I Samuel 13:6 - Sră Goh 2018

⁶ Tòm tŭ cau Israel gŏ bol khai kòl tòm bơta sơbơng roh, mơ mpồl ling bol khai dê kòl klơn kơnjơ̆ gen bol khai pồn să tòm rgồng lŭ mơ tòm ală rlau chi digùl lŭ, tòm ală trồm jrô mơ tòm ală tơrlung dà,

I Samuel 13:6 Mawu Ofanana

II Samuel 24:14

Dabit đơs mơ Gat lah: “Añ ơm tòm bơta bòl glar moat jrùng dờng ngan! Lòi tĕ bol he dùh tòm tê Yàng Jehôwa bơh bơta kòñ nđàc Kơnràñ dê la dờng ngan; mơya bañ lòi añ dùh tòm tê kòn mơnus.”

Esai 42:22

Mơya do la dô nơm làng bol kong phà kong kơñau, jơh tơl nă bol khai yar dă dùh tòm trồm jrô, mơ pồn ndơp tòm ală hìu jàm. Bol khai gơlik gơs phan tòmpìt geh mơ ò gơs cau lơi dong tă; lơh gơs phan kup geh mơ ò gơs cau lơi đơs lah: “Lòi tĕ bol khai rê wơl.”

Jeremi 41:9

Trồm jrô mơ Ismael kòn klau Nethania, sơrbì ală ƀồc khai neh tơnchơt bal mơ Gedalia, hơ̆ la trồm jrô bơtau Asa neh tò, nàng tòmdră tòmlơh mơ Baesa, bơtau Israel. Ismael, kòn klau Nethania, neh bồr trồm jrô hơ̆ bềng ală ƀồc khai neh tơnchơt.

Ejekiel 33:27

Đơs tĕ bơta do mơ bol khai lah: Jehôwa Yàng Tom Trồ đơs be do: ‘Ngan be Añ kis, ală cau gam ơm tòm tiah sang lòi ngềt ngơt rơp gơpừ bơh đào, mơ ală cau ơm tòm ƀlàng gen Añ rơp jào phan brê in kap crè; mơ ai ală cau ơm tòm ală theng kơ̆ cê mơ tòm ală rgồng lŭ gen rơp chơt pluh.

Philip 1:23

Añ kòl gơjơlềt bơh bàr đah, kòñ lòt ơm bal mơ Bơtau Krist la bơta niam rlau,

Hebrơ 11:38

bol khai lòt nrah nring tòm ƀlàng bràs, hơđang mơnơm, tòm trồm lŭ, tòm trồm ù; dunnia ò di pal bol khai in ơm.

Jôsue 8:20

Ală cau Ahi wơlke sền gŏ ñhŭ bơh ƀòn guh hơ trồ; mơya bol khai ò rgơi dô hơ đah do hala đah ne, tài bơh cau Israel neh dô đah ƀlàng ngềt ngơt tơrwơl lơh ală cau ting jat bol khai.

Ală Kwang Cahrña 10:9

Làng bol Ammôn kung tiă hiòng Jordan nàng tòmlơh mơ Juda, mơ Benjamin mơ hìu cau Epraim dê. Gen tàng làng bol Israel gơkòl tòm bơta bòl glar kơnjơ̆ ngan.

Ală Kwang Cahrña 20:41

Gen cau Israel tơrwơl lơh bol khai mơ cau Benjamin nrơt nrơl bơh bol khai gŏ bơta tơnroh neh tus rềp hơđang bol khai rau.

Ală Kwang Cahrña 6:2

Tê cau Midian dê pha rlau mơ Israel, tài bơh cau Midian gen cau Israel lơh he in ală tiah pồn să tòm ală trồm lŭ tòm mơnơm, ală bơtô mơ ală theng kơ̆ cê.

I Samuel 13:15

Mơ Samuel lik lòt bơh Gilgal mơ guh hơ Gibea jat gùng khai dê. Ală cau gam wơl jat Sol pơjum wơl mpồl ling; bol khai guh bơh Gilgal tus hơ Gibea tòm tiah Benjamin dê. Sol kòp cau ơm bal mơ khai pơgap prau rhiang nă.

I Samuel 14:11

Behơ̆ bàr nă bol khai ai mpồl ling kơp gàr Philistin in gŏ bol khai. Cau Philistin đơs lah: “Sền ne, cau Hebrơ neh lik bơh di ală trồm la tiah bol khai ơm pồn să.”

I Samuel 14:22

Tòm tŭ jơh ală cau Israel neh ơm pồn să tòm ù tiah mơnơm Epraim dê kơno làng bol Philistin neh ntoat dô gen bol khai dô nùs bal tòm bơta tòmlơh mơ jơh pràn ting jat bol hơ̆.

I Samuel 23:19

Cau Jip guh tus hơ Sol tòm Gibea mơ đơs lah: “Dabit ơm pồn să digùl bol hi tòm ală tiah kơ̆ cê tòm Hôres, hơđang dòr Hakila đah đơm Jesimôn ò ơ?

I Samuel 24:3

Khai tus hơ ală wàng belàt ơm di gah gùng. Tềng hơ̆ gơs dô nơm rgồng lŭ mơ Sol mut tòm hơ̆ nàng jă brê. Dabit mơ ală cau jat khai ơm tòm tiah lồi dut rgồng lŭ hơ̆ dê.

I Samuel 31:7

Tòm tŭ cau Israel ơm rò gah thòng mơ ală cau ơm đah ne hiòng Jordan gŏ mpồl ling Israel neh dô mơ gŏ Sol mơ ală kòn klau khai dê neh chơt, gen bol khai sang ală ƀòn dờng bol khai dê mơ dô. Gen cau Philistin tus ơm tòm ală ƀòn hơ̆.

I Samuel 7:7

Tòm tŭ cau Philistin neh kơno la làng bol Israel neh pơjum tòm Mispa, gen ală cau kwang at bồ bol khai dê guh nàng tòmlơh mơ Israel. Mơ tòm tŭ Israel kơno bơta hơ̆ gen bol khai rngòt di cau Philistin.