I Samuel 13:5 - Sră Goh 2018

⁵ Làng bol Philistin pơjum bal nàng tòmlơh mơ Israel, bol khai gơs pe rbô nơm rơndeh lòs tòmlơh, mơ prau rbô cau ling hào ơseh, mơ mpồl cau ling oă be bràs di gah dàlềng, bol khai guh lơh sàl tòm Mikmas, đah mattơngai lik Bet Aben dê.

I Samuel 13:5 Mawu Ofanana

Sơnròp Gơlik Gơs 22:17

Añ rơp ai lơngai lơngò mê in, bơtơl jơi bơtiàn mê gơlik gơs oă be sơmañ hơđang trồ, mơ gal be bràs di gah dàlềng, jơi bơtiàn mê rơp pìt geh ală mpồng ală cau sò tơm bol khai dê.

II Samuel 17:11

Gen añ bơyai mơ ồng lah: Lòi tĕ jơh ală Israel, bơh Dan tus Beerseba, gal ngan kung be bràs di gah dàlềng, pơjum bal mơ ồng mơ gơs să tòm ồng lam bol khai lòt tòmlơh.

I Ală Bơtau 20:27

Làng bol Israel kung geh hòi pơjum mơ rcang sir ală bơta, bol khai lik nàng tòmlơh mơ cau Siri. Cau Israel sơntơp sàl song di đap cau Siri gơlơh be bàr mpồl be dềt; ai cau Siri gen bềng làm lơgar.

II Yal Yau 1:9

Ơ Jehôwa Yàng Tom Trồ, lòi tĕ jơnau Kơnràñ neh ho mơ Dabit bèp añ, tŭ do gơlik wil tơl, bơh Kơnràñ neh lơh añ in gơlik gơs bơtau at bồ hơđang dô nơm làng bol gal ngan be thul tòm ù.

Esai 10:28

Bol khai tus tòm Aiyat; bol khai lòt gan Migrôn; bol khai prap phan ngui sa tòm Mikmas.

Esai 48:19

Jơi bơtiàn bol mê dê rơp gơlik gơs oă kung be bràs, kòn sau bol mê dê rơp gơlik gơs kung be ală gar bràs; sơnđan bol khai ò tŭ lơi kòl jùt sang, kung ò kong tơnroh bơh di đap Añ.”

Jeremi 15:8

Ală cau ùr bơnrau bol khai dê sơlo gơbơtơl oă, rlau mơ bràs dàlềng dê. Añ neh cèng cau tơnroh tus tòm gùl ngai, Nàng sò tơm di mè ală cau pơnu dê. Añ neh cèng bơta jê sồt mơ rngòt rngơt, dùh hơđang ală mè dô bă nisơna.

Sră Ôse 10:5

Làng bol ơm tòm Samari rngòt rơm să bơh rùp kơnrồ kòn tòm Bet Aben. Làng bol gơ dê rơp ñìm rac bơh gơ, mơ ală cau gơnoar ơn phan duh khoai rùp ràk rơp ñìm rac bơh gơ, bơta gơklŏ gơ dê neh sang lòi gơ.

Sră Ôse 4:15

Ơ Israel, bulah mê lơh dri tơlàr kung bañ lòi Juda gơlik tìs glài. Bañ lòt hơ Gilgal; bañ guh hơ Bet Aben. Bañ srat să mơ lah: “Ngan be Yàng Jehôwa kis gam sùm sùm.”

Sră Ôse 5:8

Uh tĕ kơwào tòm Gibea, uh tĕ kơlwòk tòm Rama. Driau dờng yal tơnggit tĕ tòm Bet Aben, Ơ Benjamin sền rmê tĕ bơh đah ngkòi mê.

Rôma 9:27

Ai Esai đơs bơh làng bol Israel mơ hòi driau lah: “Bulah ntum khà kòn sau Israel be bràs tòm dàlềng, mơya mìng dô pơnah gam wơl rơp geh dong klàs;

Jôsue 11:4

Bol khai lik lòt bal mơ jơh ală mpồl ling dờng bol khai dê, khà gal ngan be bràs di gah dàlềng, bal mơ oă ngan ơseh mơ rơndeh lòs tòmlơh.

Jôsue 18:12

Nhàr ù tiah bol khai đah đang gơ rơp sơntòm bơh hiòng Jordan; gen lòt guh đah hơđang kơh mơnơm Jerikô, gen guh hơ lơgar kơh mơnơm đah mattơngai mut; mơ lồi dut tòm ƀlàng ngềt ngơt Bet Aben.

Jôsue 7:2

Jôsue sồr cau lòt bơh Jerikô tus hơ Ahi rềp Bet Aben đah mattơngai lik Betel dê, mơ đơs mơ bol khai lah: “Guh tĕ sền òm ù tiah hơ̆.” Gen ală cau hơ̆ guh sền òm ƀòn Ahi.

Ală Kwang Cahrña 7:12

Làng bol Midian, làng bol Amalek bal mơ ală làng bol bơh đah mattơngai lik ơm tòm thòng gal ngan gơlơh kung be srah nting. Làkđa bol khai dê oă ò git nđò, ò rgơi kòp kung be bràs di gah dàlềng.

I Samuel 13:11

Samuel lùp lah: “Ñchi mê neh lơh taih?” Sol ho lah: “Tòm tŭ añ gŏ làng bol neh dô lòt nrah nring, mơ ồng ò tus jat be tơngai neh lơh nền, mơ cau Philistin neh pơjum tòm Mikmas,

I Samuel 13:2

Sol sac rwah pe rbô nă cau klau Israel; bàr rbô nă ơm mơ khai tòm Mikmas mơ tòm ù tiah kơh mơnơm Betel dê, mơ dô rbô nă ơm mơ Jônathan tòm Gibea gơrê bal mơ Benjamin. Ală cau gam wơl gen khai sồr rê wơl tòm hìu bol khai dê.

I Samuel 14:23

Behơ̆ Yàng Jehôwa dong tă Israel tòm ngai hơ̆; mơ bơta tòmlơh gơ lòt gan rlau Bet Aben, mơ mpồl ling Sol dê jơh ală pơgap jơt rbô nă. Bơta tòmlơh làm tus hơ tiah kơh mơnơm Epraim dê.

I Samuel 14:52

Tòm jơh rài kis Sol dê gơs bơta kơlìn gơtoă dờng mơ cau Philistin, mơ tŭ lơi Sol gŏ dô nă cau klau pràn kơldang hala khin cha gen khai ngui cau hơ̆ duh broă khai dê.

I Samuel 17:1

Tŭ hơ̆ làng bol Philistin pơjum ală mpồl ling bol khai dê nàng tòmlơh; bol khai pơjum tòm Sukôt gơrê bal mơ Juda, mơ bol khai bơtào sàl digùl Sukôt mơ Aseka, tòm Ephes Dammim.

I Samuel 7:13

Behơ̆ cau Philistin gơkòl duh broă mơ ò mut tòm ù tiah cau Israel tai; tê Yàng Jehôwa tòmdră mơ cau Philistin jơh rài Samuel dê.