I Samuel 2:8 - Sră Goh 2018

⁸ Kơnràñ yò tơngguh cau rƀah bơh di kơmbuh ù; Kơnràñ yò tơngguh cau siơ̆u siar bơh di gơnru bùh; Kơnràñ ơn bol khai nggui bal mơ ală kòn cau bơtau, mơ ai bol khai in pơrdòn dô nơm sơbàn màng ryŭ. Bơh ală jrong plai ù dê la bal mơ Yàng Jehôwa, Kơnràñ neh ơn lơgar dunnia hơđang gơ.

I Samuel 2:8 Mawu Ofanana

Sơnròp Gơlik Gơs 41:14

Gen Pharaôn sồr cau lòt hòi Jôsep. Bol khai toh mo Jôsep bơh hìu jàm. Khai koah sơnò tềp khai dê mơ tòmgơl ồi ào, gen lòt tus mơ Pharaôn.

Sơnròp Gơlik Gơs 41:40

Behơ̆ mê rơp at bồ hìu nhă añ jê, mơ jơh làng bol añ jê rơp jat jơnau mê dê. Añ rơp dờng rlau mơ mê mìng tòm sơbàn añ jê lơm.”

II Samuel 7:8

Behơ̆ tŭ do, đơs tĕ mơ Dabit, cau duh broă Añ jê lah: ‘Yàng Jehôwa Gơnap Gơnoar Dờng Làm Jơh đơs be do: Añ neh tă mê bơh di ƀlàng ñhơt, bơh tiah mê ê mpồl belàt, nàng mê lơh gơs cau bơtau at bồ làng bol Israel Añ jê.

I Ală Bơtau 16:2

“Bơh di tŭ Añ neh yò tơngguh mê bơh di thul ơmul mơ bơtào at bồ hơđang làng bol Israel Añ jê, mơ mê neh lòt jat gùng Jerôbôam dê, lơh làng bol Israel Añ in tìs glài, mơ tài bơh tồi glài bol khai, bơrcek Añ gơjrañ.

II Ală Bơtau 9:6

Behơ̆, Jehu ñă mơ mut tòm dơlam hìu; cau pơnu tuh mơñà hơđang bồ khai, mơ đơs lah: “Jehôwa Yàng Tom Trồ Israel dê đơs be do: ‘Añ bong mơñà mê in lơh gơs bơtau hơđang Israel, la làng bol Yàng Jehôwa dê.

Sră Jop 1:21

Mơ khai đơs lah: “Añ ơm kuh lòi rồ lik bơh kơndul mè, gen añ kung ơm kuh lòi rồ mơ rê wơl behơ̆. Yàng Jehôwa neh ai mơ Yàng Jehôwa neh tă tơlik, jòng ro sơnđan Yàng Jehôwa dê!”

Sră Jop 2:8

Jop ai dô nơm nsàng mơngàn nàng kwàc să mơ nggui tòm bùh.

Đơs Crih 102:25

Bơh rài yau Yàng neh bơtào kơ̆ mơnàng plai ù, Ală tap trồ la broă tê Kơnràñ lơh.

Đơs Crih 104:5

Kơnràñ neh ơn plai ù hơđang ală mơnàng gơ dê, Nàng gơ ò gơs tŭ lơi lơnggơr.

Đơs Crih 107:41

Mơya Kơnràñ yò tơngguh cau siơ̆u siar bơh di bơta bòl glar, Lơh bol khai in gơtơnggơs oă be mpồl belàt.

Đơs Crih 24:2

Bơh Kơnràñ neh lơh mơnàng plai ù hơđang ală dàlềng, Mơ bơtào gơ kơ̆ hơđang ală dà hiòng.

Đơs Crih 75:3

Tòm tŭ ù tiah gơlơnggơr bal mơ làng bol ơm hơđang ù. Hơ̆ Añ la Bơtau prap kơ̆ ală jrong gơ.” (Selah)

Đơs Crih 75:4

Añ đơs mơ cau pơnhừ să lah: “Bañ jòng să,” Mơ Añ đơs mơ cau iơh bơsak lah: “Bañ pò ngke mê hơđang;

Đơs Crih 75:7

Mơya hơ̆ la Yàng Tom Trồ Bơtau lơh gơs bơta cahrña: Kơnràñ tơmù cau do mơ yò tơngguh cau ne.

Cau Bơto 4:14

Bơh cau kơnòm să hơ̆ lik klàs bơh hìu jàm nàng lơh gơs bơtau, bulah kong deh tòm bơta rƀah siơ̆u siar tòm lơgar tòm he.

Esai 22:23

Añ rơp bơtào khai kơ̆ kung be cau pơng dô nơm đìn tòm tiah ring lơngai; mơ khai rơp gơlik gơs dô nơm sơbàn màng ryŭ hìu ồng pàng khai in.

Daniel 2:48

Gen cau bơtau yò tơngguh Daniel ryŭ ryơm mơ ai khai in oă phan kas màng. Bơtau pồ bơtào khai at bồ jơh kơnhwàl Babilôn, mơ gơs kwang at bồ wil tơl hơđang jơh ală cau jak chài Babilôn dê.

Daniel 4:17

Hơ̆ la bơta lơh nền bơh ală bơtau kơp gàr, la jơnau sồr ală bơtau sàng goh neh yal tơlik tồ jơh ală jơi phan kis in git lah Bơtau Hơđang Rlau Jơh at bồ tòm ală lơgar kòn mơnus dê; Kơnràñ kòñ ai cau lơi in jat nùs kòñ Kơnràñ dê; mơ pồ bơtào cau dềt rhền rlau jơh tòm jơi kòn mơnus hơđang hơ̆.’

Daniel 6:3

Mơ tai, Daniel la jak chài lin rlau mơ bàr nă cau kwang đơng lơgar, mơ jơh ală cau kwang at bồ kơnhwàl lơgar ne, tài bơh gơs Hwềng jak chài àng loh ơm tòm khai, gen cau bơtau kòñ pồ bơtào khai at bồ jơh lơgar.

Hebrơ 1:3

Kòn hơ̆ pơnđàng wơl bơta gơklŏ Yàng Tom Trồ dê, mơ la rùp tòm toh ngan să tòm Yàng Tom Trồ dê. Kòn hơ̆ ai jơnau gơnap gơnoar Kơnràñ dê đo jơh ală phan. Tơnơ̆ mơ tŭ neh lơh sir bơta rào goh glài rau, gen nggui đah ma Yàng Tom Trồ Bơtau Gơnap Gơnoar dờng rlau jơh hơđang trồ,

Jakơ 2:5

Ơ oh mi kòñ gơboh añ jê, iat tĕ do: Yàng Tom Trồ ò di neh sac cau rƀah tòm rài do nàng dòp geh bơta pas sơm tòm bơta dòn, mơ pơrdòn lơgar Kơnràñ neh ho pơgon mơ cau kòñ gơboh di Kơnràñ ò ơ?

Yal Tơlik 1:6

mơ lơh bol he in gơlik gơs lơgar cau bơtau dê, mơ cau gơnoar ơn phan duh khoai Yàng Tom Trồ in la Bèp Kơnràñ dê. Dan bơta gơklŏ mơ gơnoar pràn gơrê bal mơ Yàng Jesu Krist sùm sùm ò lồi. Amen.

Yal Tơlik 22:5

Rơp ò gam gơs mang tai; bol khai ò càng bơta àng ồs đèng dê hala bơta àng mattơngai dê tai, tài bơh Yàng la Yàng Tom Trồ rơp sòl pơnđàng bol khai in, mơ bol khai rơp at bồ jơl sùm sùm ò lồi.

Yal Tơlik 3:21

Cau lơi geh pha lin rlau, gen Añ rơp ai khai in nggui bal mơ Añ hơđang sơbàn Añ jê, be să tòm Añ neh geh pha lin rlau mơ nggui bal mơ Bèp Añ di sơbàn Kơnràñ dê sơl.

Yal Tơlik 5:10

Mơ Kơnràñ neh lơh ală cau hơ̆ in gơlik gơs lơgar bơtau dê mơ cau gơnoar ơn phan duh khoai Yàng Tom Trồ bol he dê; mơ bol khai rơp at bồ tòm plai ù.”

I Samuel 15:17

Samuel đơs lah: “Bulah neh gơs dô tŭ mê kơlôi să tòm mê la dềt rhền, ò di mê neh gơlik gơs bồ ală jơi bơtiàn Israel ò ơ? Yàng Jehôwa neh bong mơñà mê in nàng gơs bơtau Israel dê.