I Samuel 20:13 - Sră Goh 2018

¹³ Mơya dilah bèp añ gơs nùs kòñ lơh iơh di bi, gen dan Yàng Jehôwa lơh iơh rmơh rlau jơh di añ dilah añ ò ai bi in git mơ sồr bi dô pleh lơngap lơngai. Dan Yàng Jehôwa ơm bal mơ bi kung be Kơnràñ neh ơm bal mơ bèp añ.

I Samuel 20:13 Mawu Ofanana

II Samuel 19:13

Kung đơs tĕ mơ Amasa lah: ‘Mê ò di la poac mhàm añ jê ơ? Dilah mê ò lơh gơs cau kwang ling ala Jôap di đap añ bơh tŭ do, gen dan Yàng Tom Trồ lơh glài añ kơnjơ̆.’”

II Samuel 3:35

Gen jơh làng bol tus rềp mơ dan Dabit sa dô êt phan sa tòm tŭ trồ gam ngai; mơya Dabit srat să lah: “Dan Yàng Jehôwa lơh añ dô bă kơnjơ̆ rlau jơh, dilah añ sa piang lă hala phan sa lơi ndai lài mơ tŭ mattơngai mut!”

II Samuel 7:15

Mơya Añ rơp ò tă bơta kòñ gơboh kơ̆ dơn Añ jê bơh di khai, kung be Añ neh tă gơ bơh di Sol la cau Añ neh tă tơlik bơh di đap mê.

I Ală Bơtau 1:37

Mbe lơi Yàng Jehôwa neh ơm mơ cau tòm añ jê la bơtau gen dan Kơnràñ kung ơm bal mơ Salômôn sơl, tồ lơh sơbàn khai dê geh jòng màng rlau mơ sơbàn cau tòm añ jê la bơtau Dabit!”

I Ală Bơtau 19:2

Gen Jesebel sồr dô nă cau lòt tus hơ Eli mơ đơs lah: “Dan ală yàng lơh añ kơnjơ̆ rlau behơ̆, dilah añ ò lơh bơta kis mê dê be bơta kis dô nă tòm bol khai, jơ do ngai hìng.”

I Ală Bơtau 20:10

Benhadat sồr cau kong sồr lòt đơs tai lah: “Dan ală yàng lơh añ kơnjơ̆ mơ oă rlau, dilah thul ơmul tòm Samari tơl bềng dô kơndồm tê ală cau ling lòt jat añ!”

I Yal Yau 22:11

Tŭ do, ơ kòn klau añ jê, dan Yàng Jehôwa ơm bal mơ kòn, mơ dan kòn in geh bơtoah bơtoài mơ bơt hìu Jehôwa Yàng Tom Trồ kòn dê jat be Kơnràñ neh đơs bơh kòn.

I Yal Yau 22:16

mơ màh mơ priă, mơ kòng mơ lòs, ntum khà ală cau lơh broă hơ̆ la oă ngan ò jai kòp. Tŭ do, rơp sơntòm lơh broă tĕ, mơ Yàng Jehôwa rơp ơm bal mơ kòn.”

Mathiơ 28:20

Mơ bơto bol khai lơh jat jơh ală bơta Añ neh sồr bol mê. Mơ do, Añ ơm sùm mơ bol mê jơl tus di lồi dut rài.”

Philip 4:9

Dilah bơta lơi oh mi neh bơtê, neh dòp geh, neh kơno bơh añ mơ neh gŏ tòm añ, lơh jat tĕ, gen Yàng Tom Trồ la Bơtau ai bơta lơngap lơngai rơp ơm bal mơ oh mi.

Jôsue 1:5

Ò gơs cau lơi rgơi tòmdră jai mơ mê tòm jơh ală ngai tòm rài kis mê dê, Añ neh ơm mơ Môise be lơi gen Añ kung rơp ơm mơ mê behơ̆ sơl. Añ rơp ò tŭ lơi sang mê, kung ò tŭ lơi lòi mê.

Rutơ 1:17

Mè chơt tiah lơi gen añ rơp chơt tiah hơ̆, mơ geh tơp tềng hơ̆ sơl. Dan Yàng Jehôwa lơh añ dô bă kơnjơ̆ ngan dilah gơs bơta lơi rlau mơ bơta chơt gơcah is añ mơ mè.”

I Samuel 10:7

Tòm tŭ ală tềl do gơlik gơs di ngan gen lơh jat tĕ bơta lơi mê pal lơh, bơh Yàng Tom Trồ ơm bal mơ mê.

I Samuel 14:47

Tơnơ̆ mơ tŭ Sol neh geh gơnoar at bồ hơđang Israel, khai neh tòmlơh mơ jơh ală cau sò tơm di khai tòm kòp đah, hơ̆ la Môap, Ammôn, Edôm, ală bơtau Seba mơ cau Philistin. Tiah lơi khai lòt tòmlơh gen khai kung geh pha.

I Samuel 17:37

Yàng Jehôwa la Bơtau neh dong tă añ bơh di nđias klìu triă mơ bơh di nđias jơgơu gen Kơnràñ rơp dong tă añ bơh di tê cau Philistin do.” Sol đơs mơ Dabit lah: “Lòt tĕ, dan Yàng Jehôwa ơm bal mơ mê.”

I Samuel 18:12

Sol rngòt di Dabit, tài bơh Yàng Jehôwa ơm bal mơ khai, mơ Kơnràñ neh sang lòi Sol.

I Samuel 19:3

Añ rơp lik lòt mơ ntào di gah bèp añ tòm ƀlàng di tiah mê ơm. Añ rơp đơs mơ khai bơh mê mơ añ rơp yal mê in bơta lơi añ git.”

I Samuel 20:12

Gen Jônathan đơs mơ Dabit lah: “Dan Jehôwa Yàng Tom Trồ Israel dê lơh cơng lah añ lơh nền rơp jòi git nùs bèp añ jê kung tòm jơ do ngai hìng nau. Dilah khai yal tơlik niam gơwèt mơ bi gen añ rơp ò sồr cau yal bi in git.

I Samuel 20:14

Dilah añ gam kis, dan ràng tơlik añ in bơta kòñ gơboh kơ̆ dơn ò tŭ lơi tòmgơl Yàng Jehôwa dê; mơya dilah añ chơt,

I Samuel 25:22

Dan Yàng Tom Trồ lơh gơwèt mơ Dabit oă rlau tai, dilah tus diàng drim hìng añ lòi gam kis dô nă cau klau lơi gơrê bal mơ khai.”

I Samuel 3:17

Heli lùp lah: “Ñchi bơta Kơnràñ neh đơs mơ mê taih? Bañ pồn bơh di añ. Dan Yàng Tom Trồ lơh mê in kung behơ̆ mơ kơnjơ̆ rlau ngan, dilah mê pồn mơ añ jơnau lơi Kơnràñ neh đơs mơ mê.”