I Samuel 2:3 - Sră Goh 2018

³ Bañ đơs tai ală jơnau pơnhừ să oă ir, bañ lòi jơnau jòng să lik bơh di bơr mê dê; bơh Yàng Jehôwa la Yàng Tom Trồ bơta git wă dê, mơ Kơnràñ kơr ală broă lơh.

I Samuel 2:3 Mawu Ofanana

I Ală Bơtau 8:39

gen dan Yàng hơđang trồ, la tiah Yàng ơm, iat tĕ, toh glài, lơh broă, mơ tơm wơl kòp nă jat be broă bol khai neh lơh, bơh ngan mìng dô nă Yàng lơm git loh nùs kòn mơnus dê,

Sră Jop 31:6

Gen dan Yàng Tom Trồ kơr añ hơđang kơr song ring, mơ Kơnràñ rơp git bơta song ring añ jê!

Đơs Crih 147:5

Yàng Jehôwa bol he dê dờng ngan, gơs gơnap gơnoar ò git nđò; Bơta git wă Kơnràñ dê ò rgơi was sơnoa.

Đơs Crih 17:10

Bol khai sềt nùs bol khai dê nàng nđàc sơngit; Bơr bol khai đơs dô bă pơnhừ să.

Đơs Crih 31:18

Dan lòi ală sơndồi blac chừt gơkòl kloat, La ală sơndồi jak ai jơnau sơrdă sơrdơu, pơnhừ să Mơ sền òsơp nàng đơs sòdră di cau song ring.

Đơs Crih 44:21

Gen Yàng Tom Trồ ò rgơi git sơl ơ? Bơh Kơnràñ git bơta ndơp ndơr tòm nùs cau dê.

Đơs Crih 75:5

Bañ pò ngke mê dê wèt hơ đah jơnhoa, Mơ kung bañ kơldang bồ mơ đơs dô bă sơrdă sơrdơu.”

Đơs Crih 94:4

Bol khai đơs oă jơnau pơnhừ să, Jơh ală cau lơh iơh bơsak jòng is să he.

Jơnau Pơnđik 16:2

Ală gùng dà dô nă cau lơi dê digơlan sàng goh jat mat tòm khai dê; Mơya Yàng Jehôwa kơr was hwềng soàn cau.

Jơnau Pơnđik 24:12

Dilah kòn đơs: “Sền do, bol hi ò git bơta do;” gen Bơtau kơr sơnoa nùs cau, ngan ò di sền sơwì bơta hơ̆ ơ? Mơ Bơtau ê sền gàr hwềng soàn kòn rơp ò git sơl ơ? Behơ̆ Kơnràñ rơp ò tơm wơl kòp nă jat broă lơh bol khai ò ơ?

Jơnau Pơnđik 8:13

Bơta duh rngòt di Yàng Jehôwa, hơ̆ la gơjrañ di bơta iơh; Añ gơjrañ bơta pơnhừ să, tràl sơrbil, Añ gơjrañ gùng dà iơh mơ jơnau đơs lac lèo.

Esai 26:7

Gùng cau song ring la ring; Ơ Bơtau song ring, Kơnràñ pơnring gùng cau song ring dê.

Esai 37:23

Mê neh lah sơrpah mơ đơs tràl sơrbil di ñcau taih? Mê neh dờng bơr tòmdră mơ pò mat jòng să mơ ñcau taih? Hơ̆ la tòmdră mơ Bơtau Sàng Goh Israel dê?

Jeremi 17:10

Añ, Yàng Jehôwa, sền sơwì tòm dơngoh, Lòng tòm nùs, Tơm wơl kòp nă cau in jat gùng bol khai lòt, Cồng nha jat ală broă lơh bol khai dê.”

Ejekiel 35:13

Mê neh ngui bơr nàng jòng să tòmdră mơ Añ, mơ neh đơs oă jơnau tòmdră mơ Añ, mơ Añ neh kơno gơ.’

Daniel 4:37

Tŭ do, añ la bơtau Nebukatnessar jòng ro, mơ yò tơngguh mơ lơh àng sơnđan Bơtau Hơđang Trồ; jơh ală broă Kơnràñ dê la song ngan: ală gùng dà Kơnràñ dê la song ring; mơ Kơnràñ rgơi tơmù liah cau lơi lòt tòm bơta pơnhừ să.

Daniel 5:27

Tekel la kơr, bơtau neh kòl kơr hơđang phan kơr, mơ gŏ la siơ̆u ò tơl.

Malaci 3:13

Yàng Jehôwa đơs lah: “Bol mê neh đơs ală bơta ò niam tòmdră mơ Añ. Mơya bol mê lùp lah: ‘Ñchi bơta bol hi neh đơs tòmdră mơ Kơnràñ taih?’

Hebrơ 4:12

Bơh jơnau Yàng Tom Trồ dê la jơnau kis, ƀă tàm, sồt rlau mơ đào bàr đah mat, srơp bluh tian gơs cah is hwềng soàn, hwềng nùs, kồ mơ khu, sền sơwì bơta kơlôi sơnơng mơ bơta lơh nền tòm nùs.

Jôsue 22:22

“Jehôwa la Yàng Tom Trồ ală yàng dê! Jehôwa la Yàng Tom Trồ ală yàng dê! Kơnràñ git; mơ lòi tĕ Israel in git! Dilah gơs bơta tòmdră hala bơta ò dòn bơr Yàng Jehôwa gen bañ lòi bol hi in kis tòm ngai do.

Yal Tơlik 2:23

Añ rơp tơnchơt ală kòn khai dê. Jơh ală Hìu Jum Goh rơp git Añ la Bơtau sền sơwì tòm nùs nhơm mơ tòm bơta kơlôi sơnơng, mơ Añ rơp sal wơl kòp nă bol mê in jat be ală broă bol mê dê.

Ală Kwang Cahrña 9:38

Gen Jebul đơs mơ khai lah: “Ntềng đah bơta jòng să mê dê, la cau neh đơs lah: ‘Abimelek la ñcau mơ bol he pal duh broă khai in taih?’ Mpồl cau do ò di la cau mơ mê neh dơñŏ tơnhial ò ơ? Lik tĕ tòmlơh mơ bol khai!”

I Samuel 16:7

Mơya Yàng Jehôwa đơs mơ Samuel lah: “Bañ sền di rùp să hala bơta dờng jơnhoa khai dê, tài bơh Añ neh ò dòp khai; bơh Yàng Jehôwa ò sền be kòn mơnus sền. Kòn mơnus sền đah bơdìh, mơya Yàng Jehôwa sền tòm nùs.”