I Samuel 20:30 - Sră Goh 2018

³⁰ Sol gơhào gơjrañ ngan di Jônathan mơ đơs mơ khai lah: “Ơ kòn klau cau ùr iơh bơsak mơ jak sòdră ne! Añ ò di ò git mê neh sac rwah kòn klau Jese mơ lơh ƀàssìl să tòm mê in bal mơ mè deh mê dê ò ơ?

I Samuel 20:30 Mawu Ofanana

Sră Jop 5:2

Bơta lơh sơềt sơềl tơnchơt cau bơrngơl gơla, Bơta ƀoah pơrhiat tơnchơt cau ƀă liă.

Jơnau Pơnđik 14:29

Cau òbat gơhào gơjrañ gơs bơta àng jak dờng; Mơya cau lơi jak gơhào nùs yò tơlik bơta kroă sơnrang.

Jơnau Pơnđik 15:2

Lơmpiat cau jak chài yal tơlik bơta git jak dô bă di pal; mơya bơr cau tùl gơla mìng tơlik jơnau bơrngơl gơla.

Jơnau Pơnđik 19:12

Bơtau gơhào khuh ò gơkrơi be klìu triă ơluh ơhùm; ai bơta nđàc khai be dà tŭ dùh hơđang ƀlàng ñhơt.

Jơnau Pơnđik 19:19

Cau jak gơhào gơjrañ jàñ bơsak, rơp kong àñ glài; bơh dilah kòn dong tă khai, ngan pal dong tă wơl tai.

Jơnau Pơnđik 21:24

Bơrsèl tơnhial, hơ̆ la sơnđan cau jòng să, pơnhừ să; khai lơh lòt iơh rmơh jat bơta pơnhừ să khai dê.

Jơnau Pơnđik 25:28

Cau lơi ò kơryan nùs he, ò gơkrơi be dô nơm ƀòn tơrlah, ò gơs dơrñang.

Jơnau Pơnđik 27:3

Lŭ kơnjơ̆ bràs kung kơnjơ̆ sơl; mơya bơta tơk òl cau bơrngơl gơla gen kơnjơ̆ rlau mơ bàr bơta hơ̆.

Mathiơ 5:22

Mơya Añ đơs mơ bol mê: Dilah cau lơi gơjrañ dê oh mi he, gen ò rgơi pleh dê bơta cahrña; cau lơi wàc oh mi he, gen ò rgơi pleh di Mpồl Kwang Tơrña; ai cau lơi lah sơrpah oh mi he, gen ò rgơi pleh di ồs brah tìng.

Ephesô 4:31

Sang tĕ bơh di oh mi jơh ală bơta sràt bơtang, gơjrañ mañ, gơhào nùs, nggồr nggàc, bơrsèl tơnhial, bal mơ jơh ală bơta bih khih.

Ephesô 6:4

Ơ cau la bèp, bañ lơh kòn he in gơjrañ, mơya ngui tĕ bơta lơh glài tơmàl mơ jơnau bơto tơngkah Yàng dê nàng ròng siam bol khai.

I Samuel 20:29

Khai đơs lah: ‘Ai tĕ añ in lòt tài bơh hìu nhă añ gơs bơta ơn phan duh khoai tòm ƀòn hơ̆, mơ bi añ neh ai jơnau sồr añ pal gơs mat tềng hơ̆. Dilah añ geh bơta nđàc di đap bi, dan ai añ in lòt nàng tìp mat mơ ală bi añ jê.’ Tài bơh hơ̆ tàng khai ò tus hơ cơnòng sào bơtau dê.”

I Samuel 20:31

Bơh nđò jŏ kòn klau Jese gam kis tòm ù do kàr lơi gen mê bal mơ gơnoar at bồ lơgar mê dê kung ò geh bơtào kơ̆. Behơ̆ sồr tĕ cau cèng khai tus hơ añ, bơh khai pal chơt!”