I Samuel 2:10 - Sră Goh 2018

¹⁰ Ală cau tòmdră di Yàng Jehôwa rơp kong lề lac; bơh đang trồ Kơnràñ rơp tơndùh ntơr kơnàs hơđang bol khai. Yàng Jehôwa rơp cahrña ală tiah lồi dut plai ù dê; Kơnràñ rơp ai bơta pràn kơldang cau bơtau Kơnràñ in, mơ yò tơngguh gơnoar cau geh bong mơñà Kơnràñ dê.”

I Samuel 2:10 Mawu Ofanana

II Samuel 22:14

Yàng Jehôwa lơh kơnàs ntơr bơh hơđang trồ; Bơtau Hơđang Rlau Jơh tơlik sap đơs Kơnràñ dê.

II Samuel 7:13

Khai rơp bơt dô nơm hìu Sơnđan Añ in, mơ Añ rơp bơtào sơbàn lơgar bơtau khai dê gam sùm sùm.

II Samuel 7:8

Behơ̆ tŭ do, đơs tĕ mơ Dabit, cau duh broă Añ jê lah: ‘Yàng Jehôwa Gơnap Gơnoar Dờng Làm Jơh đơs be do: Añ neh tă mê bơh di ƀlàng ñhơt, bơh tiah mê ê mpồl belàt, nàng mê lơh gơs cau bơtau at bồ làng bol Israel Añ jê.

Sră Jop 40:9

Tŭ hơ̆, Añ rơp jòng ro mê Lah tê ma mê cèng bơta pha lin mê in.

Đơs Crih 132:17

Tềng hơ̆ Añ rơp lơh ngke Dabit dê gơhòn dờng; Añ neh rcang dô nơm ồs đèng cau geh bong mơñà Añ jê.

Đơs Crih 148:14

Kơnràñ neh pò tơngguh ngke làng bol Kơnràñ dê. La bơta jòng ro ală cau dòn song Kơnràñ dê, Hơ̆ la làng bol Israel, la cau ơm rềp di Kơnràñ. Jòng ro Yàng Jehôwa!

Đơs Crih 2:2

Ală bơtau tòm dunnia bơtào tơngguh, Ală kwang bàng tòmbơyai bal, Sòdră di Yàng Jehôwa mơ di Bơtau geh bong mơñà Kơnràñ dê mơ lah:

Đơs Crih 2:6

“Bulah behơ̆, Añ neh bơtào Bơtau Añ jê Hơđang Siôn, mơnơm sàng goh Añ jê.”

Đơs Crih 2:9

Kòn rơp ngui gai jra lòs mơ pòng bơcah bol khai, Kòn rơp lơh bơcah lề bol khai be gri cau chài mòn gơ.”

Đơs Crih 20:6

Tŭ do añ git Yàng Jehôwa rơp dong kòl cau geh bong mơñà Kơnràñ dê; Bơh di lơgar đang trồ sàng goh Kơnràñ dê, Kơnràñ rơp ho wơl khai, Mơ ai bơta pha lin rlau bơh gơnoar pràn tê ma Kơnràñ dê.

Đơs Crih 20:7

Cau do kơnòm di rơndeh, cau ndai kơnòm di ơseh; Mơya bol hi kơnòm di sơnđan Yàng Jehôwa, la Yàng Tom Trồ bol hi dê.

Đơs Crih 21:1

Ơ Yàng Jehôwa, tòm bơta pràn Kơnràñ dê bơtau hòn chò, Tòm bơta dong kòl Kơnràñ dê khai hòn chò hừh hơh.

Đơs Crih 28:8

Yàng Jehôwa la bơta pràn kơldang làng bol Kơnràñ dê, La tiah kìng crŭ ring lơngai cau geh bong mơñà Kơnràñ dê.

Đơs Crih 45:7

Bơtau kòñ gơboh bơta song ring, gơjrañ kơuềng di bơta iơh bơsak. Gen tàng Yàng Tom Trồ, la Yàng Tom Trồ bơtau dê, Neh ai bơtau in bơta hòn chò be bong mơñà di bơtau, rlau mơ ală gơp bơyô bơtau dê.

Đơs Crih 89:17

Bơh Yàng la bơta gơklŏ bơta pràn kơldang bol khai dê; Kơnòm di bơta nđàc Yàng dê, mơ gơnoar pràn bol hi dê geh yò tơngguh.

Đơs Crih 89:24

Bơta dòn song mơ bơta kòñ gơboh kơ̆ dơn Añ jê rơp ơm bal mơ khai, Tòm sơnđan Añ jê gơnoar pràn khai dê rơp geh yò tơngguh hơđang.

Đơs Crih 89:25

Añ rơp ơn tê khai dê hơđang dàlềng, Mơ tê ma khai dê hơđang ală hiòng,

Đơs Crih 96:13

di đap Yàng Jehôwa; bơh Kơnràñ lòt tus, bơh Kơnràñ tus nàng cahrña dunnia. Kơnràñ rơp cahrña dunnia mơ bơta song ring, mơ ngui jơnau song nàng cahrña ală làng bol.

Đơs Crih 98:9

Bơh Kơnràñ tus nàng cahrña dunnia. Kơnràñ rơp ai bơta song ring nàng cahrña dunnia, Mơ cahrña ală làng bol dô bă ring bal.

Lik Ejiptơ 15:6

Ơ Yàng Jehôwa! Tê ma Kơnràñ dê gơs gơnap gơnoar gơklŏ ngan. Ơ Yàng Jehôwa! Tê ma Kơnràñ dê tơnlề cau sò tơm.

Cau Bơto 11:9

Ơ cau kơnòm să, hòn chò tĕ tòm tŭ mê gam kơnòm să, lòi tĕ nùs mê hừh hơh tòm tŭ gam kơnòm să, lòt jat tĕ gùng dà nùs mê kòñ, mơ đal sền bơta mat mê hàm kòñ, mơya git lah bơh ală bơta hơ̆, Yàng Tom Trồ rơp hòi mê tus nàng cahrña.

Cau Bơto 12:14

Bơh Yàng Tom Trồ rơp cèng jơh ală broă lơh nàng cahrña, mơ jơh ală broă ndơp ndơr rlau jơh, bulah niam hala iơh.

Esai 29:6

Yàng Jehôwa Gơnap Gơnoar Dờng rơp còp mê, mơ ntơr kơnàs, gơlơnggơr ù mơ ntas nggồr dờng, càl rbut, mơ lơmpiat ồs sa pơrguc.

Esai 32:1

Sền ne, dô nă cau bơtau rơp at bồ tòm bơta song ring, ală cau kwang rơp at bồ mơ bơta song ring.

Esai 45:24

Bol khai rơp đơs bơh Añ lah: “Bơta song ring mơ bơta pràn kơldang mìng ơm tòm Yàng Jehôwa lơm.” Jơh ală cau gơhào gơjrañ tòmdră mơ Kơnràñ rơp lòt tus mơ Kơnràñ mơ kong bơta ƀàssìl ƀàsso.

Ejekiel 29:21

Tòm ngai hơ̆, Añ rơp lơh hòn dô nơm ngke bơh hìu Israel, mơ Añ rơp pò lơmpiat mê digùl bol khai. Gen bol khai rơp git Añ la Yàng Jehôwa.”

Mathiơ 25:34

Tŭ hơ̆ Bơtau rơp đơs mơ ală cau ơm đah ma lah: ‘Ơ ală cau geh lơngai bơh di Bèp añ jê, tus tĕ pơrdòn lơgar neh rcang sir bol mê in bơh tŭ crơng gơs trồ tiah.

Mathiơ 28:18

Yàng Jesu tus, đơs mơ bol khai lah: “Jơh gơnoar hơđang trồ mơ tòm ù neh jào Añ in.

Luka 1:69

Bơtào tơngguh dô nơm ngke dong klàs bol he in tòm hìu Dabit la cau dĭ gơna Kơnràñ dê,

Luka 19:27

Ai ală cau sò tơm di añ, la ală cau ò kòñ añ at bồ hơđang bol khai, hwài tĕ bol khai tus hơ do mơ tơnchơt di đap añ.’”

Broă 10:38

mbe lơi Yàng Tom Trồ neh bong mơñà Yàng Jesu Cau Nasaret in mơ Yàng Hwềng Goh bal mơ gơnap gơnoar, lồc behơ̆ Kơnràñ lòt làm jơh, lơh broă lơbơn niam mơ sơmbòi jơh ală cau cà ràk bơklơn, bơh Yàng Tom Trồ ơm bal mơ Kơnràñ.

Broă 4:27

Ngan behơ̆, Herôt mơ Bônsơ Pilat bal mơ ală làng bol bơdìh mơ làng bol Israel sơl, neh pơjum bal dô bă tòm ƀòn dờng do nàng tòmdră mơ Cau Duh Broă sàng goh Kơnràñ dê la Yàng Jesu, mơ Kơnràñ neh bong mơñà,

II Kôrintô 5:10

Bơh bol he jơh tơl nă pal ntào di đap tiah cahrña Bơtau Krist dê, tồ kòp nă cau in dòp geh jat be broă niam hala iơh he neh lơh tòm tŭ gam ơm tòm poac să.

Ală Kwang Cahrña 5:31

Ơ Yàng Jehôwa, dan jơh ală cau sò tơm di Kơnràñ gơkòl tơnroh behơ̆. Mơya dan ală cau kòñ gơboh di Kơnràñ gen gơlơh kung be mattơngai tòm tŭ gơ àng gơcrà!” Gen lơgar gơs ring lơngai tòm poan jơt nam.

I Samuel 12:13

Sền tĕ do la cau bơtau mơ bol mê neh sac rwah, la cau mơ bol mê neh dan. Sền ne, Yàng Jehôwa neh bơtào dô nă bơtau hơđang bol mê.

I Samuel 12:17

Tŭ do ò di la kơnhai toès kòi mi ò ơ? Añ rơp hòi dan mơ Yàng Jehôwa nàng Kơnràñ rơp ai ntơr kơnàs mơ mìu; mơ bol mê rơp đal git bơta iơh bơsak mơ bol mê neh lơh di đap mat Yàng Jehôwa la dờng ngan, bơh neh dan dô nă bơtau bol mê in.”

I Samuel 12:18

Gen Samuel hòi dan mơ Yàng Jehôwa, mơ tòm ngai hơ̆ Yàng Jehôwa neh lơh nggồr ntơr kơnàs mơ dùh mìu. Behơ̆ jơh làng bol nsràng rngòt di Yàng Jehôwa mơ di Samuel.

I Samuel 12:3

Do añ, lơh cơng tĕ tòmdră mơ añ di đap Yàng Jehôwa mơ di đap cau geh bong mơñà Kơnràñ dê. Añ neh kup kơnrồ cau lơi sơl? Añ neh kup alàng cau lơi sơl? Añ neh pơrlồm cau lơi sơl? Añ neh rồn bơklơn cau lơi sơl? Añ neh dòp phan loă nàng lơh jơngo mat añ jê bơh gơ sơl? Lơh cơng tĕ tòmdră mơ añ mơ añ rơp tơm wơl gơ bol mê in.”

I Samuel 15:28

Samuel đơs mơ khai lah: “Ngai do Yàng Jehôwa neh crè lơgar Israel bơh di mê mơ neh ai gơ dô nă cau tòm ală cau gơp ƀòn mê dê, la cau niam rlau mơ mê.

I Samuel 16:1

Yàng Jehôwa đơs mơ Samuel lah: “Nđò jŏ mê rơp ñìm rac bơh Sol taih? Añ neh sang khai ò ai khai gơs bơtau at bồ Israel tai. Tơmbềng tĕ ngke mơñà mê dê mơ ñă lòt gùng; Añ rơp sồr mê lòt tus hơ Jese cau Betlehem. Añ neh rcang Añ in dô nă bơtau digùl ală kòn klau khai dê.”

I Samuel 7:10

Tòm tŭ Samuel gam ơn phan ơn chu pơrguc hơ̆, gen cau Philistin tus rềp nàng brồ lơh Israel. Mơya Yàng Jehôwa lơh ntơr kơnàs nggồr dờng ngan tòm ngai hơ̆ tòmdră mơ cau Philistin, lơh bol khai in nsràng rngòt mơ bol khai ntoat dô bơh di đap Israel.