I Samuel 15:11 - Sră Goh 2018

¹¹ “Añ wòl să bơh neh bơtào Sol lơh gơs bơtau at bồ, tài bơh khai neh pơrlac sang Añ mơ ò lơh gơlik gơs jat be jơnau Añ neh sồr khai.” Samuel gơjrañ ngan, khai rac dan mơ Yàng Jehôwa jơh mang.

I Samuel 15:11 Mawu Ofanana

Sơnròp Gơlik Gơs 6:6

Gen Yàng Jehôwa tòmgơl nùs Kơnràñ neh crơng gơs kòn mơnus hơđang ù mơ moat jrùng tòm nùs.

Sơnròp Gơlik Gơs 6:7

Yàng Jehôwa đơs lah: “Añ rơp tơnroh bơh di ù kòn mơnus mơ Añ neh crơng gơs tus dê phan poan jơng, phan wìn nsròng, sềm hơđang trồ bơh Añ tòmgơl nùs neh crơng gơs ală jơi hơ̆.”

II Samuel 24:16

Tòm tŭ cau gơnrơh pò tê nàng tơnroh Jerusalem, Yàng Jehôwa moat jrùng bơh bơta rung rài hơ̆, gen đơs mơ cau gơnrơh lơh tơnroh làng bol lah: “Tơl rau! Dơh wơl tĕ tê mê dê.” Tŭ hơ̆ cau gơnrơh Yàng Jehôwa dê ơm di làn jă kòi Arauna, cau Jebusit dê.

I Ală Bơtau 11:9

Gen Yàng Jehôwa gơhào gơjrañ di Salômôn, tài bơh nùs khai wèt sang Jehôwa Yàng Tom Trồ Israel dê, la Bơtau neh tơlik mat mơ khai bàr dơ̆,

I Yal Yau 10:13

Behơ̆ Sol neh chơt tài bơh khai ò dòn song mơ Yàng Jehôwa, khai ò prap gàr jơnau Yàng Jehôwa dê, tian gơs khai kung hòi lùp dô nă cau bơjơu gru nàng tề lam khai,

I Yal Yau 21:15

Mơ Yàng Tom Trồ sồr dô nă cau gơnrơh tus tơnroh Jerusalem; mơya tòm tŭ cau gơnrơh tơnroh gơ, gen Yàng Jehôwa gŏ bơta hơ̆ mơ tơmù nùs bơh bơta rung rài, Kơnràñ đơs mơ cau gơnrơh ơm tơnroh lah: “Tơl rau! Dơh tĕ tê mê dê.” Cau gơnrơh ơm ntào di làn jă kòi Arauna la cau Jebusit.

Sră Jop 34:27

Tài bơh bol khai wèt ò lòt jat Kơnràñ, Mơ sền di ală gùng dà Kơnràñ dê.

Đơs Crih 109:4

Bol khai yă añ gơwèt mơ bơta kòñ gơboh añ jê, tian gơs tòm tŭ añ hòi dan bol khai in.

Đơs Crih 110:4

Yàng Jehôwa neh srat să, mơ rơp ò tòmgơl nùs: “Mê la cau gơnoar ơn phan duh khoai gam sùm sùm, jat mpồl Melcijedek.”

Đơs Crih 119:136

Añ hòr dà mat oă ngan, Tài bơh kòn mơnus ò bài prap gàr bơta boh lam Yàng dê.

Đơs Crih 125:5

Ai ală cau lòt jat gùng rkwet rkwe, Gen Yàng Jehôwa rơp lam bol khai lik ngài bal mơ cau lơh bơta iơh bơsak. Dan Israel in geh bơta lơngap lơngai!

Đơs Crih 36:3

Khai đơs ală jơnau iơh bơsak mơ blac pơrlồm; Khai neh sang bơta lơh lòt jak chài mơ sang lơh bơta niam.

Đơs Crih 78:41

Bol khai lòng Kơnràñ oă dơ̆, bơrcek Bơtau Sàng goh Israel dê.

Đơs Crih 78:57

Mơya bol khai tòmgơl nùs mơ pơrlơ̆ dră kung be ală ồng pàng bol khai dê; Bol khai lơh pơrlồm kung be dô nơm àtak ò song.

Lik Ejiptơ 32:11

Mơya Môise jòi jat bơta nđàc Jehôwa Yàng Tom Trồ khai dê mơ đơs lah: “Khoai Yàng Jehôwa, ñchi bơh tài Kơnràñ pal gơhào gơjrañ dờng gơwèt hơ làng bol Kơnràñ dê, la làng bol mơ Kơnràñ neh ngui gơnap gơnoar dờng bal mơ tê gơnoar pràn nàng tă cèng lik bơh di Ejiptơ?

Lik Ejiptơ 32:14

Gen Yàng Jehôwa nđàc mơ ò đùh hơđang làng bol Kơnràñ dê bơta rung rài mơ Kơnràñ neh khơm rơp đùh hơđang bol khai.

Jeremi 11:10

Bol khai wèt wơl hơ tồi glài iơh bơsak ồng pàng bol khai dê bơh yau òr, la ală cau neh ò bài iat jơnau Añ; bol khai neh lòt jat ală yàng ndai mơ duh broă bol gơ. Hìu Israel mơ hìu Juda neh sang lòi bơta ho bal mơ Añ neh bơt bơtào bal mơ ồng pàng bol khai dê.

Jeremi 13:17

Mơya dilah bol mê ò bài iat, Hwềng soàn añ rơp ñìm òm bơh bơta jòng să bol mê dê. Mat añ rơp ñìm rac sràt bơtang, mơ dà mat añ gơhòr sùm, Bơh mpồl belàt Yàng Jehôwa dê neh kong kup cèng gơs dĭ.

Jeremi 34:16

Mơya bol mê neh tòmgơl nùs, neh lơh ƀơ̆ iơh sơnđan Añ; bol mê neh kup wơl ală cau dĭ klau dĭ ùr mơ he neh hồ toh geh khat gơboh rê wơl, mơ bơklơn pal lơh gơs dĭ he kung be lài.

Jeremi 9:1

Ôih! Kơp kòñ bồ añ la dô nơm croh dà, Mat añ la dô nơm tồ dà cat dà mat! Nàng añ in ñìm sùm mang mơ ngai Bơh làng bol añ jê gơkòl tơnchơt.

Jeremi 9:18

Lòi bol khai mhar ñìm ƀồc bol he in, Nàng mat bol he gơhòr dà mat, Sơmbir mat bol he hòr bềng dà mat!

Ejekiel 18:24

Mơya dilah dô nă cau song ring pơrlac wơl bơh di bơta song ring khai dê mơ tìs glài, mơ lơh ală bơta cù kìr ndròm bal be cau iơh bơsak lơh gen khai rơp geh kis sơl? Ò gơs dô nơm broă song ring lơi khai neh lơh rơp geh kah wơl. Tài bơh bơta ò dòn song gen khai kong lơh nền glài, mơ tài bơh tồi glài khai neh tìs gen khai rơp chơt.’

Amôs 7:3

Behơ̆ Yàng Jehôwa tơmù nùs bơh bơta do, Yàng Jehôwa đơs lah: “Bơta hơ̆ rơp ò gơlik tus.”

Jôna 3:10

Tòm tŭ Yàng Tom Trồ gŏ bơta bol khai neh lơh, mbe bol khai neh pơrlac sang ală gùng iơh bơsak bol khai dê, Yàng Tom Trồ tòmgơl nùs bơh bơta rung rài mơ Kơnràñ neh đơs rơp tơndùh hơđang bol khai, mơ Kơnràñ neh ò lơh bơta hơ̆.

Jôna 4:2

Khai hòi dan mơ Yàng Jehôwa lah: “Ơ Yàng Jehôwa, hơ̆ ò di la bơta mơ añ neh đơs tòm tŭ añ gam ơm tòm lơgar tòm añ jê ò ơ? Tài behơ̆ tàng añ sơrbac sơrbang dô pleh tus hơ Tarsi. Bơh añ git Kơnràñ la Yàng Tom Trồ gơs nùs kòñ nđàc, òbat gơjrañ, bềng bơta kòñ gơboh kơ̆ dơn, mơ tòmgơl nùs ò lơh glài.

Sôphôni 1:6

Mơ ală cau wèt ngkòi ò lòt jat Yàng Jehôwa, la ală cau ò jòi jat Yàng Jehôwa hala hòi lùp Kơnràñ.

Mathiơ 24:13

Mơya cau lơi kơ̆ nùs jơl tus di lồi dut gen rơp geh dong klàs.

Mathiơ 5:44

Mơya Añ đơs mơ bol mê: Kòñ gơboh tĕ di cau sò tơm di bol mê, mơ hòi dan tĕ cau lơi in kup kơryan bol mê,

Luka 6:12

Tòm tŭ hơ̆ Yàng Jesu guh hơđang mơnơm nàng hòi dan, mơ kư̆ hòi dan mơ Yàng Tom Trồ mang àng tơn.

Hebrơ 10:38

Cau song ring añ jê rơp kis bơh bơta dòn, Dilah ruc wơl, gen hwềng soàn añ ò chò hòp bơh khai dô êt lơi.”

Jôsue 22:16

“Jơh mpồl jơnum Yàng Jehôwa dê đơs lah: ‘Ñchi bơta bol mê ò dòn song do mơ bol mê neh tòmdră mơ Yàng Tom Trồ Israel dê, sang lòi ò lòt jat Yàng Jehôwa tòm ngai do, mơ bơt bơtào bol mê in dô nơm cơnòng duh khoai ndai ngai do nàng tòmdră mơ Yàng Jehôwa taih?

I Samuel 12:23

Ai añ gen añ rơp ò tŭ lơi tìs glài tòmdră mơ Yàng Jehôwa mơ ò hòi dan bol mê in. Mơ añ rơp bơto bol mê in git gùng niam mơ song.

I Samuel 13:13

Samuel đơs mơ Sol lah: “Mê neh lơh dô bă bơrngơl gơla. Mê ò lơh jat jơnau Jehôwa Yàng Tom Trồ neh sồr mê, dilah mê neh lơh jat gen Kơnràñ neh bơt bơtào kơ̆ gơnoar at bồ mê dê hơđang Israel jơl sùm sùm.

I Samuel 15:10

Gen gơs jơnau Yàng Jehôwa đơs mơ Samuel lah:

I Samuel 15:3

Tŭ do lòt tĕ brồ lơh cau Amalek mơ tơnroh jơh hir ală phan gơrê bal mơ bol khai. Bañ pơlai phan lơi; mơya tơnchơt jơh ală cau klau mơ cau ùr, ală kòn dềt mơ oh nga, ală kơnrồ mơ belàt, ală làkđa mơ alàng.’”

I Samuel 15:35

Samuel ò tìp Sol tai jơl tus di ngai khai chơt, mơya Samuel ñìm rac bơh Sol. Mơ Yàng Jehôwa moat jrùng bơh neh bơtào Sol gơs bơtau at bồ Israel.

I Samuel 15:9

Mơya Sol mơ mpồl ling lòi Agak in kis, bal mơ ală phan niam rlau jơh tòm mpồl belàt, kơnrồ, kơnrồ lơmă, belàt kòn, mơ jơh ală phan lơi niam. Bol khai ò bài tơnroh jơh ală phan hơ̆, mìng tơnroh jơh ală phan ò dờng màng mơ òsô.

I Samuel 16:1

Yàng Jehôwa đơs mơ Samuel lah: “Nđò jŏ mê rơp ñìm rac bơh Sol taih? Añ neh sang khai ò ai khai gơs bơtau at bồ Israel tai. Tơmbềng tĕ ngke mơñà mê dê mơ ñă lòt gùng; Añ rơp sồr mê lòt tus hơ Jese cau Betlehem. Añ neh rcang Añ in dô nă bơtau digùl ală kòn klau khai dê.”

I Samuel 8:6

Mơya jơnau hơ̆ ò niam nùs Samuel tòm tŭ bol khai đơs lah: “Ai tĕ bol hi in dô nă bơtau nàng tề lam bol hi,” Behơ̆ Samuel hòi dan mơ Yàng Jehôwa.