I Samuel 2:30 - Sră Goh 2018

³⁰ Gen tàng Jehôwa Yàng Tom Trồ Israel dê đơs be do: ‘Añ neh ho lah hìu mê mơ hìu ồng pàng mê rơp duh broă di đap Añ sùm sùm.’ Mơya tŭ do Yàng Jehôwa đơs lah: ‘Bơta hơ̆ ngài ngan bơh di Añ! Bơh cau lơi ki ngàm di Añ gen Añ rơp ki ngàm di bol khai, ai ală cau lơi sền òsơp di Añ gen bol khai rơp kong sền òsơp.

I Samuel 2:30 Mawu Ofanana

I Ală Bơtau 11:11

Gen tàng Yàng Jehôwa đơs mơ Salômôn lah: “Bơh tŭ mê neh lơh bơta do, ò prap gàr bơta ho bal mơ bơta sồr lam mơ Añ neh sồr mê, ngan Añ rơp crè lơgar bơh di mê, mơ ai gơ cau dĭ gơna mê in.

I Ală Bơtau 2:27

Behơ̆, Salômôn tă gơnoar cau ơn phan duh khoai Yàng Jehôwa dê bơh di Abiatha, lơh gơlik di ngan be jơnau Yàng Jehôwa neh đơs bơh hìu Heli tòm Silô.

I Yal Yau 17:18

Ñchi jơnau Dabit rgơi đơs tai mơ Kơnràñ bơh bơta Kơnràñ neh yò tơngguh cau duh broă Kơnràñ dê. Yàng git cau duh broă Kơnràñ dê.

II Yal Yau 15:2

Khai lik lòt tòm mat mơ bơtau Asa mơ đơs lah: “Ơ bơtau Asa mơ jơh bol mê la ală cau Juda mơ Benjamin, iat tĕ añ. Yàng Jehôwa ơm bal mơ bol mê tòm tŭ bol mê ơm mơ Kơnràñ. Dilah bol mê jòi jat Kơnràñ, bol mê rơp jòi bàn Kơnràñ, mơya dilah bol mê sang lòi Kơnràñ, gen Kơnràñ rơp sang lòi bol mê.

II Yal Yau 26:18

Bol khai tòmdră mơ khai mơ đơs lah: “Ơ Ujia, bơtau ò gơs gơnoar chu kơlhô Yàng Jehôwa in. Hơ̆ la broă ală cau gơnoar ơn phan duh khoai dê la ală kòn sau Arôn neh geh ơn is sàng goh nàng chu kơlhô. Lik tĕ bơh di tiah sàng goh, bơh bơtau neh lơh tìs; mơ bơtau rơp ò geh jòng ro bơh Jehôwa Yàng Tom Trồ.”

Đơs Crih 18:20

Yàng Jehôwa neh ai phan ƀàn añ in jat be bơta song ring añ jê. Tơm wơl añ in jat be bơta sàng goh tê añ jê.

Đơs Crih 18:26

Gơwèt hơ cau sàng goh, gen Yàng ràng tơlik Kơnràñ la sàng goh; Ai gơwèt hơ cau sòdră, gen Yàng ràng tơlik Kơnràñ la kràñ cê.

Đơs Crih 50:23

Cau lơi ai bơta ưnngài lơh gơs phan ơn duh khoai la dòn duh Añ; Ai cau lơi lòt jat gùng song, Añ rơp sơnio khai in bơta dong klàs Yàng Tom Trồ dê.

Đơs Crih 73:20

Ơ Yàng, tòm tŭ kah rngal cau sền òsơp di bơta mpau mbe lơi, Gen tòm tŭ kah rngal Kơnràñ kung sền òsơp di bol khai behơ̆ sơl.

Đơs Crih 91:14

Yàng Tom Trồ đơs lah: “Tài bơh khai kòñ gơboh đềt mềr dê Añ, gen tàng Añ rơp dong tă khai; Añ rơp sền gàr khai bơh khai git sơnđan Añ.

Đơs Crih 91:15

Tòm tŭ khai hòi dan di Añ, gen Añ rơp dòp jơnau khai dê; Añ rơp ơm bal mơ khai tòm tŭ khai tìp bơta bòl glar, Añ rơp dong tă khai mơ lơh khai in geh jòng ro.

Lik Ejiptơ 28:43

Arôn mơ ală kòn klau khai dê pal soh srồmpha hơ̆ tŭ lơi bol khai mut tòm Sàl Tòm Mat hala tus rềp di cơnòng duh khoai nàng duh broă tòm Tiah Sàng Goh, tồ bol khai ò tìs glài mơ klàs chơt. Hơ̆ la dô bơta sồr lam gam sùm sùm Arôn mơ kòn sau khai dê.

Lik Ejiptơ 29:9

mơ tơndau tĕ sơgơn di bồ bol khai. Lồc behơ̆ kơt tĕ che but Arôn in mơ ală kòn klau khai in sơl. Gơnoar ơn phan duh khoai rơp gơrê bal mơ bol khai jat dô bơta sồr lam gam sùm sùm. Mê pal pồ bơtào Arôn mơ ală kòn klau khai behơ̆.

Jơnau Pơnđik 12:8

Cau geh jòng ro bơh bơta jak chài; Ai cau gơs nùs rkwet rkwe gơkòl sền òsơp.

Jơnau Pơnđik 4:8

Sền gơ dờng màng gen gơ rơp yò tơngguh kòn, gơ rơp lơh kòn in ryŭ ryơm, dilah kòn koar di gơ.

Jơnau Pơnđik 8:17

Añ kòñ gơboh ală cau kòñ gơboh añ, Ngan cau lơi jơh nùs jòi añ rơp bàn añ.

Esai 29:13

Yàng Jehôwa neh đơs lah: “Tài bơh làng bol do mìng ai bơr tus rềp mơ Añ, ai sơndồi jòng ro Añ, mơya nùs bol khai ơm ngài bơh Añ. Bơta bol khai duh khoai Añ mìng la jat bơta sồr lam kòn mơnus dê, bơtê bơta sồr lam mơ ò git wă.

Jeremi 29:32

gen tàng Yàng Jehôwa đơs be do: ‘Añ rơp lơh glài Semaya, cau Nehelam, mơ jơi bơtiàn khai. Bơh jơi bơtiàn khai, khai rơp ò gơs cau lơi ơm digùl làng bol do gŏ bơta niam Añ rơp lơh làng bol Añ in, bơh khai neh đơs bơta tòmdră mơ Yàng Jehôwa,’” Yàng Jehôwa đơs behơ̆.

Jeremi 49:15

Bơh do, Añ lơh mê in gơlik gơs dềt rhền digùl ală lơgar, Gơkòl sền òsơp digùl jơi kòn mơnus.

Ejekiel 34:10

Jehôwa Yàng Tom Trồ đơs be do: ‘Añ tòmdră mơ ală cau ê mơ Añ rơp lùp belàt Añ jê bơh di tê bol khai; mơ ò ngui bol khai ròng siam belàt tai, nàng ală cau ê rơp ò gam ròng siam să tòm bol khai tai. Añ rơp dong tă mpồl belàt Añ jê klàs bơh di bơr bol khai nàng belàt ò lơh gơs phan sa bol khai in tai.’

Daniel 4:34

Tus di lồi dut ală ngai hơ̆, añ la Nebukatnessar, añ wèt mat tơnggòr sền hơđang trồ, gen dơngoh jak gơrê wơl hơ añ, mơ añ jòng ro Bơtau Hơđang Rlau Jơh. Añ jòng ro mơ lơh gơklŏ sơnđan Bơtau kis gam sùm sùm: Gơnoar at bồ Kơnràñ dê la gơnoar gam sùm sùm. Lơgar Kơnràñ dê gam bơh rài do tus hơ rài ne.

Malaci 1:6

“Kòn klau ki ngàm di bèp khai dê, dĭ gơna ki ngàm di cau tòm khai dê. Dilah Añ la bèp gen ntềng đah bơta ki ngàm mơ Añ geh gơnoar dòp taih? Dilah Añ la cau tòm gen ntềng đah bơta duh rngòt mơ Añ gơs gơnoar dòp taih? Yàng Jehôwa Gơnap Gơnoar Dờng Làm Jơh đơs behơ̆. Ơ bol mê la ală cau gơnoar ơn phan duh khoai, bol mê la ală cau sền òsơp di sơnđan Añ. Mơya bol mê lùp lah: ‘Mbe bol hi sền òsơp di sơnđan Kơnràñ taih?’

Malaci 2:3

Añ rơp lah pơrhơng kòn sau bol mê dê, rsìh è phan poan jơng hơđang muh mat bol mê dê, è ală phan ơn bol mê dê, mơ Añ rơp bơtrơh tơlik bol mê bơh di bơta gơs mat Añ jê.

Khà Làng Bol 11:20

mơya tơl jơh tòm dô kơnhai, jơl tus di tŭ poac gơ rơp lik bơh di trồm muh bol mê dê, mơ bol mê làp dil gơ, tài bơh bol mê neh sang lòi Yàng Jehôwa la Bơtau ơm digùl bol mê, mơ bol mê neh rac ròc di đap Kơnràñ mơ đơs lah: “Ñchi bơh tài bol hi neh sang lòi Ejiptơ taih?”’”

Khà Làng Bol 35:34

Bañ lơh ƀơ̆ ƀơl lơgar la tiah bol mê ơm mơ la tiah Añ ơm sùm, bơh Añ la Yàng Jehôwa ơm sùm digùl ală cau Israel.’”

Jang 12:26

Dilah cau lơi duh broă Añ, gen pal jat Añ, mơ Añ ơm tiah lơi gen cau duh broă Añ kung rơp ơm tềng hơ̆ sơl. Dilah cau lơi duh broă Añ, gen Bèp Añ rơp sền khai màng ryŭ.”

Jang 5:23

nàng jơh tơl nă cau sền màng ryŭ di Kòn kung be sền màng ryŭ di Bèp sơl. Cau lơi ò sền màng ryŭ di Kòn, hơ̆ la ò sền màng ryŭ di Bèp, la Bơtau neh sồr Kòn lòt tus.

Jang 5:44

Bol mê dòp bơta gơklŏ bal mơ gơp, ò jòi jat bơta gơklŏ tus bơh Yàng Tom Trồ mìng dùl lơm, gen mbe rgơi bol mê dòn taih?

Jang 8:49

Yàng Jesu ho lah: “Añ ò kòl cà lơh, mơya Añ jòng ro Bèp Añ jê, ai bol mê gen sền òsơp di Añ.

I Kôrintô 4:5

Behơ̆ bañ cahrña gòñ ir, pal gơn tus di tŭ Yàng tus. Kơnràñ rơp ràng tơlik hơ bơta àng ală bơta pồn ndơp tòm tiah klam jơngo, mơ yal tơlik ală bơta lơh nền tòm nùs cau; mơ tŭ hơ̆ kòp nă cau rơp dòp bơta jòng ro bơh Yàng Tom Trồ.

I Pier 1:7

nàng bơta dòn oh mi dê tơnơ̆ mơ tŭ neh kong jai bơta gơlòng rau, gen gơlik màng rlau mơ màh òs roh rui, bulah gơ neh kong lòng tòm ồs rau. Gen lơh bơta dòn oh mi dê di pal geh bơta jòng ro, gơklŏ, màng ryŭ tòm tŭ Yàng Jesu Krist tơlik mat.

Ală Kwang Cahrña 9:10

Gen ală chi đơs mơ tòm chi ƀal lah: ‘Tus tĕ at bồ hơđang bol hi!’