I Samuel 20:2 - Sră Goh 2018

² Jônathan ho khai lah: “Ò di behơ̆! Bi rơp ò chơt. Bèp añ ò lơh bơta lơi dờng hala dềt mơ ò yal añ in git lài; ñchi bơh tài bèp añ pal pồn bơta do bơh di añ taih? Ò gơs tŭ lơi.”

I Samuel 20:2 Mawu Ofanana

Sơnròp Gơlik Gơs 44:7

Gen ală bol hơ̆ ho lah: “Ñchi bơh tài kơnràñ đơs behơ̆ taih? Ò gơs tŭ lơi cau dĭ gơna kơnràñ neh lơh behơ̆!

Đơs Crih 40:6

Yàng ò kòñ phan ơn duh khoai mơ phan ơn, Mơya Kơnràñ neh pò tồr añ nàng kơno jơnau Yàng; Yàng ò sồr ơn phan ơn chu pơrguc, hala phan ơn tơwài glài.

Jơnau Pơnđik 29:24

Cau lơi tòmpà phan bal mơ cau ntung kơñau gơjrañ hwềng soàn he; khai neh kơno jơnau srat să, mơ ò yal tơlik bơta lơi.

Esai 50:5

Yàng Jehôwa la Yàng Tom Trồ neh pò tồr Añ, Añ ò gam tòmdră, Añ neh ò ruc wơl.

Luka 20:16

Khai rơp tus tơnroh ală cau lơh suơn hơ̆, mơ jào suơn ño hơ̆ ală cau ndai in.” Làng bol kơno behơ̆ gen đơs lah: “Ò gơs broă behơ̆ ò.”

Jang 15:15

Añ ò tai sơnđan bol mê la cau dĭ, bơh cau dĭ ò git bơta cau tòm he lơh; mơya Añ sơnđan bol mê la bơyô, tài bơh Añ neh yal bol mê in git jơh ală bơta Añ neh kơno bơh di Bèp Añ.

Jang 17:8

Bơh Añ neh ai bol khai in ală jơnau Bèp neh ai Añ in; bol khai neh dòp mơ git ngan lah Añ neh tus bơh di Bèp, mơ dòn lah Bèp neh sồr Añ lòt tus.

Jôsue 22:29

Bol hi ò gơs tŭ lơi kòñ tòmdră mơ Yàng Jehôwa mơ sang lòi Kơnràñ tòm ngai do mơ bơt dô nơm cơnòng duh khoai ndai nàng ơn phan duh khoai chu pơrguc, ơn phan ơn duh khoai mơ kòi mbo, hala ơn phan ơn duh khoai, rlau mơ cơnòng duh khoai Jehôwa Yàng Tom Trồ bol he dê ơn di đap Hìu Ing Duh Khoai Kơnràñ dê.”

Jôsue 24:16

Gen làng bol ho lah: “Ò gơs tŭ lơi bol hi sang lòi Yàng Jehôwa nàng duh broă ală yàng ndai!

I Samuel 14:45

Mơya ală cau Israel đơs mơ Sol lah: “Jônathan la cau neh lơh Israel in pha lin dờng behơ̆ mơ pal kong chơt sơl ơ? Nền cê ngan la ò! Ngan be Yàng Jehôwa gam kis sùm, bulah dô dang che sŏ hơđang bồ khai kung rơp ò rung di ù, tài bơh ngai do khai neh lơh broă bal mơ Yàng Tòm Trồ.” Behơ̆ la làng bol neh dong tă Jônathan mơ khai ò pal chơt.

I Samuel 20:1

Gen Dabit dô bơh Naiôt tòm Ramah, tus mơ Jônathan mơ đơs lah: “Ñchi añ neh lơh taih? Tồi glài añ la ñchi taih? Ñchi añ neh tìs mơ bèp bi mơ khai jòi tơnchơt añ taih?”

I Samuel 20:12

Gen Jônathan đơs mơ Dabit lah: “Dan Jehôwa Yàng Tom Trồ Israel dê lơh cơng lah añ lơh nền rơp jòi git nùs bèp añ jê kung tòm jơ do ngai hìng nau. Dilah khai yal tơlik niam gơwèt mơ bi gen añ rơp ò sồr cau yal bi in git.

I Samuel 20:3

Mơya Dabit kung srat să lah: “Bèp bi git loh làng lah bi kòñ gơboh di añ, mơ khai kơlôi is lah: ‘Bañ lòi Jônathan in git bơta do nàng moat jrùng.’ Mơya di ngan kung be Yàng Jehôwa kis sùm mơ kung be bi kis, gơs mìng dô cơnđòa lơm digùl añ mơ bơta chơt.”

I Samuel 9:15

Mơ tai tòm ngai lài mơ tŭ tus Sol, Yàng Jehôwa neh yal tơlik Samuel in git lah: