I Samuel 14:18 - Sră Goh 2018

¹⁸ Sol đơs mơ Ahija lah: “Cèng tus tĕ Đài Yàng Tom Trồ dê tềng do.” (Tòm tŭ hơ̆ Đài Yàng Tom Trồ dê ơm bal mơ cau Israel.)

I Samuel 14:18 Mawu Ofanana

II Samuel 11:11

Uria đơs mơ Dabit lah: “Đài Bơta Ho Bal mơ Israel mơ Juda gam ơm tòm sàl, mơ cau tòm añ jê la Jôap bal mơ ală cau duh broă cau tòm añ jê, gam sơntơp sàl tòm ƀlàng, mbe añ rgơi mut tòm hìu añ jê, ñô sa mơ bic mơ bau ùr añ jê taih? Di ngan kung be bơtau kis, mơ hwềng soàn bơtau kis, añ rơp ò lơh dô bơta behơ̆!”

Khà Làng Bol 27:21

Khai pal ntào di đap Eleajar cau gơnoar ơn phan duh khoai, la cau rơp dòp geh jơnau lơh nền bơh khai kơnòm di bơta hòi lùp Urim di đap Yàng Jehôwa. Jat jơnau gơnoar sồr khai dê mơ khai mơ jơh dô mpồl jơnum làng bol cau Israel dê rơp lik lòt, mơ kung jat jơnau gơnoar sồr khai dê mơ bol khai rơp mut wơl.”

Ală Kwang Cahrña 20:18

Làng bol Israel guh hơ Betel mơ hòi lùp Yàng Tom Trồ lah: “Ơ Yàng, ñcau tòm bol hi pal guh lài nàng tòmlơh mơ cau Benjamin?” Yàng Jehôwa ho lah: “Juda rơp guh lài.”

Ală Kwang Cahrña 20:23

Bol khai guh ñìm di đap Yàng Jehôwa jơl tus di mho mơ hòi lùp Yàng Jehôwa lah: “Bol hi pal guh tòmlơh tai mơ cau Benjamin la oh mi bol hi dê sơl?” Yàng Jehôwa ho lah: “Guh tĕ tòmlơh mơ bol khai.”

I Samuel 14:17

Gen Sol đơs mơ ală cau ling ơm bal mơ khai lah: “Hòi sơnđan tĕ mpồl ling nàng sền cau lơi neh lik lòt bơh di bol he.” Tòm tŭ bol khai neh lơh bơta hơ̆ gen Jônathan mơ cau ling àñ phan tòmlơh khai dê ò gơs tềng hơ̆.

I Samuel 14:36

Sol đơs lah: “Bol he lòt lă mù jat bơh ngkòi cau Philistin tòm trồ mang mơ phà tòmpìt bol khai jơl rìng àng, mơ bol he bañ lòi dô nă cau lơi tòm bol khai gam kis.” Bol khai ho lah: “Lơh tĕ bơta lơi ồng sền la niam.” Mơya cau gơnoar ơn phan duh khoai đơs lah: “Bol he hòi lùp tĕ Yàng Tom Trồ tềng do.”

I Samuel 23:9

Tòm tŭ Dabit git Sol neh bơtào kai gơrmơ̆i iơh nàng tòmdră mơ khai, gen khai đơs mơ cau gơnoar ơn phan duh khoai Abiatha lah: “Cèng tĕ ephot hơ do!”

I Samuel 5:2

Gen cau Philistin cèng Đài Yàng Jehôwa dê mơ ơn gơtòm hìu bơmồng Dagôn mơ ơn gơ di gah Dagôn.

I Samuel 7:1

Behơ̆ ală cau Kiriat Jearim tus ai Đài Yàng Jehôwa dê, mơ cèng gơ mut tòm hìu Abinadap hơđang dòr. Bol khai ơn is Eleajar, kòn klau khai dê nàng sền gàr Đài Yàng Jehôwa dê.