchơt taih? Ñchi bơta khai neh lơh taih?”

I Samuel 21:2

Dabit ho Ahimelek la cau gơnoar ơn phan duh khoai lah: “Cau bơtau neh sồr añ lơh dô nơm broă mơ neh đơs mơ añ lah: ‘Bañ lòi dô nă cau lơi in git bơh broă añ sồr mê mơ bơh jơnau sồr mbe kòñ lơh broă hơ̆.’ Ai pơnah ală cau añ jê gen añ neh sồr bol khai tìp mat mơ añ tòm dô bă tiah ne.

I Samuel 22:13

Sol đơs mơ khai lah: “Ñchi bơh tài mê neh bơyai òm jòi bơta tòmdră mơ añ, mê bal mơ kòn klau Jese dê, mê neh ai khai in piang lă mơ dô nơm đào, mơ neh hòi lùp Yàng Jehôwa khai in nàng khai tòmdră mơ añ mơ kơp brồ lơh añ be khai neh lơh tòm ngai do taih?”

I Samuel 24:11

Do, ơ bèp, sền tĕ dô pet ào jrùh bèp dê tòm tê añ! Bơh ngan lah añ neh koh dô pet di mum tiang ào jrùh bèp dê, mơ añ ò tơnchơt bèp, tŭ do bèp pal git loh añ ò tìs hala ò gơs glài tòmdră. Añ ò tìs glài tòmdră mơ bèp, bulah bèp neh jòi mòc añ mơ kòñ tơnroh bơta kis añ.

I Samuel 25:28

Dan toh glài cau duh broă kơnràñ in, bơh ngan la Yàng Jehôwa rơp bơtào kơ̆ jơi bơtiàn cau tòm añ jê tài bơh kơnràñ tòmlơh ală bơta tòmlơh Yàng Jehôwa dê; mơ bơta iơh rơp ò jòi bàn tòm jơh rài kis ồng dê.

I Samuel 26:23

Yàng Jehôwa rơp ai phan ƀàn kòp nă cau in jat bơta song ring mơ bơta dòn song khai dê. Bơh Yàng Jehôwa neh jào bơtau tòm tê añ ngai do, mơya añ ò bài ơn tê di cau mơ Yàng Jehôwa neh bong mơñà.