I Samuel 20:1 - Sră Goh 2018

¹ Gen Dabit dô bơh Naiôt tòm Ramah, tus mơ Jônathan mơ đơs lah: “Ñchi añ neh lơh taih? Tồi glài añ la ñchi taih? Ñchi añ neh tìs mơ bèp bi mơ khai jòi tơnchơt añ taih?”

I Samuel 20:1 Mawu Ofanana

Đơs Crih 54:3

Bơh cau đơs iơh pơnhừ să neh bơtào tơngguh tòmdră mơ añ, Cau iơh rmơh kòñ tơnchơt añ; bol khai ò ơn Yàng Tom Trồ di đap bol khai. (Selah)

II Kôrintô 1:12

Bơh bơta hừh nùs bol hi dê la be do: Nùs tồr bol hi lơh cơng lah bol hi ai bơta sàng goh mơ bơta song ngan Yàng Tom Trồ dê mơ lơh lòt tòm dunnia do, sơnròp ngan la gơwèt mơ oh mi, ò kơnòm di bơta jak chài jat poac să dê, mơya kơnòm di bơta nđàc Yàng Tom Trồ dê.

II Pier 2:9

Gen Yàng git mbe dong tă ală cau duh rngòt klàs bơh ală bơta gơlòng bòl glar, mơ git mbe krơ̆ jàm ală cau ò song ring tòm bơta lơh glài jàm jơl tus di ngai cahrña,

I Jang 3:21

Ơ ală cau kòñ gơboh, dilah nùs bol he ò lơh nền glài he, gen bol he gơs kơ̆ nùs di đap Yàng Tom Trồ,

I Samuel 12:3

Do añ, lơh cơng tĕ tòmdră mơ añ di đap Yàng Jehôwa mơ di đap cau geh bong mơñà Kơnràñ dê. Añ neh kup kơnrồ cau lơi sơl? Añ neh kup alàng cau lơi sơl? Añ neh pơrlồm cau lơi sơl? Añ neh rồn bơklơn cau lơi sơl? Añ neh dòp phan loă nàng lơh jơngo mat añ jê bơh gơ sơl? Lơh cơng tĕ tòmdră mơ añ mơ añ rơp tơm wơl gơ bol mê in.”

I Samuel 19:1

Sol đơs mơ Jônathan kòn klau khai dê bal mơ jơh ală cau duh broă khai dê tơnchơt Dabit. Mơya Jônathan kòñ gơboh đềt mềr di Dabit.

I Samuel 19:18

Tòm tŭ Dabit dô mơ geh klàs, khai lòt tus hơ Samuel tòm Ramah mơ yal jơh ală bơta Sol neh lơh khai in. Lồc behơ̆, khai mơ Samuel lòt tus hơ Naiôt mơ ơm tềng hơ̆.

I Samuel 20:2

Jônathan ho khai lah: “Ò di behơ̆! Bi rơp ò chơt. Bèp añ ò lơh bơta lơi dờng hala dềt mơ ò yal añ in git lài; ñchi bơh tài bèp añ pal pồn bơta do bơh di añ taih? Ò gơs tŭ lơi.”

I Samuel 20:32

Jônathan lùp bèp khai lah: “Ñchi bơh tài khai pal kong tơnchơt taih? Ñchi bơta khai neh lơh taih?”

I Samuel 24:11

Do, ơ bèp, sền tĕ dô pet ào jrùh bèp dê tòm tê añ! Bơh ngan lah añ neh koh dô pet di mum tiang ào jrùh bèp dê, mơ añ ò tơnchơt bèp, tŭ do bèp pal git loh añ ò tìs hala ò gơs glài tòmdră. Añ ò tìs glài tòmdră mơ bèp, bulah bèp neh jòi mòc añ mơ kòñ tơnroh bơta kis añ.

I Samuel 24:12

Dan Yàng Jehôwa cahrña digùl bèp mơ añ mơ dan Yàng Jehôwa sal tê añ in bơh bơta tìs mơ bèp neh lơh di añ, mơya tê añ rơp ò tòmdră mơ bèp.

I Samuel 24:17

Lồc behơ̆ khai đơs mơ Dabit lah: “Mê la song ring rlau mơ añ; mê neh lơh niam gơwèt mơ añ, mơya añ neh lơh iơh gơwèt mơ mê.

I Samuel 24:9

Dabit đơs mơ Sol lah: “Ñchi bơh tài bơtau iat jơnau cau đơs lah: ‘Dabit jòi bơta nàng lơh iơh di bơtau taih’?

I Samuel 26:18

Mơ khai đơs tai lah: “Ñchi bơh tài cau tòm añ jê ting jat cau duh broă bơtau dê taih? Ñchi bơta añ neh lơh taih? Añ neh lơh tìs tòm bơta lơi taih?