I Samuel 2:6 - Sră Goh 2018

⁶ Yàng Jehôwa tơnchơt mơ hòi kis wơl; Kơnràñ cèng tơmù tòm bơtô ƀồc mơ cèng tơngguh wơl.

I Samuel 2:6 Mawu Ofanana

I Ală Bơtau 17:22

Gen Yàng Jehôwa dòp jơnau Eli dê; mơ bơta kis kòn dềt rê wơl tòm să khai, mơ khai kis wơl.

II Ală Bơtau 5:7

Tòm tŭ bơtau Israel sền sră pơyoa, khai crè ồi ào mơ đơs lah: Tòm tŭ bơtau Israel sền sră pơyoa, khai crè ồi ào khai dê mơ đơs lah: “Añ la Yàng Tom Trồ nàng ai bơta chơt hala bơta kis, gen tàng cau do pơyoa jơnau tus hơ añ nàng dong tă dô nă cau bơh bơta kòp dun khai dê sơl ơ? Sền tĕ mơ gŏ mbe khai lòng tồ jòi bơta tòmdră mơ añ.”

Sră Jop 5:18

Bơh Kơnràñ lơh sồt, mơya Kơnràñ pùt wơl, Kơnràñ lơh jê, mơya tê Kơnràñ sơmbòi.

Đơs Crih 116:3

Bơta chơt be dă pơt gùt dar añ, añ gơtìp bơta jê sồt lơgar Làng ƀồc dê; Añ kong bơta bòl glar mơ bơta moat jrùng ò git lơh.

Đơs Crih 30:4

Ơ ală cau dòn song Yàng Jehôwa dê, đơs chò tĕ jòng ro Kơnràñ, Ưnngài tĕ sơnđan sàng goh Kơnràñ dê.

Đơs Crih 68:20

Yàng Tom Trồ bol hi dê la Yàng Tom Trồ dong klàs bol hi, kơnòm di Jehôwa Yàng Tom Trồ mơ jơi kòn mơnus pleh klàs bơh di bơta chơt.

Đơs Crih 71:20

Kơnràñ neh ai añ in gŏ oă ngan bơta bòl glar jê sồt, Kơnràñ kung rơp lơh añ in geh kis wơl, Mơ cèng añ guh bơh di tiah cìr jrô ù dê.

Cau Bơto 3:3

Gơs tŭ tơnchơt, mơ gơs tŭ sơmbòi; gơs tŭ phà tơrlah, mơ gơs tŭ bơt bơtào;

Esai 26:19

Ală cau chơt Kơnràñ dê rơp kis, ală ƀồc bol khai dê rơp guh! Bol mê la cau ơm tòm thul, kah rngal mơ đơs chò bơta hòn chò in. Bơh dà tŭ Kơnràñ dê la be dà tŭ rìng àng drim; plai ù rơp deh ală cau chơt gơ dê.

Ejekiel 37:12

Behơ̆, đơs hwơr tĕ mơ đơs mơ bol khai lah: ‘Jehôwa Yàng Tom Trồ đơs lah: Ơ làng bol Añ jê, Añ rơp pò ală bơtô ƀồc bol mê dê, mơ cèng tơngguh bol mê bơh di tiah hơ̆; Añ rơp cèng bol mê rê wơl tòm lơgar Israel.

Ejekiel 37:3

Kơnràñ lùp añ lah: “Ơ kòn mơnus, ală ntìng do rgơi kis sơl?” Añ đơs lah: “Ơ Jehôwa Yàng Tom Trồ, Kơnràñ git.”

Mathiơ 12:40

Be Jôna neh ơm tòm kơndul ka dờng tòm pe ngai mơ pe mơnang, Kòn mơnus kung rơp ơm tòm kơnàng ù tòm pe ngai mơ pe mơnang behơ̆ sơl.

Jang 11:25

Yàng Jesu đơs lah: “Añ la bơta kis wơl mơ bơta kis; cau lơi dòn Añ gen rơp kis, bulah neh chơt rau.

Yal Wơl 32:39

Sền tĕ tŭ do, Añ la Bơtau hơ̆! Ò gơs yàng lơi ndai rlau mơ Añ. Añ tơnchơt mơ lơh kis wơl, Añ lơh sồt jê mơ rơp sơmbòi wơl; ò gơs cau lơi rgơi dong tă bơh di tê Añ.

Yal Tơlik 1:18

Añ la Bơtau Kis; Añ neh chơt, mơ do Añ kis gam sùm sùm, at ală kai mpồng Bơta chơt mơ Lơgar Làng ƀồc.

I Samuel 20:3

Mơya Dabit kung srat să lah: “Bèp bi git loh làng lah bi kòñ gơboh di añ, mơ khai kơlôi is lah: ‘Bañ lòi Jônathan in git bơta do nàng moat jrùng.’ Mơya di ngan kung be Yàng Jehôwa kis sùm mơ kung be bi kis, gơs mìng dô cơnđòa lơm digùl añ mơ bơta chơt.”