I Samuel 2:26 - Sră Goh 2018

²⁶ Tŭ hơ̆ kơnòm dềt Samuel jơh să jan geh dờng mơ geh bơta nđàc gơwèt mơ Yàng Jehôwa mơ kòn mơnus sơl.

I Samuel 2:26 Mawu Ofanana

Sơnròp Gơlik Gơs 39:4

Behơ̆, Jôsep geh bơta nđàc di đap cau tòm khai dê; khai lơh broă cau tòm in. Cau tòm ai khai in gơnoar at bồ hìu, mơ jơh ală phan cau tòm ai khai in sền gàr.

Jơnau Pơnđik 3:3

Bơta dòn song mơ bơta lơh jat jơnau ho pơgon, kòn bañ lòi hŭi, Kơt tĕ gơ gùt dar ngko kòn, Cih tĕ gơ hơđang mpàn nùs kòn dê;

Jơnau Pơnđik 3:4

Behơ̆, di đap Yàng Tom Trồ mơ kòn mơnus, Kòn rơp geh bơta nđàc mơ tiơng pơnro niam.

Luka 1:80

Mơ tai, kòn hơ̆ rhòi dờng, hwềng nùs sơlo pràn kơldang ơm tòm ƀlàng bràs jơl tus dê ngai tơlik mat mơ Israel.

Luka 2:40

Kòn dềt rhòi dờng, sơlo pràn kơldang, bềng lìu bơta jak chài, mơ bơta nđàc Yàng Tom Trồ dê ơm hơđang Kơnràñ.

Luka 2:52

Yàng Jesu sơlo jak chài, să jan sơlo dờng, sơlo niam nùs Yàng Tom Trồ mơ cau sơl.

Broă 2:47

jòng ro Yàng Tom Trồ mơ geh niam nùs jơh làng bol. Kòp ngai Yàng bơtơl tai tòm bol khai ală cau geh dong klàs.

Rôma 14:18

Cau lơi lơh jat behơ̆ mơ duh broă Bơtau Krist, gen geh niam nùs Yàng Tom Trồ mơ geh cau dô nùs bal.

Ală Kwang Cahrña 13:24

Cau ùr hơ̆ deh dô nă kòn klau mơ tơmoh sơnđan la Samsôn. Khai rhòi dờng mơ Yàng Jehôwa ai lơngai khai in.

I Samuel 2:21

Yàng Jehôwa kah tus di Anne, khai bun mơ deh pe nă kòn klau mơ bàr nă kòn ùr. Mơ kơnòm dềt Samuel rhòi dờng di đap Yàng Jehôwa.

I Samuel 3:19

Samuel sơlo dờng, Yàng Jehôwa ơm bal mơ khai, mơ Kơnràñ ò lòi dô jơnau đơs lơi Kơnràñ dê gơlik ò kwơ.