I Samuel 17:32 - Sră Goh 2018

³² Dabit đơs mơ Sol lah: “Bañ gơs dô nă cau lơi gơplơ̆ nùs bơh jơnau cau Philistin do; cau duh broă bơtau dê rơp lòt tòmlơh mơ khai.”

I Samuel 17:32 Mawu Ofanana

Đơs Crih 3:6

Añ ò rngòt di tơlak tơmàn cau gơrwàng tòmdră gùt dar añ.

Esai 35:4

Đơs tĕ mơ ală cau gơs nùs rngòt rngơt lah: “Kơ̆ tĕ nùs, bañ rngòt; do la Yàng Tom Trồ bol mê dê, Kơnràñ rơp tus nàng sal tê; bal mơ bơta rngòt cù kìr mơ bơta sal wơl. Kơnràñ rơp tus nàng dong klàs bol mê.”

Esai 7:4

mơ đơs mơ khai lah: ‘Kơrhia tĕ, ơm mŏ mŏ mơ bañ rngòt. Bañ lòi nùs mê bòl glar tài bơh bàr gơl lòng ồs sa, tài bơh bơta gơhào gơjrañ Rejin mơ Aram dê, mơ kòn klau Remalia dê.

Khà Làng Bol 13:30

Gen Kalep lơh làng bol ơm pal ơm mŏ mŏ di đap Môise mơ đơs lah: “Bol he pal guh mơ tòmpìt lơgar lơh gơs lơgar tòm bol he dê, bơh ngan la bol he rgơi lơh bơta hơ̆.”

Khà Làng Bol 14:9

Mìng bañ tòmdră mơ Yàng Jehôwa, mơ bañ rngòt di làng bol tòm lơgar hơ̆, tài bơh bol he rơp sa loan bol khai, bol khai ò gam gơs bơta sền gàr, mơya Yàng Jehôwa ơm bal mơ bol he. Bañ rngòt di bol khai.”

Hebrơ 12:12

Behơ̆ pò tĕ ală tê lơbơn lơño oh mi dê mơ lơh pràn kơldang tĕ ală gơltang mprơm oh mi dê.

Jôsue 14:12

Behơ̆, ai tĕ añ in tiah kơh mơnơm do mơ Yàng Jehôwa neh ho mơ añ tòm ngai hơ̆; bơh ồng neh kơno tòm ngai hơ̆ mbe cau Anakim neh ơm tềng hơ̆ mơ ală ƀòn dờng kơ̆ cê bol khai dê, hơ̆ digơlan Yàng Jehôwa neh ơm bal mơ añ, mơ añ rơp bơtrơh tơlik bol khai, be Yàng Jehôwa neh đơs.”

I Samuel 14:6

Jônathan đơs mơ cau ling àñ phan tòmlơh khai dê lah: “Tus tĕ, bol he lòt hơ tiah ơm kơp gàr ală cau ò siat gơltau hơ̆ dê mơ lòi bol khai sền gŏ he. Digơlan Yàng Jehôwa rơp lơh broă ala bol he in. Ò gơs bơta lơi rgơi kơryan Yàng Jehôwa tòm bơta dong tă, bơh oă cau hala bơh dô êt cau.”

I Samuel 16:18

Dô nă cau tòm mpồl cau duh broă ho lah: “Añ neh gŏ dô nă kòn klau Jese cau Betlehem git rơs kơñi. Khai la dô nă cau khin cha mơ la dô nă cau ling jak tòmlơh, git kơrhia tòm jơnau đơs, niam klau, mơ Yàng Jehôwa ơm bal mơ khai.”

I Samuel 17:31

Ală jơnau Dabit neh đơs gen gơs cau kơno mơ yal wơl Sol in, mơ Sol sồr cau hòi Dabit.