I Samuel 17:49 - Sră Goh 2018

⁴⁹ Dabit cok tê tòm kơldung khai dê mơ ai dô pơnai lŭ, khai ngui sơna sơrbì lŭ mơ sơrbì gơ di di bìng liang cau Philistin. Lŭ hơ̆ mut tòm bìng liang khai dê, mơ khai gơpừ blup mat di ù.

I Samuel 17:49 Mawu Ofanana

I Ală Bơtau 22:34

Mơya gơs dô nă cau nisơna wàr àtak pañ di bơtau Israel, di digùl ngkàp ào lòs mơ ntơh khai. Bơtau đơs mơ ală cau at rơndeh khai dê lah: “Tơrwơl tĕ, mơ cèng añ lik hơ bơdìh tiah tòmlơh, bơh añ neh sồt kơnjơ̆.”

II Ală Bơtau 9:24

Jehu wàr àtak ai jơh pràn mơ pañ, kam par di să Jôram digùl bàr đah pơnì, bluh plai nùs, mơ khai gơpừ tơlup tòm rơndeh khai.

I Samuel 17:48

Tòm tŭ cau Philistin lòt tus rềp rlau nàng brồ lơh Dabit, gen Dabit ntoat mhar tus hơ nhàr tòmlơh nàng tìp mơ cau hơ̆.

I Samuel 17:50

Behơ̆ Dabit ngui sơna sơrbì lŭ mơ dô pơnai lŭ mơ geh pha lin rlau mơ Gôliat, tòmpừ khai di tiah mơ tơnchơt khai, mơ ò gơs dô nơm đào tòm tê.

I Samuel 19:5

Khai neh phi bơta kis khai dê tòm tŭ khai tơnchơt Gôliat. Yàng Jehôwa neh ai Israel in bơta pha lin rlau dờng ngan, bèp neh gŏ bơta hơ̆ mơ hòn chò. Behơ̆, ñchi bơh tài bèp lơh tìs kòñ tơnchơt dô nă cau ò gơs glài la Dabit taih?”