I Samuel 2:14 - Sră Goh 2018

¹⁴ mơ khai jră cơnhŏ pe sề tòm glah, tòm chàng, tòm glah crah, hala glah ƀung; mơ cơnhŏ sề kwĕ tơngguh gen poac hơ̆ rơp gơrê bal mơ cau gơnoar ơn phan duh khoai. Hơ̆ la bơta bol khai lơh gơwèt mơ jơh làng bol Israel neh tus tềng hơ̆.

I Samuel 2:14 Mawu Ofanana

Esai 56:11

Bol khai la ală so jròk sa, bol khai ò gơs tŭ lơi hòm. Bol khai la ală cau ê belàt ò gơs bơta git wă; Jơh ală bol khai lòt jat gùng is bol khai dê, kòp nă jòi cồng nha is he in, cau lơi kung behơ̆ lơm.

Lebi 7:34

Bơh di ală phan ơn bơta ring lơngai cau Israel dê, Añ neh ai ntơh tơyài mơ bơnô neh ơn mơ ai jơh Arôn cau gơnoar ơn phan duh khoai mơ ală kòn klau khai in lơh gơs pơnah òs ai bol khai in bơh cau Israel.

Mice 3:3

la cau sa poac làng bol Añ jê, klò gơltau bol khai dê mơ dơrpă ală ntìng bol khai dê gơlik rpot rpet; Bol mê la cau tơcoh bol khai kung be poac tòm glah, kung be poac tòm chàng taih?”

Malaci 1:10

“Ơ hơh, gơs cau lơi tòm bol mê pal til ală mpồng hìu duh khoai dê, tồ bol mê ò chu ồs di cơnòng duh khoai Añ jê tòm bơta ò kwơ.” Yàng Jehôwa Gơnap Gơnoar Dờng Làm Jơh đơs lah: “Añ ò niam nùs di bol mê, mơ Añ ò dòp phan ơn lơi bơh di tê bol mê.

I Samuel 2:13

hala bơh broă ală cau gơnoar ơn phan duh khoai pal lơh gơwèt mơ làng bol: tòm tŭ gơs cau lơi ơn phan pơdơng duh khoai, cau duh broă cau gơnoar ơn phan duh khoai dê pal tus, tòm tŭ poac gam gơm, tòm tê at cơnhŏ pe sề;

I Samuel 2:15

Mơya, lài mơ tŭ chu dơngi, gen cau duh broă cau gơnoar ơn phan duh khoai dê tus đơs mơ cau ơn phan pơdơng lah: “Ai cau gơnoar ơn phan duh khoai in poac nàng buh; bơh khai ò dòp poac gơm bơh di mê, mơya mìng poac ris lơm.”

I Samuel 2:29

Ñchi bơh tài bol mê hàm kòñ sa ală phan ơn duh khoai Añ jê mơ ală phan ơn mơ Añ neh sồr ơn taih? Mơ mê ki ngàm di ală kòn klau mê dê rlau mơ Añ, neh lơh să tòm bol mê in lơmă bơh sa ală pơnah niam rlau jơh tòm kòp nơm phan ơn làng bol Israel Añ jê taih?’