I Samuel 18:8 - Sră Goh 2018

⁸ Sol gơjrañ ngan, bơh jơnau đơs chò hơ̆ ò niam nùs khai dê. Khai kơlôi lah: “Bol khai jòng ro Dabit neh tơnchơt oă jơt rbô, đah mơ añ gen mìng oă rbô. Ñchi bơta rlau tai khai rgơi geh, mìng siơ̆u gơnoar at bồ lơgar?”

I Samuel 18:8 Mawu Ofanana

Sơnròp Gơlik Gơs 37:11

Ală bi khai ƀoah gơjrañ di khai, mơya bèp ò hŭi bơta hơ̆.

Sơnròp Gơlik Gơs 37:8

Gen ală bi khai ho lah: “Mê rơp at bồ bol hi ơ? Mê rơp geh gơnoar hơđang bol hi ơ?” Bol hơ̆ sơlo gơjrañ kơuềng di khai oă tai, tài bơh ală bơta mpau mơ jơnau đơs khai dê.

I Ală Bơtau 2:22

Bơtau Salômôn ho wơl mơ mè khai dê lah: “Ñchi bơh tài mè dan ai Abisak cau Sunem Adônija in taih? Dan tĕ tơn lơgar ai khai in bơh khai la bi añ jê; ò di mìng dan khai in lơm, mơya kung dan tĕ Abiatha la cau gơnoar ơn phan duh khoai, mơ Jôap la kòn klau Jeruya dê!”

Este 3:5

Tòm tŭ Haman gŏ Mordike ò kun khoai mơ duh rngòt di khai, gen Haman gơhào gơjrañ ngan.

Jơnau Pơnđik 13:10

Bơta pơnhừ să tơnggơs bơta tòm pơndang bal; Ai bơta jak chài ơm mơ cau dòp jơnau bơto tơngkah.

Jơnau Pơnđik 27:4

Bơta gơjrañ dờng ngan la iơh rmơh, mơ tŭ gơjrañ be dà tơrlah bơtơt; mơya ñcau rgơi ntào jai di đap bơta gơjrañ mañ taih?

Cau Bơto 4:4

Gen añ kung neh gŏ ală broă bòl glar mơ ală cau chài rgơi lơh broă gơlik bơh bơta tòmpơrlòng dô nă cau dê mơ dô nă cau ndai. Bơta hơ̆ kung la bơta roh lơm, jat dô ròs càl khồm.

Khà Làng Bol 11:1

Mơ tai, làng bol yoam bơh ală bơta bòl glar bol khai dê di đap Yàng Jehôwa, mơ tŭ Kơnràñ neh kơno bol khai gen gơhào bơta gơjrañ. Gen ồs bơh di Yàng Jehôwa sa digùl bol khai mơ gơ sa roh dô pơnah sàl ơm.

Khà Làng Bol 22:34

Balaam đơs mơ cau gơnrơh Yàng Jehôwa dê lah: “Añ neh tìs glài. Añ ò đal git Kơnràñ ntào tòm gùng nàng kơryan añ. Tŭ do dilah Kơnràñ ò niam nùs, añ rơp rê wơl.”

Jakơ 4:5

Hala oh mi kơlôi Sră Goh đơs ò kwơ tòm tŭ đơs be do: “Hwềng mơ Kơnràñ neh ai ơm tòm nùs bol he, đềt mềr mơ bol he tian gơs ƀoah pơrñat.”

I Samuel 13:14

Mơya tŭ do gơnoar at bồ mê dê rơp ò ơm kơ̆; Yàng Jehôwa neh jòi bàn dô nă cau jat nùs Kơnràñ dê mơ pồ bơtào khai lơh gơs cau at bồ hơđang làng bol Kơnràñ dê, tài bơh mê ò lơh jat jơnau sồr Kơnràñ dê.”

I Samuel 15:28

Samuel đơs mơ khai lah: “Ngai do Yàng Jehôwa neh crè lơgar Israel bơh di mê mơ neh ai gơ dô nă cau tòm ală cau gơp ƀòn mê dê, la cau niam rlau mơ mê.

I Samuel 16:13

Behơ̆ Samuel ai ngke mơñà mơ bong mơñà khai in di đap mat ală bi khai dê, mơ bơh ngai hơ̆ Hwềng Yàng Jehôwa dê mù hơđang Dabit dô bă gơs gơnoar pràn ngan. Gen Samuel rê wơl hơ Ramah.

I Samuel 18:9

Mơ bơh di ngai hơ̆ Sol sền di Dabit mơ gar mat ƀoah gơjrañ.

I Samuel 19:1

Sol đơs mơ Jônathan kòn klau khai dê bal mơ jơh ală cau duh broă khai dê tơnchơt Dabit. Mơya Jônathan kòñ gơboh đềt mềr di Dabit.

I Samuel 20:31

Bơh nđò jŏ kòn klau Jese gam kis tòm ù do kàr lơi gen mê bal mơ gơnoar at bồ lơgar mê dê kung ò geh bơtào kơ̆. Behơ̆ sồr tĕ cau cèng khai tus hơ añ, bơh khai pal chơt!”