I Samuel 13:14 - Sră Goh 2018

¹⁴ Mơya tŭ do gơnoar at bồ mê dê rơp ò ơm kơ̆; Yàng Jehôwa neh jòi bàn dô nă cau jat nùs Kơnràñ dê mơ pồ bơtào khai lơh gơs cau at bồ hơđang làng bol Kơnràñ dê, tài bơh mê ò lơh jat jơnau sồr Kơnràñ dê.”

I Samuel 13:14 Mawu Ofanana

II Samuel 5:2

Bơh lài òr, tòm tŭ Sol gam at bồ bol hi, bơtau la cau neh lam Israel tòm ală bơta tòmlơh. Yàng Jehôwa neh đơs mơ bơtau lah: Mê rơp ê gàr làng bol Israel Añ jê, mơ mê rơp gơlik gơs cau at bồ hơđang Israel.”

II Samuel 6:21

Dabit đơs mơ Mikal lah: “Hơ̆ la di đap Yàng Jehôwa, la Bơtau neh sac rwah añ ơm tòm tiah bèp ai mơ jơh hìu nhă khai dê, bơtào añ lơh gơs bơtau at bồ hơđang Israel la làng bol Yàng Jehôwa dê; añ neh tòmya jòng ro di đap Yàng Jehôwa.

II Ală Bơtau 20:5

“Rê wơl tĕ, đơs mơ Ejekia, bơtau làng bol Añ jê lah: Jehôwa Yàng Tom Trồ Dabit dê, ồng pàng mê dê, đơs be do: Añ neh kơno jơnau hòi dan mê dê, gŏ dà mat mê dê; ngan Añ rơp sơmbòi mê in; tus ngai dơ̆ pe mê rơp guh hơ hìu duh khoai Yàng Jehôwa dê.

I Yal Yau 10:13

Behơ̆ Sol neh chơt tài bơh khai ò dòn song mơ Yàng Jehôwa, khai ò prap gàr jơnau Yàng Jehôwa dê, tian gơs khai kung hòi lùp dô nă cau bơjơu gru nàng tề lam khai,

Đơs Crih 78:70

Kơnràñ neh sac Dabit nàng lơh gơs dĭ gơna Kơnràñ dê, cèng tơlik khai bơh di ală wàng belàt,

Jơnau Pơnđik 27:24

Bơh bơta pas sơm ò gam gơs sùm sùm, mơ sơgơn bơtau gam gơs jơl sùm sùm ơ?

Esai 39:5

Gen Esai đơs mơ Ejekia lah: “Dan iat tĕ jơnau Yàng Jehôwa Gơnap Gơnoar Dờng neh đơs:

Broă 13:22

Lồc behơ̆ Kơnràñ sang bơtau hơ̆, bơtào Dabit lơh gơs bơtau mơ đơs bơh khai lah: ‘Añ neh jòi bàn Dabit kòn Jese dê, la cau di nùs Añ; khai rơp lơh jat nùs kòñ Añ jê tòm jơh ală bơta.’

Broă 7:46

la cau neh geh bơta nđàc di đap Yàng Tom Trồ, mơ khai dan gơs dô bă tiah ơm Yàng Tom Trồ Jakôp in.

Hebrơ 2:10

Di ngan mìng Yàng Tom Trồ la Bơtau crơng gơs mơ prap gàr jơh ală phan, rgơi lơh Yàng Jesu in geh wil tơl bơh bơta kong bòl glar, nàng cèng ală kòn gơs pơnah tòm bơta gơklŏ Kơnràñ dê. Bơh Yàng Jesu la Bơtau tề lam bol khai tus hơ bơta dong klàs.

I Samuel 15:23

Bơta tòmdră la kung be tồi glài juh proh, bơta kơldang bồ la iơh kung be bơta duh rùp ràk. Tài bơh mê neh sang lòi jơnau Yàng Jehôwa dê, gen Kơnràñ kung neh sang lòi mê, ò ai mê gơs bơtau at bồ tai.”

I Samuel 15:26

Samuel đơs mơ Sol lah: “Añ rơp ò rê wơl mơ mê; bơh mê neh sang lòi jơnau Yàng Jehôwa dê, mơ Yàng Jehôwa neh sang lòi mê, ò lòi mê gơs bơtau at bồ Israel tai.”

I Samuel 15:28

Samuel đơs mơ khai lah: “Ngai do Yàng Jehôwa neh crè lơgar Israel bơh di mê mơ neh ai gơ dô nă cau tòm ală cau gơp ƀòn mê dê, la cau niam rlau mơ mê.

I Samuel 16:1

Yàng Jehôwa đơs mơ Samuel lah: “Nđò jŏ mê rơp ñìm rac bơh Sol taih? Añ neh sang khai ò ai khai gơs bơtau at bồ Israel tai. Tơmbềng tĕ ngke mơñà mê dê mơ ñă lòt gùng; Añ rơp sồr mê lòt tus hơ Jese cau Betlehem. Añ neh rcang Añ in dô nă bơtau digùl ală kòn klau khai dê.”

I Samuel 16:12

Behơ̆ Jese sồr cau lòt hòi khai mơ lam khai mut tòm hìu. Muh mat khai gơlơh dum dum, rùp să khai dê sền niam mơ hàng mơnĕ. Gen Yàng Jehôwa đơs lah: “Ñă tĕ bong mơñà khai in. Khai la cau Añ sac rwah.”

I Samuel 2:30

Gen tàng Jehôwa Yàng Tom Trồ Israel dê đơs be do: ‘Añ neh ho lah hìu mê mơ hìu ồng pàng mê rơp duh broă di đap Añ sùm sùm.’ Mơya tŭ do Yàng Jehôwa đơs lah: ‘Bơta hơ̆ ngài ngan bơh di Añ! Bơh cau lơi ki ngàm di Añ gen Añ rơp ki ngàm di bol khai, ai ală cau lơi sền òsơp di Añ gen bol khai rơp kong sền òsơp.

I Samuel 24:20

Tŭ do añ git nền ngan la mê rơp gơs bơtau at bồ, mơ lơgar Israel rơp geh bơtào kơ̆ tòm tê mê.

I Samuel 25:30

Tòm tŭ Yàng Jehôwa neh lơh cau tòm añ in jơh ală bơta niam mơ Kơnràñ neh ho mơ neh pồ bơtào cau tòm añ jê lơh gơs cau at bồ Israel,

I Samuel 9:16

“Ngai hìng pơgap tòm jơ do, Añ rơp sồr dô nă cau klau bơh lơgar Benjamin tus mơ mê. Bong mơñà tĕ khai nàng lơh gơs cau at bồ hơđang làng bol Israel Añ jê. Khai rơp dong tă làng bol Añ jê klàs bơh di tê làng bol Philistin. Añ neh wèt sền di làng bol Añ jê, bơh jơnau hòi driau bol khai dê neh tus hơ Añ.”