I Samuel 15:24 - Sră Goh 2018

²⁴ Gen Sol đơs mơ Samuel lah: “Añ neh tìs glài. Añ neh lơh tìs mơ jơnau sồr Yàng Jehôwa dê mơ jơnau bơto sồr ồng dê. Añ neh rngòt di làng bol mơ lơh jat jơnau bol khai dê.

I Samuel 15:24 Mawu Ofanana

Sơnròp Gơlik Gơs 3:12

Cau klau ho lah: “Cau ùr mơ Yàng neh ơn rềp dê añ ai añ in plai chi hơ̆ mơ añ neh sa rau.”

Sơnròp Gơlik Gơs 3:17

Kơnràñ đơs mơ Adam lah: “Bơh mê iat jơnau cau ùr mơ sa plai chi Añ neh nting ò di sa, behơ̆ ù kong srat sơntơm tài bơh mê, tòm jơh rài mê pal kong bòl glar gen sồng gơlik gơs phan sa bơh tòm ù.

II Samuel 12:13

Dabit đơs mơ Nathan lah: “Añ neh tìs glài mơ Yàng Jehôwa.” Nathan ho lah: “Yàng Jehôwa neh sang tồi glài bơtau dê; bơtau rơp ò chơt.

Sră Jop 31:34

tài bơh añ ntào tòm bơta rngòt dờng mpồl bol oă dê, Mơ rngòt di bơta sền òsơp cau jơi bơtiàn dê, Tian gơs añ ơm mŏ mŏ, ò khin lik lòt hơ bơdìh mpồng.

Đơs Crih 51:4

Añ neh tìs glài mơ Yàng, mìng mơ Yàng lơm, Mơ neh lơh bơta iơh bơsak di đap Yàng, Tồ Yàng geh kòp la song ring tòm tŭ Kơnràñ đơs, Mơ ò gơs tiah geh lah pơrhơng tòm tŭ Kơnràñ cahrña.

Lik Ejiptơ 10:16

Gen Pharaôn hòi Môise mơ Arôn tus mơ đơs lah: “Añ neh tìs glài mơ Jehôwa Yàng Tom Trồ bol mê dê, bal mơ bol mê tai sơl.

Lik Ejiptơ 23:2

Bañ jat bol oă tòm broă tìs. Tòm tŭ bol mê lơh cơng tòm bơta yă wơn, bañ ntào bal mơ bol oă mơ lơh tìs bơta song ring,

Lik Ejiptơ 9:27

Gen Pharaôn sồr hòi Môise mơ Arôn tus mơ đơs lah: “Dơ̆ do añ neh tìs glài, Yàng Jehôwa la di; añ mơ làng bol añ jê la tìs.

Jơnau Pơnđik 29:25

Bơta rngòt di kòn mơnus la pơt dă; mơya cau lơi dòn kơnòm Yàng Jehôwa gen geh bơta lơngap lơngai.

Jeremi 38:5

Bơtau Jedekia ho lah: “Do, khai ơm tềng do, khai ơm tòm tê bol mê, bơh bơtau ò geh tòmdră mơ bol mê.”

Khà Làng Bol 22:34

Balaam đơs mơ cau gơnrơh Yàng Jehôwa dê lah: “Añ neh tìs glài. Añ ò đal git Kơnràñ ntào tòm gùng nàng kơryan añ. Tŭ do dilah Kơnràñ ò niam nùs, añ rơp rê wơl.”

Mathiơ 27:4

mơ đơs lah: “Añ neh tìs glài bơh neh bơtào mhàm ò gơs glài.” Mơya bol khai đơs lah: “Broă hơ̆ gơs ñchi gơkwă mơ bol hi taih? Kong mê dê!”

Galati 1:10

Ai tŭ do, añ jòi bơta nàng lơh niam nùs kòn mơnus hala lơh niam nùs Yàng Tom Trồ taih? Añ kòñ lơh niam nùs kòn mơnus ơ? Dilah añ gam kòñ lơh niam nùs kòn mơnus, gen añ ò di la dĭ gơna Bơtau Krist dê ò.

Yal Tơlik 21:8

Ai ală cau rngòt ò khin cha, ală cau ò gơs bơta dòn, ală cau ngkòr ngkàc, ală cau tơnchơt cau, ală cau rềs àr bơrnàn, ală cau bơjơu, ală cau duh rùp ràk, mơ jơh ală cau đơs blac, pơnah bol khai dê ơm tòm brong ồs hơng mơ siau, hơ̆ la bơta chơt dơ̆ bàr.”

I Samuel 15:15

Sol ho lah: “Ală cau ling neh cèng bol gơ bơh di cau Amalek; bol khai lòi wơl ală belàt mơ kơnrồ niam rlau jơh nàng lơh gơs phan ơn duh khoai Jehôwa Yàng Tom Trồ ồng dê; mơya ală phan gam wơl gen bol hi neh tơnroh jơh hir.”

I Samuel 15:30

Gen Sol đơs lah: “Añ neh tìs glài, mơya tŭ do dan sền dờng màng añ di đap ală cau kwang kra làng bol añ jê mơ di đap Israel, mơ rê wơl tĕ mơ añ nàng añ duh khoai Jehôwa Yàng Tom Trồ ồng dê.”

I Samuel 15:9

Mơya Sol mơ mpồl ling lòi Agak in kis, bal mơ ală phan niam rlau jơh tòm mpồl belàt, kơnrồ, kơnrồ lơmă, belàt kòn, mơ jơh ală phan lơi niam. Bol khai ò bài tơnroh jơh ală phan hơ̆, mìng tơnroh jơh ală phan ò dờng màng mơ òsô.

I Samuel 2:29

Ñchi bơh tài bol mê hàm kòñ sa ală phan ơn duh khoai Añ jê mơ ală phan ơn mơ Añ neh sồr ơn taih? Mơ mê ki ngàm di ală kòn klau mê dê rlau mơ Añ, neh lơh să tòm bol mê in lơmă bơh sa ală pơnah niam rlau jơh tòm kòp nơm phan ơn làng bol Israel Añ jê taih?’

I Samuel 26:21

Gen Sol đơs lah: “Añ neh lơh tìs. Ơ Dabit kòn añ, rê wơl tĕ. Añ rơp ò lơh iơh di mê tai, tài bơh bơta kis añ jê geh sền dờng màng di đap mê tòm ngai do; añ neh lơh dô bơta bơrngơl gơla, mơ añ neh lơh dô bơta tìs dờng ngan.”