I Samuel 20:3 - Sră Goh 2018

³ Mơya Dabit kung srat să lah: “Bèp bi git loh làng lah bi kòñ gơboh di añ, mơ khai kơlôi is lah: ‘Bañ lòi Jônathan in git bơta do nàng moat jrùng.’ Mơya di ngan kung be Yàng Jehôwa kis sùm mơ kung be bi kis, gơs mìng dô cơnđòa lơm digùl añ mơ bơta chơt.”

I Samuel 20:3 Mawu Ofanana

II Samuel 15:21

Mơya Ittai ho wơl mơ bơtau lah: “Di ngan be Yàng Jehôwa kis, mơ bơtau la cau tòm añ jê kis, tiah lơi bơtau la cau tòm añ jê ơm gen cau dĭ gơna bơtau dê rơp ơm tềng hơ̆, bulah tòm bơta chơt hala tòm bơta kis kung behơ̆ sơl.”

II Ală Bơtau 2:2

Eli đơs mơ Elise lah: “Ơm tĕ tềng do; bơh Yàng Jehôwa sồr añ lòt tus hơ Betel.” Elise đơs lah: “Añ sơnio Yàng Jehôwa gam kis sùm mơ bơta kis ồng dê lah, añ ò tŭ lơi lik lòt bơh ồng.” Behơ̆, bol khai lòt tus hơ Betel.

II Ală Bơtau 2:4

Eli đơs mơ Elise lah: “Ơ Elise ơm tĕ tềng do, bơh Yàng Jehôwa neh sồr añ lòt tus hơ Jerikô.” Elise đơs tai lah: “Añ sơnio Yàng Jehôwa gam kis sùm mơ sơnio bơta kis ồng dê, añ rơp ò sang lòi ồng.” Behơ̆, bol khai lòt tus hơ Jerikô.

II Ală Bơtau 2:6

Eli đơs mơ khai lah: “Ơm tĕ tềng do, bơh Yàng Jehôwa sồr añ lòt tus hơ Jordan.” Elise đơs lah: “Añ sơnio Yàng Jehôwa gam kis sùm mơ bơta kis ồng dê lah, añ rơp ò sang lòi ồng.” Behơ̆, bàr nă bol khai pơnjat lòt gùng.

Đơs Crih 116:3

Bơta chơt be dă pơt gùt dar añ, añ gơtìp bơta jê sồt lơgar Làng ƀồc dê; Añ kong bơta bòl glar mơ bơta moat jrùng ò git lơh.

Jeremi 38:16

Bơtau Jedekia srat să dô bă ndơp ndơr bal mơ Jeremi lah: “Ngan be Yàng Jehôwa kis sùm, la Bơtau neh lơh gơs hwềng soàn do bol he in, añ rơp ò tơnchơt mê, mơ ò jào mê tòm tê ală cau jòi bơta kis mê.”

Jeremi 4:2

Mơ dilah mê srat să ‘Kung be Yàng Jehôwa kis sùm!’ Tòm jơnau song, tòm bơta song ring, mơ song ngan, Gen ală lơgar rơp geh lơngai bơh Kơnràñ, Mơ bơh Kơnràñ bol khai jòng să.”

Yal Wơl 28:66

Bol mê rơp kis tòm bơta kơp gơn sùm sùm, bềng lìu bơta kơlôi rngòt ngai mơ mang, ò tŭ lơi git nền bơh bơta kis bol mê dê.

Yal Wơl 6:13

Rngòt tĕ di Jehôwa Yàng Tom Trồ bol mê dê, duh broă mìng dô nă Kơnràñ lơm mơ ai sơnđan Kơnràñ dê srat să ho pơgon.

Hebrơ 6:16

Bơh cau òs ai sơnđan cau dờng rlau mơ he nàng srat să, mơ tŭ lơi gơs bơta tòm pơndang gen ai jơnau srat să nàng pơnring.

I Samuel 1:26

Mơ Anne đơs mơ Heli lah: “Ơ yàng añ jê, di ngan kung be ồng kis, yàng añ jê, añ la cau ùr neh ơm ntào tềng do di đap ồng mơ hòi dan mơ Yàng Jehôwa.

I Samuel 17:55

Tòm tŭ Sol sền gŏ Dabit lik lòt tòmlơh mơ cau Philistin hơ̆ gen khai lùp Apner la cau kwang at bồ mpồl ling lah: “Ơ Apner, cau pơnu hơ̆ la kòn ñcau taih?” Apner ho lah: “Ơ cau bơtau, di ngan kung be bơtau kis, añ ò git.”

I Samuel 20:2

Jônathan ho khai lah: “Ò di behơ̆! Bi rơp ò chơt. Bèp añ ò lơh bơta lơi dờng hala dềt mơ ò yal añ in git lài; ñchi bơh tài bèp añ pal pồn bơta do bơh di añ taih? Ò gơs tŭ lơi.”

I Samuel 20:4

Jônathan đơs mơ Dabit lah: “Ñchi bi kòñ añ lơh gen añ rơp lơh bi in.”

I Samuel 25:26

Tŭ do, ơ cau tòm añ jê, kung be Yàng Jehôwa kis sùm mơ kung be să tòm ồng kis sùm, tài bơh Yàng Jehôwa neh tơnruc ồng bơh glài lơh gơhòr mhàm mơ sal tê bơh tê tòm he dê; tŭ do lòi ală cau sò tơm ồng dê bal mơ jơh ală cau kòñ lơh iơh di cau tòm añ jê rơp gơlik gơs kung be Nabal.

I Samuel 27:1

Dabit đơs tòm nùs khai dê lah: “Gơs dô ngai lơi, añ rơp gơkòl tơnroh bơh tê Sol dê. Bơta niam rlau jơh añ in la dô pleh hơ lơgar cau Philistin. Gen Sol rơp roh bơta gơn kơnòm, ò jòi añ tai tòm dơlam nhàr lơgar Israel, mơ añ rơp lik klàs bơh tê khai.”