I Samuel 18:30 - Sră Goh 2018

³⁰ Ală cau kwang at bồ mpồl ling cau Philistin dê kư̆ pơnjat tai lik lòt tòmlơh, mơ nđò dơ̆ bol khai lik lòt tòmlơh gen Dabit geh bơtoah bơtoài rlau mơ ală cau duh broă Sol dê, tian gơs sơnđan khai geh tiơng pơnro ngan.

I Samuel 18:30 Mawu Ofanana

II Samuel 11:1

Tòm kơnhai phàng, tŭ ală cau bơtau lik lòt tòmlơh, Dabit sồr Jôap lik lòt bal mơ ală cau duh broă bơtau dê mơ jơh mpồl ling Israel dê; bol khai tơnroh cau Ammôn mơ gơrwàng gùt dar Rapba. Mơya Dabit ơm wơl tòm Jerusalem.

II Samuel 7:9

Añ neh ơm bal mơ mê tiah lơi mê lòt, mơ neh tơnroh jơh ală cau sò tơm mê dê bơh di đap mê. Tŭ do Añ rơp lơh sơnđan mê gơlik dờng màng kung be ală sơnđan ală cau dờng màng rlau jơh tòm plai ù.

II Ală Bơtau 1:13

Gen bơtau sồr tai dô nă kwang at bồ ling lòt bal mơ pram jơt ling khai dê. Cau kwang do guh hơđang, cùn gơltang di đap Eli, mơ dan lah: “Ơ cau Yàng Tom Trồ dê, dan lòi bơta kis añ jê bal mơ bơta kis pram jơt nă cau dĭ gơna ồng dê, geh sền dờng màng di đap mat ồng.

Đơs Crih 116:15

Bơta chơt ală cau sàng goh Yàng Jehôwa dê La dờng màng di đap Kơnràñ.

Đơs Crih 119:99

Añ gơs bơta git wă rlau mơ jơh ală cau bơto añ jê, Bơh añ kơlôi sơnơng bơh ală jơnau sồr kràñ cê Yàng dê.

Jơnau Pơnđik 12:8

Cau geh jòng ro bơh bơta jak chài; Ai cau gơs nùs rkwet rkwe gơkòl sền òsơp.

Daniel 1:20

Mơ tai, tòm tŭ cau bơtau lùp bol khai ală sèng lùp bơh ală bơta jak chài mơ bơta git wă, gen gŏ bol khai lin jơt dơ̆ rlau mơ jơh ală cau gru mơ cau tơlhơu tòm làm lơgar cau bơtau dê.

Luka 21:15

Bơh Añ rơp ai bol mê in jơnau đơs mơ bơta jak chài mơ ală cau sò tơm di bol mê ò rgơi tòmdră hala đơs tơrwơl.

Ephesô 5:15

Behơ̆ kơrhia tĕ bơh bơta lơh lòt oh mi dê, bañ lơh be cau ò jak chài, mơya lơh be cau jak chài.

I Pier 2:4

Tus tĕ hơ Kơnràñ la pơnai lŭ kis, neh cau sang lòi, mơya geh Yàng Tom Trồ sac rwah mơ màng ngan.

I Pier 2:7

Behơ̆ gơwèt mơ oh mi la cau dòn, gen Kơnràñ la màng ngan; mơya gơwèt mơ ală cau ò dòn gen “Pơnai lŭ mơ ală cau bơt hìu neh sang lòi, Lŭ hơ̆ neh gơlik gơs lŭ bồ mum hìu,”

I Samuel 18:29

gen Sol sơlo rngòt rlau tai di Dabit, mơ kư̆ lơh gơs cau sò tơm di Dabit tòm jơh rài kis khai dê.

I Samuel 18:5

Broă lơi Sol sồr Dabit lơh gen Dabit lơh gơlik cồng nha niam tian gơs Sol bơtào khai hơđang tòm mpồl ling. Bơta hơ̆ niam nùs jơh làng bol mơ niam nùs ală cau duh broă Sol sơl.

I Samuel 19:8

Gơs bơta kơlìn gơtoă dô dơ̆ tai, Dabit lik lòt tòmlơh mơ làng bol Philistin. Khai tòmlơh pràn kơldang lơh bol khai in chơt oă ngan, tian gơs bol khai ntoat dô bơh di đap khai.

I Samuel 2:30

Gen tàng Jehôwa Yàng Tom Trồ Israel dê đơs be do: ‘Añ neh ho lah hìu mê mơ hìu ồng pàng mê rơp duh broă di đap Añ sùm sùm.’ Mơya tŭ do Yàng Jehôwa đơs lah: ‘Bơta hơ̆ ngài ngan bơh di Añ! Bơh cau lơi ki ngàm di Añ gen Añ rơp ki ngàm di bol khai, ai ală cau lơi sền òsơp di Añ gen bol khai rơp kong sền òsơp.

I Samuel 26:21

Gen Sol đơs lah: “Añ neh lơh tìs. Ơ Dabit kòn añ, rê wơl tĕ. Añ rơp ò lơh iơh di mê tai, tài bơh bơta kis añ jê geh sền dờng màng di đap mê tòm ngai do; añ neh lơh dô bơta bơrngơl gơla, mơ añ neh lơh dô bơta tìs dờng ngan.”

I Samuel 26:24

Kung be bơta kis bơtau dê geh sền dờng màng di đap añ tòm ngai do, behơ̆ dan bơta kis añ jê geh sền dờng màng di đap Yàng Jehôwa mơ dan Kơnràñ dong tă añ bơh di jơh ală bơta bòl glar.”