I Samuel 13:2 - Sră Goh 2018

² Sol sac rwah pe rbô nă cau klau Israel; bàr rbô nă ơm mơ khai tòm Mikmas mơ tòm ù tiah kơh mơnơm Betel dê, mơ dô rbô nă ơm mơ Jônathan tòm Gibea gơrê bal mơ Benjamin. Ală cau gam wơl gen khai sồr rê wơl tòm hìu bol khai dê.

I Samuel 13:2 Mawu Ofanana

II Samuel 20:1

Tŭ hơ̆ gơs dô nă cau ală alai sơnđan la Seba, kòn klau Bikri, cau Benjamin. Khai uh kơlwòk mơ hòi driau dờng lah: “Bol he ò gơs pơnah lơi mơ Dabit, kung ò gơs phan lơi mơ kòn klau Jese. Ơ Israel, jơh tơl nă rê wơl tĕ hơ sàl he dê!”

II Samuel 21:6

gen dan jào tĕ bol hi in poh nă cau tòm ală kòn klau khai dê nàng bol hi tơnchơt mơ yồng ƀồc bol khai di đap Yàng Jehôwa tòm Gibea, hơđang mơnơm Yàng Jehôwa.” Behơ̆, bơtau đơs lah: “Añ rơp jào bol khai bol mê in.”

II Samuel 23:29

Helep kòn klau Baana cau Netôpha, Ittai kòn klau Ribai bơh Gibea, tòm Benjamin,

Ejra 2:27

mpồl Mikmas dê la dô rhiang bàr jơt bàr nă;

Nehemi 11:31

Ală làng bol Benjamin kung ơm tòm Geba, Mikmas, Aija, Betel mơ ală ƀòn gơ dê;

Jôsue 18:28

Jelah, Haelep, ƀòn dờng cau Jebusit dê (hơ̆ la Jerusalem), Gibeah, mơ Kiriat Jearim jơt poan nơm ƀòn dờng bal mơ ală ƀòn dềt bol gơ dê. Hơ̆ la ù tiah sre brê jơi bơtiàn Benjamin dê jat ală mpồl hìu nhă bol khai dê.

Jôsue 22:6

Gen Jôsue ai lơngai bol khai in mơ lòi bol khai rê, gen bol khai rê tòm sàl bol khai dê.

Ală Kwang Cahrña 19:12

Cau tòm khai dê ho lah: “Ò di, bol he ò mut tòm dô nơm ƀòn dờng cau làng bol bơdìh ò di la làng bol Israel. Bol he rơp lòt tơn tus hơ Gibea.”

I Samuel 10:26

Sol kung rê hơ hìu tòm khai dê tòm Gibea, gơs ală cau khin cha Yàng Tom Trồ neh lơh rngoh rngac tòm nùs lòt jat bal mơ khai.

I Samuel 10:5

Tơnơ̆ mơ hơ̆ mê rơp tus hơ Gibea Yàng Tom Trồ dê, tềng hơ̆ gơs dô nơm tiah kơp gàr cau Philistin dê. Tòm tŭ mê tus rềp ƀòn dờng gen mê rơp tìp dô mpồl cau gơnoar hwơr mù bơh di tiah jơnhoa, hơđap bol khai gơs ală cau pĕ kơñi, jan sơnggơr dềt, uh rkèl mơ rơs kơñi, mơ bol khai rơp đơs hwơr.

I Samuel 13:1

Sol gơs bơtau at bồ tŭ khai neh poan jơt sơnam, mơ khai at bồ Israel tòm poan jơt bàr nam.

I Samuel 13:11

Samuel lùp lah: “Ñchi mê neh lơh taih?” Sol ho lah: “Tòm tŭ añ gŏ làng bol neh dô lòt nrah nring, mơ ồng ò tus jat be tơngai neh lơh nền, mơ cau Philistin neh pơjum tòm Mikmas,

I Samuel 13:15

Mơ Samuel lik lòt bơh Gilgal mơ guh hơ Gibea jat gùng khai dê. Ală cau gam wơl jat Sol pơjum wơl mpồl ling; bol khai guh bơh Gilgal tus hơ Gibea tòm tiah Benjamin dê. Sol kòp cau ơm bal mơ khai pơgap prau rhiang nă.

I Samuel 13:16

Sol mơ Jônathan kòn klau khai dê mơ ală cau klau ơm bal mơ bol khai ơm wơl tòm Gibea kơnhwàl Benjamin, mơ cau Philistin lơh sàl tòm Mikmas.

I Samuel 13:23

Dô mpồl ling cau Philistin dê neh lik lòt tus hơ kơh Mikmas.

I Samuel 13:5

Làng bol Philistin pơjum bal nàng tòmlơh mơ Israel, bol khai gơs pe rbô nơm rơndeh lòs tòmlơh, mơ prau rbô cau ling hào ơseh, mơ mpồl cau ling oă be bràs di gah dàlềng, bol khai guh lơh sàl tòm Mikmas, đah mattơngai lik Bet Aben dê.

I Samuel 14:31

Tơnơ̆ mơ tŭ cau Israel neh tơnchơt cau Philistin ngai hơ̆ bơh Mikmas tus hơ Aijalôn, gen mpồl ling bòl glar òsô tai.

I Samuel 14:5

Dô nơm cìr gơ ơm đah đang wèt hơ Mikmas, dô nơm ne gơ ơm đah đơm wèt hơ Geba.

I Samuel 14:52

Tòm jơh rài kis Sol dê gơs bơta kơlìn gơtoă dờng mơ cau Philistin, mơ tŭ lơi Sol gŏ dô nă cau klau pràn kơldang hala khin cha gen khai ngui cau hơ̆ duh broă khai dê.

I Samuel 15:34

Gen Samuel rê wơl hơ Rama, mơ Sol rê hơ hìu khai dê tòm Gibea.

I Samuel 24:3

Khai tus hơ ală wàng belàt ơm di gah gùng. Tềng hơ̆ gơs dô nơm rgồng lŭ mơ Sol mut tòm hơ̆ nàng jă brê. Dabit mơ ală cau jat khai ơm tòm tiah lồi dut rgồng lŭ hơ̆ dê.

I Samuel 26:2

Behơ̆ Sol mù hơ ƀlàng ngềt ngơt Jip bal mơ pe rbô nă cau klau geh sac rwah Israel dê nàng jòi Dabit tềng hơ̆.

I Samuel 8:11

Khai đơs lah: “Do la bơta cau bơtau at bồ bol mê dê rơp lơh hơđang bol mê: Khai rơp kup ală kòn klau bol mê dê at ală rơndeh lòs tòmlơh mơ lơh gơs ală cau ling hào ơseh, mơ ntoat lài mơ ală rơndeh lòs tòmlơh khai dê.