I Samuel 18:5 - Sră Goh 2018

⁵ Broă lơi Sol sồr Dabit lơh gen Dabit lơh gơlik cồng nha niam tian gơs Sol bơtào khai hơđang tòm mpồl ling. Bơta hơ̆ niam nùs jơh làng bol mơ niam nùs ală cau duh broă Sol sơl.

I Samuel 18:5 Mawu Ofanana

Sơnròp Gơlik Gơs 39:23

Cau gơnoar at bồ hìu jàm ò sền sơwì tai ală broă lơh neh jào tòm tê Jôsep, tài bơh Yàng Jehôwa ơm bal mơ khai, mơ ai broă lơi khai in lơh gen gơlik gơs cồng nha.

II Samuel 5:10

Mơ Dabit sơlo ơm sơlo pràn rlau, tài bơh Jehôwa la Yàng Tom Trồ Gơnap Gơnoar Hơđang Jơh ơm bal mơ khai.

II Samuel 5:2

Bơh lài òr, tòm tŭ Sol gam at bồ bol hi, bơtau la cau neh lam Israel tòm ală bơta tòmlơh. Yàng Jehôwa neh đơs mơ bơtau lah: Mê rơp ê gàr làng bol Israel Añ jê, mơ mê rơp gơlik gơs cau at bồ hơđang Israel.”

II Yal Yau 17:3

Yàng Jehôwa ai lơngai Jehôsaphat in, tài bơh tòm ală nam sơnròp khai lòt tòm ală gùng dà mơ Dabit ồng pàng khai neh lòt mơ khai ò duh khoai yàng Baal.

Đơs Crih 1:3

Cau hơ̆ kung be chi tam di gah hiòng dà, Gơlik plai jat kơnhai sơnam, Nha gơ kung ò ro jrùh sơl. Ală bơta khai lơh rơp gơlik cồng nha.

Đơs Crih 101:2

Añ rơp bơtê lòt jat gùng dà ò gơkòl lah pơrhơng. Tŭ lơi sồng añ rơp tus di bơta hơ̆ taih? Añ rơp cơnđòa lòt bơh nùs song ngan tòm hìu añ jê;

Mathiơ 10:16

“Do Añ sồr bol mê lòt kung ò gơkrơi be belàt digùl mpồl so rhau. Behơ̆ chài rgơi tĕ be bơs, mơ lơbơn niam tĕ be sềm ntòp.

Broă 7:10

Kơnràñ dong tă khai lik klàs bơh jơh ală bơta bòl glar, mơ ai khai in bơta nđàc mơ bơta jak chài di đap Pharaôn, bơtau Ejiptơ; cau bơtau hơ̆ pồ bơtào khai lơh gơs kwang dờng lơgar Ejiptơ, mơ jơh hìu nhă cau bơtau dê sơl.

Ephesô 5:17

Gen tàng bañ tùl gơla, mơya pal git wă nùs kòñ Yàng dê la mbe lơi.

Kôlôse 4:5

Lơh lòt tĕ dô bă jak chài gơwèt mơ cau bơdìh, mơ pơlai tĕ tŭ tơngai.

Ală Kwang Cahrña 1:19

Yàng Jehôwa ơm bal mơ cau Juda. Bol khai tòmpìt ai tiah lơgar kơh mơnơm lơh gơs sre brê, mơya bol khai ò rgơi ting bơtrơh làng bol ơm tòm tiah ƀlàng ring; tài bơh bol hơ̆ gơs rơndeh lòs tòmlơh.

I Samuel 13:2

Sol sac rwah pe rbô nă cau klau Israel; bàr rbô nă ơm mơ khai tòm Mikmas mơ tòm ù tiah kơh mơnơm Betel dê, mơ dô rbô nă ơm mơ Jônathan tòm Gibea gơrê bal mơ Benjamin. Ală cau gam wơl gen khai sồr rê wơl tòm hìu bol khai dê.

I Samuel 14:52

Tòm jơh rài kis Sol dê gơs bơta kơlìn gơtoă dờng mơ cau Philistin, mơ tŭ lơi Sol gŏ dô nă cau klau pràn kơldang hala khin cha gen khai ngui cau hơ̆ duh broă khai dê.

I Samuel 18:16

Mơya jơh Israel mơ Juda gen kòñ gơboh di Dabit. Tài bơh Dabit lam bol khai lik lòt mơ rê wơl.

I Samuel 18:30

Ală cau kwang at bồ mpồl ling cau Philistin dê kư̆ pơnjat tai lik lòt tòmlơh, mơ nđò dơ̆ bol khai lik lòt tòmlơh gen Dabit geh bơtoah bơtoài rlau mơ ală cau duh broă Sol dê, tian gơs sơnđan khai geh tiơng pơnro ngan.

I Samuel 18:4

Jônathan hồ ào jrùh khai soh mơ ai Dabit in, bal mơ ào lòs, kung ai tơn đào, àtak mơ che but khai dê sơl.

I Samuel 18:6

Tòm tŭ bol khai rê hìu tơnơ̆ mơ tŭ Dabit neh tơnchơt cau Philistin rau, gen ală cau ùr lik bơh di jơh ală ƀòn dờng Israel dê nàng wă rò Sol. Bol khai đơs chò mơ tòmya, chò hòp bal mơ ală sơnggơr dềt mơ ală kơñi.

I Samuel 3:19

Samuel sơlo dờng, Yàng Jehôwa ơm bal mơ khai, mơ Kơnràñ ò lòi dô jơnau đơs lơi Kơnràñ dê gơlik ò kwơ.