I Samuel 15:26 - Sră Goh 2018

²⁶ Samuel đơs mơ Sol lah: “Añ rơp ò rê wơl mơ mê; bơh mê neh sang lòi jơnau Yàng Jehôwa dê, mơ Yàng Jehôwa neh sang lòi mê, ò lòi mê gơs bơtau at bồ Israel tai.”

I Samuel 15:26 Mawu Ofanana

Sơnròp Gơlik Gơs 42:38

Mơya Jakôp ho lah: “Kòn put añ ò mù bal mơ bol mê ò, tài bơh bi khai neh chơt rau, gam mìng dô nă khai lơm. Dilah bơta gơtup gơtơl tus mơ khai tòm gùng bol mê lòt, gen bol mê rơp lơh cau sŏ kò do jê nùs mù tòm lơgar làng ƀồc.”

II Samuel 12:9

Ñchi bơh tài mê sền òsơp di jơnau đơs Yàng Jehôwa dê mơ lơh bơta iơh di đap mat Kơnràñ taih? Mê neh ngui đào tơnchơt Uria cau Hetit mơ kup bau ùr khai lơh gơs bau ùr mê dê. Mê neh tơnchơt khai bơh đào cau Ammôn dê.

II Samuel 7:15

Mơya Añ rơp ò tă bơta kòñ gơboh kơ̆ dơn Añ jê bơh di khai, kung be Añ neh tă gơ bơh di Sol la cau Añ neh tă tơlik bơh di đap mê.

Jeremi 6:19

Ơ ù tiah, iat tĕ! Do, Añ rơp cèng bơta rung rài tus hơđang làng bol do, cồng nha bơh ală kai gơrmơ̆i bol khai dê, Tài bơh bol khai ò bài ai tồr iat ală jơnau Añ jê, Mơ bơh bơta bơto sồr Añ jê bol khai neh sang lòi gơ.

Sră Ôse 13:11

Behơ̆ tòm bơta gơjrañ Añ jê, Añ ai mê in dô nă bơtau, mơ tòm bơta gơjrañ dờng Añ jê, Añ tă tơlik cau bơtau hơ̆.

Sră Ôse 4:6

Làng bol Añ jê kong tơnroh tài bơh siơ̆u bơta git wă. Tài bơh bol mê sang lòi bơta git wă, Añ kung sang lòi mê tồ mê ò lơh gơs cau gơnoar ơn phan duh khoai Añ jê; Mơ bơh di tŭ bol mê neh hŭi bơta boh lam Yàng Tom Trồ bol mê dê, gen Añ kung rơp hŭi kòn sau bol mê dê sơl.

Broă 13:22

Lồc behơ̆ Kơnràñ sang bơtau hơ̆, bơtào Dabit lơh gơs bơtau mơ đơs bơh khai lah: ‘Añ neh jòi bàn Dabit kòn Jese dê, la cau di nùs Añ; khai rơp lơh jat nùs kòñ Añ jê tòm jơh ală bơta.’

II Jang 1:11

bơh cau lơi lùp còp khai, gen gơs pơnah tòm broă iơh khai dê.

I Samuel 13:14

Mơya tŭ do gơnoar at bồ mê dê rơp ò ơm kơ̆; Yàng Jehôwa neh jòi bàn dô nă cau jat nùs Kơnràñ dê mơ pồ bơtào khai lơh gơs cau at bồ hơđang làng bol Kơnràñ dê, tài bơh mê ò lơh jat jơnau sồr Kơnràñ dê.”

I Samuel 15:23

Bơta tòmdră la kung be tồi glài juh proh, bơta kơldang bồ la iơh kung be bơta duh rùp ràk. Tài bơh mê neh sang lòi jơnau Yàng Jehôwa dê, gen Kơnràñ kung neh sang lòi mê, ò ai mê gơs bơtau at bồ tai.”

I Samuel 15:31

Behơ̆ Samuel rê wơl mơ Sol; gen Sol duh khoai Yàng Jehôwa.

I Samuel 16:1

Yàng Jehôwa đơs mơ Samuel lah: “Nđò jŏ mê rơp ñìm rac bơh Sol taih? Añ neh sang khai ò ai khai gơs bơtau at bồ Israel tai. Tơmbềng tĕ ngke mơñà mê dê mơ ñă lòt gùng; Añ rơp sồr mê lòt tus hơ Jese cau Betlehem. Añ neh rcang Añ in dô nă bơtau digùl ală kòn klau khai dê.”

I Samuel 2:30

Gen tàng Jehôwa Yàng Tom Trồ Israel dê đơs be do: ‘Añ neh ho lah hìu mê mơ hìu ồng pàng mê rơp duh broă di đap Añ sùm sùm.’ Mơya tŭ do Yàng Jehôwa đơs lah: ‘Bơta hơ̆ ngài ngan bơh di Añ! Bơh cau lơi ki ngàm di Añ gen Añ rơp ki ngàm di bol khai, ai ală cau lơi sền òsơp di Añ gen bol khai rơp kong sền òsơp.

I Samuel 28:18

Tài bơh mê neh ò dòn jat jơnau Yàng Jehôwa mơ ò lơh gơlik gơs bơta gơjrañ dờng Kơnràñ dê tòmdră mơ cau Amalek, gen tàng ngai do Yàng Jehôwa lơh bơta do mê in.