I Samuel 16:12 - Sră Goh 2018

¹² Behơ̆ Jese sồr cau lòt hòi khai mơ lam khai mut tòm hìu. Muh mat khai gơlơh dum dum, rùp să khai dê sền niam mơ hàng mơnĕ. Gen Yàng Jehôwa đơs lah: “Ñă tĕ bong mơñà khai in. Khai la cau Añ sac rwah.”

I Samuel 16:12 Mawu Ofanana

Sơnròp Gơlik Gơs 39:6

Khai jào jơh ală phan mơna Jôsep in sền gàr; khai ò kơlôi broă lơi tai, mìng ală phan sa khai dê lơm. Mơ Jôsep la hàng mơnĕ, mơ sền khai mơnĕ mơnài.

II Samuel 23:1

Do la ală jơnau đơs lồi dut Dabit dê: “Jơnau đơs Dabit dê, kòn klau Jese, hơ̆ la jơnau đơs cau geh Yàng Tom Trồ yò tơngguh, cau geh bong mơñà bơh Yàng Tom Trồ Jakôp dê, cau jak đơs chò Israel dê.

II Samuel 7:8

Behơ̆ tŭ do, đơs tĕ mơ Dabit, cau duh broă Añ jê lah: ‘Yàng Jehôwa Gơnap Gơnoar Dờng Làm Jơh đơs be do: Añ neh tă mê bơh di ƀlàng ñhơt, bơh tiah mê ê mpồl belàt, nàng mê lơh gơs cau bơtau at bồ làng bol Israel Añ jê.

I Ală Bơtau 1:34

Tềng hơ̆, Jadôk cau gơnoar ơn phan duh khoai mơ Nathan cau gơnoar hwơr bong mơñà khai in lơh gơs bơtau hơđang Israel. Uh tĕ kơlwòk mơ driau dờng tĕ lah:

Đơs Crih 2:2

Ală bơtau tòm dunnia bơtào tơngguh, Ală kwang bàng tòmbơyai bal, Sòdră di Yàng Jehôwa mơ di Bơtau geh bong mơñà Kơnràñ dê mơ lah:

Đơs Crih 2:6

“Bulah behơ̆, Añ neh bơtào Bơtau Añ jê Hơđang Siôn, mơnơm sàng goh Añ jê.”

Đơs Crih 78:70

Kơnràñ neh sac Dabit nàng lơh gơs dĭ gơna Kơnràñ dê, cèng tơlik khai bơh di ală wàng belàt,

Lik Ejiptơ 2:2

Cau ùr hơ̆ bun, mơ deh dô nă kòn klau. Tòm tŭ khai gŏ hơ̆ la dô nă kòn hàng mơnĕ gen pồn kòn hơ̆ tòm pe kơnhai.

Đơs Chò 5:10

Cau kòñ gơboh añ bò mơ dum, khà dùl tòm jơt rbô nă cau.

Ñìm Rac 4:7

Ală cau kwang at bồ gơ goh rlau mơ piar, bò rlau mơ dà toh. Să jan bò pơrhê rlau mơ bơkào lŭ tòm dàlềng, sŏ bol khai be lŭ màng tơlir.

Sacari 4:14

Behơ̆ khai đơs lah: “Hơ̆ la bàr nă cau geh bong mơñà, nàng duh broă Yàng Jehôwa jơh plai ù dê.”

Broă 4:27

Ngan behơ̆, Herôt mơ Bônsơ Pilat bal mơ ală làng bol bơdìh mơ làng bol Israel sơl, neh pơjum bal dô bă tòm ƀòn dờng do nàng tòmdră mơ Cau Duh Broă sàng goh Kơnràñ dê la Yàng Jesu, mơ Kơnràñ neh bong mơñà,

Broă 7:20

Tòm tŭ hơ̆ deh Môise, khai hàng mơnĕ krơi is ngan, geh ròng tòm pe kơnhai tòm hìu khai dê.

Hebrơ 11:23

Bơh bơta dòn mè bèp Môise, tòm tŭ pa deh gen cèng pồn tòm pe kơnhai, tài bơh bol khai gŏ kòn la mơnĕ mơnài, mơ bol khai ò rngòt di jơnau gơnoar sồr bơtau dê.

I Samuel 16:18

Dô nă cau tòm mpồl cau duh broă ho lah: “Añ neh gŏ dô nă kòn klau Jese cau Betlehem git rơs kơñi. Khai la dô nă cau khin cha mơ la dô nă cau ling jak tòmlơh, git kơrhia tòm jơnau đơs, niam klau, mơ Yàng Jehôwa ơm bal mơ khai.”

I Samuel 17:42

Khai sền sơwì Dabit mơ gŏ Dabit mìng la dô nă cau kơnòm, muh mat dum dum, mơ niam klau, gen sền òsơp di khai.

I Samuel 17:55

Tòm tŭ Sol sền gŏ Dabit lik lòt tòmlơh mơ cau Philistin hơ̆ gen khai lùp Apner la cau kwang at bồ mpồl ling lah: “Ơ Apner, cau pơnu hơ̆ la kòn ñcau taih?” Apner ho lah: “Ơ cau bơtau, di ngan kung be bơtau kis, añ ò git.”

I Samuel 9:17

Tòm tŭ Samuel gŏ Sol gen Yàng Jehôwa đơs mơ khai lah: “Do la cau mơ Añ neh yal mê in; khai rơp at bồ làng bol Añ jê.”