I Samuel 17:36 - Sră Goh 2018

³⁶ Cau duh broă bơtau dê neh tơnchơt klìu triă mơ jơgơu, gen cau Philistin ò siat gơltau do rơp gơlik gơs kung be dô nơm tòm bol gơ, bơh khai neh đơs jơnau pơrlòng ală mpồl ling Yàng Tom Trồ gam kis sùm sùm dê.

I Samuel 17:36 Mawu Ofanana

II Yal Yau 32:17

Cau bơtau kung cih ală sră pơyoa srat sơntơm Jehôwa Yàng Tom Trồ Israel dê mơ đơs ală jơnau do tòmdră mơ Kơnràñ: “Kung be ală yàng ală làng bol ală lơgar ndai dê ò dong tă làng bol bol khai dê klàs bơh di tê añ, gen kung behơ̆ sơl Yàng Tom Trồ Ejekia dê rơp ò dong tă làng bol khai dê klàs bơh di tê añ.”

Esai 10:15

Sùng rgơi yò is să gơ jòng rlau mơ cau at gơ sơl? Hala rơnđòt jòng să mơ cau at gơ sơl? Kung be dô nơm gai mơng yò tơngguh cau at gơ, hala dô nơm gai jra rơp yò tơngguh cau at gơ.

Esai 36:15

Bañ lòi bơtau Ejekia bơto pơndòm bol mê dòn kơnòm di Yàng Jehôwa, bơh khai đơs lah: “Yàng Jehôwa ngan rơp dong tă bol he, mơ ƀòn dờng do rơp ò phi tòm tê bơtau Asiri dê!”

Esai 36:18

Bañ lòi bơtau Ejekia pơndòm pơrlồm bol mê tòm tŭ khai đơs lah: “Yàng Jehôwa rơp dong tă bol he!” Gơs yàng lơgar lơi ndai neh dong tă lơgar khai dê klàs bơh di tê bơtau Asiri sơl ơ?

Ejekiel 28:10

Mê rơp chơt bơh tê cau lơgar bơdìh, be bơta chơt cau ò geh siat gơltau. Jehôwa Yàng Tom Trồ đơs lah: Añ neh đơs behơ̆.’”

Ejekiel 32:19

Đơs tĕ mơ bol khai lah: ‘Mê geh bơta hàng mơnĕ rlau mơ ală cau ndai sơl? Mù tĕ! Pal bic rlô bal mơ ală cau ò siat gơltau.’

Daniel 5:23

Gơsơlơ̆u wơl, bơtau neh pơnhừ să tòmdră mơ Yàng hơđang trồ, mơ sồr cèng di đap bơtau ală phan ngui tòm hìu duh khoai Kơnràñ dê mơ ngui nàng ñô tơrnòm bal mơ ală cau kwang dờng, ală bau ùr mơ ală bau cồng bơtau dê. Bơtau kung neh jòng ro ală yàng mơ priă, mơ màh, mơ kòng, mơ lòs, mơ chi, mơ lŭ, la ală yàng ò gŏ, ò kơno, mơ ò git wă bơta lơi. Bơtau ò jòng ro Yàng Tom Trồ la Bơtau at tòm tê Kơnràñ dê nhơm tă mơ jơh ală gùng dà bơtau dê.

Sacari 12:3

Tòm ngai hơ̆, tòm tŭ jơh ală làng bol tòm ù pơjum bal tòmdră mơ Jerusalem, Añ rơp lơh Jerusalem in gơlik gơs kung be dô pơnai lŭ klềr cau ò rgơi pơrlă gơwèt mơ jơh ală làng bol. Jơh ală cau lơi kòñ pơrlă gơ gen să tòm bol khai rơp kong jê sồt.”

Sacari 2:8

Bơh Yàng Jehôwa Gơnap Gơnoar Dờng Làm Jơh đơs lah (tơnơ̆ mơ tŭ bơta gơklŏ Kơnràñ dê neh sồr tus hơ añ) pơnah ală lơgar neh phà tơnroh bol mê lah: bơh cau lơi ƀư di bol mê hơ̆ la ƀư di kòn mat Kơnràñ dê,

I Samuel 14:6

Jônathan đơs mơ cau ling àñ phan tòmlơh khai dê lah: “Tus tĕ, bol he lòt hơ tiah ơm kơp gàr ală cau ò siat gơltau hơ̆ dê mơ lòi bol khai sền gŏ he. Digơlan Yàng Jehôwa rơp lơh broă ala bol he in. Ò gơs bơta lơi rgơi kơryan Yàng Jehôwa tòm bơta dong tă, bơh oă cau hala bơh dô êt cau.”

I Samuel 17:10

Cau Philistin đơs tai lah: “Ngai do añ đơs pơrlòng mơ ală mpồl ling Israel dê; sồr tĕ dô nă cau tus mơ añ nàng bol hi tòmlơh bal.”

I Samuel 17:26

Gen Dabit lùp ală cau ơm rềp mơ khai lah: “Ñchi rơp lơh di cau rgơi tơnchơt cau Philistin do mơ tă sang bơta ƀàssìl bơh Israel? Cau Philistin ò siat gơltau do la ñcau mơ khin đơs pơrlòng ală mpồl ling Yàng Tom Trồ kis sùm sùm dê taih?”

I Samuel 17:35

gen añ ting jat gơ, lơh gơ mơ dong tă belàt bơh di bơr gơ. Tòm tŭ gơ brồ lơh añ gen añ sơmbat di sơnò tềp gơ, lơh gơ mơ tơnchơt gơ.

I Samuel 17:37

Yàng Jehôwa la Bơtau neh dong tă añ bơh di nđias klìu triă mơ bơh di nđias jơgơu gen Kơnràñ rơp dong tă añ bơh di tê cau Philistin do.” Sol đơs mơ Dabit lah: “Lòt tĕ, dan Yàng Jehôwa ơm bal mơ mê.”

I Samuel 18:17

Sol đơs mơ Dabit lah: “Do la Merap kòn ùr dờng añ jê. Añ rơp ai mê in bau; mìng mê pal duh broă añ dô bă khin cha mơ tòmlơh tòm ală bơta tòmlơh Yàng Jehôwa dê.” Bơh Sol neh kơlôi lah: “Añ rơp ò ƀư tê hơđang khai, lòi cau Philistin lơh bơta hơ̆!”

I Samuel 31:4

Sol đơs mơ cau àñ phan tòmlơh khai dê lah: “Tă tĕ đào mê mơ srơp añ, rngòt ală cau ò siat gơltau ne rơp tus srơp añ mơ lơh ƀàssìl di añ mòn!” Mơya cau àñ phan tòmlơh khai dê rngòt ngan mơ ò bài lơh behơ̆; behơ̆ Sol ai đào khai dê mơ tòmpừ is să khai di cồng gơ.