I Samuel 2:2 - Sră Goh 2018

² Ò gơs cau lơi sàng goh be Yàng Jehôwa, ò gơs cau lơi rlau mơ Kơnràñ; ò gơs Pơnai Lŭ lơi ndròm be Yàng Tom Trồ bol he dê.

I Samuel 2:2 Mawu Ofanana

II Samuel 22:3

Yàng Tom Trồ añ jê, pơnai lŭ añ jê, tòm Kơnràñ añ kìng crŭ să añ, Kơnràñ la khèl đo añ jê mơ la ngke bơta dong klàs añ jê. Kơnràñ la theng kơ̆ nền añ jê, la tiah añ kìng crŭ, la bơtau dong klàs añ; Kơnràñ dong añ klàs bơh di ală cau jàñ bơsak.

II Samuel 22:32

Bơh ñcau la Yàng Tom Trồ rlau mơ Yàng Jehôwa taih? Mơ ñcau la Pơnai lŭ rlau mơ Yàng Tom Trồ bol he dê taih?

II Samuel 7:22

Gen tàng, Yàng la dờng ngan, ơ Jehôwa Yàng Tom Trồ, bơh ò gơs Yàng lơi ndròm be Yàng, mơ ò gơs Yàng Tom Trồ lơi rlau mơ mìng dô nă Yàng, jat be jơh ală bơta tồr bol hi neh kơno.

I Ală Bơtau 8:23

Khai đơs lah: “Ơ Jehôwa, Yàng Tom Trồ Israel dê! Ò gơs Yàng Tom Trồ lơi be Kơnràñ, bơh hơđang trồ jòng hala tòm ù hơđơm; Yàng prap gàr bơta ho bal mơ bơta kòñ gơboh kơ̆ dơn gơwèt mơ ală dĭ gơna Yàng, la ală cau lòt di đap Yàng dô bă jơh nùs,

Đơs Crih 111:9

Yàng neh sồr bơta dong tơwài làng bol Kơnràñ dê, Neh sồr bơtào bơta ho bal Kơnràñ dê jơl tus sùm sùm. Sơnđan Kơnràñ la sàng goh mơ pal rngòt ngan!

Đơs Crih 18:2

Yàng Jehôwa la pơnai lŭ añ jê, tiah kìng crŭ añ jê, Bơtau dong tă añ, Yàng Tom Trồ añ, tòm Kơnràñ añ rơp kìng crŭ să añ, la bơta pràn kơldang añ. Kơnràñ kung la khèl añ jê, la gơnoar pràn bơta dong klàs añ jê, mơ la tiah kìng crŭ kơ̆ cê añ jê.

Đơs Crih 18:31

Rlau mơ Yàng Jehôwa, gen ñcau la Yàng Tom Trồ taih? Rlau mơ Yàng Tom Trồ bol he dê, gen ñcau la pơnai lŭ taih?

Đơs Crih 71:19

Ơ Yàng Tom Trồ, gơnap gơnoar mơ bơta song ring Kơnràñ dê jơnhoa tus di ală tap trồ. Kơnràñ la Bơtau neh lơh ală broă dờng ngan; Ơ Yàng Tom Trồ, ñcau rgơi ndròm be Kơnràñ taih?

Đơs Crih 71:3

Dan să tòm Kơnràñ lơh gơs dô nơm lŭ klềr nàng lơh añ in kìng crŭ, Lơh gơs dô nơm theng kơ̆ cê nàng dong klàs añ, Bơh Kơnràñ la lŭ klềr mơ la theng kơ̆ cê añ jê.

Đơs Crih 73:25

Hơđang trồ, añ gơs ñcau rlau mơ Kơnràñ taih? Ai tòm ù añ ò kòñ bơta lơi ndai rlau mơ Kơnràñ.

Đơs Crih 86:8

Ơ Yàng, digùl ală yàng ò gơs yàng lơi ndròm be Kơnràñ, Kung ò gơs broă lơi ndròm be ală broă Yàng dê.

Đơs Crih 89:6

Hơđang ală tap trồ, ñcau geh pơndròm bal mơ Yàng Jehôwa taih? Digùl ală cau hơđang trồ, ñcau geh ndròm be Yàng Jehôwa taih?

Đơs Crih 89:8

Ơ Jehôwa Yàng Tom Trồ Gơnap Gơnoar Dờng Làm Jơh dê, ñcau gơs gơnap gơnoar ndròm be Yàng taih? Ơ Yàng Jehôwa, bơta dòn song Yàng dê ơm gùt dar Kơnràñ.

Đơs Crih 99:3

Lòi bol khai jòng ro sơnđan Kơnràñ dê la sơnđan dờng ngan mơ pal rngòt ngan! Yàng la sàng goh!

Đơs Crih 99:5

Jòng ro tĕ Jehôwa Yàng Tom Trồ bol he dê, mơ duh khoai di kơrnòl jơng Kơnràñ dê. Yàng la sàng goh!

Đơs Crih 99:9

Jòng ro tĕ Jehôwa Yàng Tom Trồ bol he dê, Mơ duh khoai hơđang mơnơm sàng goh Kơnràñ dê; Bơh Jehôwa Yàng Tom Trồ bol he dê la sàng goh!

Lik Ejiptơ 15:11

Ơ Yàng Jehôwa! Digùl ală yàng, ñcau ndròm be Kơnràñ taih? Ñcau rgơi ndròm be Kơnràñ, ryŭ ryơm tòm bơta sàng goh, Pal rngòt rngơt tòm bơta gơklŏ, lơh ală bơta krơi tềl is?

Esai 40:18

Behơ̆ gen bol mê rơp pơndròm Yàng Tom Trồ mơ ñcau taih? Ai rùp să lơi mơ bol mê rơp pơndròm mơ Kơnràñ taih?

Esai 44:6

Yàng Jehôwa la cau Bơtau At Bồ mơ la Bơtau Dong Tơwài Israel dê, la Yàng Jehôwa Gơnap Gơnoar Dờng đơs be do: “Añ la Bơtau sơnròp mơ Añ la Bơtau lồi dut; rlau mơ Añ ò gơs Yàng Tom Trồ lơi.

Esai 44:8

Bañ rơm să, bañ rngòt. Añ ò di neh yal mơ mê bơh yau òr mơ yal tơnggit gơ ò ơ? Bol mê la cau lơh cơng Añ jê. Gơs Yàng Tom Trồ lơi ndai tai rlau mơ Añ sơl? Ò gơs pơnai lŭ lơi ndai; Añ git ò gơs dô nơm lơi ndai!”

Esai 57:15

Bơh Bơtau hơđang jòng rlau jơh, la Bơtau ơm tòm tiah gam sùm sùm, Sơnđan Kơnràñ la Bơtau Sàng Goh, đơs be do: “Añ ơm tòm dô bă tiah jơnhoa mơ sàng goh, mơya kung ơm mơ cau gơs nùs jê sồt gơjrañ sang glài mơ pơndêt să, nàng lơh pa wơl hwềng nùs cau pơndêt să, mơ lơh pa wơl nùs cau gơjrañ sang glài.

Esai 6:3

Ală seraphim đơs tòmho bal lah: “Sàng goh, sàng goh, sàng goh la Yàng Jehôwa Gơnap Gơnoar Dờng; Làm jơh plai ù bềng lìu bơta gơklŏ Kơnràñ dê.”

Jeremi 10:6

“Ơ Yàng Jehôwa, ò gơs cau lơi ndròm bal mơ Kơnràñ! Kơnràñ la dờng, Sơnđan Kơnràñ gơs gơnoar pràn dờng ngan.

Lebi 11:44

Añ la Jehôwa Yàng Tom Trồ bol mê dê; ơn is tĕ sàng goh să tòm bol mê dê mơ gơlik gơs tĕ sàng goh, tài bơh Añ la sàng goh. Bañ lơh să tòm bol mê in gơlik gơs ò goh tài bơh dô nơm phan neh geh crơng gơs lơi wìn hơđang ù.

Lebi 11:45

Añ la Yàng Jehôwa, la Bơtau neh cèng bol mê lik bơh di Ejiptơ nàng lơh gơs Yàng Tom Trồ bol mê dê; gen tàng gơlik gơs tĕ sàng goh, tài bơh Añ la sàng goh.

Lebi 19:2

“Yal tĕ jơh mpồl jơnum Israel dê mơ đơs mơ bol khai lah: ‘Sàng goh tĕ tài bơh Añ Jehôwa Yàng Tom Trồ bol mê dê, la sàng goh.

Rôma 15:4

Bơh ală bơta neh cih bơh yau la cih nàng bơto sồr bol he, tồ bơh bơta kơ̆ nền mơ bơta chồl pơndòm Sră Goh dê mơ bol he geh bơta gơn kơnòm.

Rôma 4:8

Lơngai cau lơi in Yàng ò kòp tồi glài tai.”

Yal Wơl 3:24

“Khoai Yàng Jehôwa la Bơtau At Bồ Hơđang Rlau Jơh, Kơnràñ neh sơntòm yal tơlik cau duh broă Kơnràñ in bơta dờng ryŭ mơ tê pràn kơldang Kơnràñ dê. Bơh hơđang trồ hala tòm ù gơs yàng lơi gơs broă lơh mơ lơh ală broă gơnap gơnoar be Kơnràñ neh lơh sơl ơ?

Yal Wơl 32:20

Kơnràñ đơs lah: “Añ rơp pồn mat Añ bơh di bol khai, Añ rơp sền ñchi bơta rơp gơlik gơs lồi dut bol khai dê; bơh bol khai la dô jơi bơtiàn kơldang bồ, hơ̆ la ală kòn sau ò gơs bơta dòn song.

Yal Wơl 32:39

Sền tĕ tŭ do, Añ la Bơtau hơ̆! Ò gơs yàng lơi ndai rlau mơ Añ. Añ tơnchơt mơ lơh kis wơl, Añ lơh sồt jê mơ rơp sơmbòi wơl; ò gơs cau lơi rgơi dong tă bơh di tê Añ.

Yal Wơl 32:4

Kơnràñ la Pơnai Lŭ, broă lơh Kơnràñ dê la wil tơl, mơ jơh ală gùng dà Kơnràñ dê la song ring. Yàng Tom Trồ Bơtau dòn song, ò blac pơrlồm, Kơnràñ la Bơtau song ngan mơ song ring;

Yal Wơl 4:35

Ală bơta hơ̆ neh ràng tơlik bol mê in sền gŏ tồ bol mê rgơi git lah Jehôwa la Yàng Tom Trồ; rlau mơ Kơnràñ ò gơs yàng lơi ndai.

Yal Wơl 4:39

Gen tàng tòm ngai do, đal git tĕ mơ prap gàr tĕ tòm nùs lah Jehôwa la Yàng Tom Trồ hơđang trồ ne mơ hơđơm plai ù do. Ò gơs yàng lơi ndai tai be Kơnràñ.

I Pier 1:16

bơh Sră Goh neh cih lah: “Bol mê pal gơs sàng goh, bơh añ la sàng goh.”