I Samuel 14:3 - Sră Goh 2018

³ Tòm hơ̆ kung gơs dô nă cau soh ephot sơnđan la Ahija kòn klau Ahitup bi klau Ikabôt, la kòn klau Phineas, sau Heli, cau gơnoar ơn phan duh khoai Yàng Jehôwa dê tòm Silô. Ò gơs cau lơi git la Jônathan neh lik lòt.

I Samuel 14:3 Mawu Ofanana

I Samuel 1:3

Kòp nam khai òs guh bơh di ƀòn khai dê nàng duh khoai mơ ơn phan duh khoai Yàng Jehôwa Gơnap Gơnoar Dờng Làm Jơh in tòm Silô, tềng hơ̆ gơs bàr nă kòn klau Heli dê la Hôpni mơ Phineas, la ală cau gơnoar ơn phan duh khoai Yàng Jehôwa dê.

I Samuel 14:36

Sol đơs lah: “Bol he lòt lă mù jat bơh ngkòi cau Philistin tòm trồ mang mơ phà tòmpìt bol khai jơl rìng àng, mơ bol he bañ lòi dô nă cau lơi tòm bol khai gam kis.” Bol khai ho lah: “Lơh tĕ bơta lơi ồng sền la niam.” Mơya cau gơnoar ơn phan duh khoai đơs lah: “Bol he hòi lùp tĕ Yàng Tom Trồ tềng do.”

I Samuel 2:18

Samuel duh broă di đap Yàng Jehôwa; khai la dô nă kơnòm klau soh dô nơm Ephot mơ bài che dơmài lơbơn.

I Samuel 2:28

Añ neh sac rwah ồng pàng mê dê bơh digùl jơh ală jơi bơtiàn Israel dê nàng lơh gơs cau gơnoar ơn phan duh khoai Añ jê, nàng guh hơ cơnòng duh khoai Añ jê, nàng chu kơlhô, mơ nàng soh dô nơm ephot di đap mat Añ. Añ kung neh ai hìu ồng pàng mê in jơh ală phan ơn duh khoai chu pơrguc bơh di làng bol Israel.

I Samuel 22:20

Mơya Abiatha, dô nă kòn klau Ahimelek kòn klau Ahitup dê dô klàs mơ lòt tus jat Dabit.

I Samuel 4:21

Khai tơmoh sơnđan kòn hơ̆ la Ikabôt gơs gơtha lah: “Bơta gơklŏ neh cah ngài bơh Israel,” tài bơh Đài Yàng Tom Trồ dê neh gơkòl kup cèng mơ bơta chơt po bèp khai mơ bau klau khai dê.

I Samuel 4:4

Behơ̆ làng bol sồr cau lòt tus hơ Silô mơ cèng bơh hơ̆ Đài Bơta Ho Bal Yàng Jehôwa Gơnap Gơnoar Dờng Làm Jơh dê la Bơtau nggui tòm sơbàn hơđang ceruƀim. Bàr nă kòn klau Heli dê la Hôpni mơ Phineas ơm tềng hơ̆, bal mơ Đài Bơta Ho Bal Yàng Tom Trồ dê.