I Samuel 12:9 - Sră Goh 2018

⁹ Mơya bol khai neh hŭi Jehôwa Yàng Tom Trồ bol khai dê, gen Kơnràñ neh tac bol khai tòm tê Sisera la kwang at bồ mpồl ling bơtau Jabin dê tòm Hajor, mơ tòm tê cau Philistin, mơ tòm tê bơtau Môap mơ bol hơ̆ neh tòmlơh mơ bol khai.

I Samuel 12:9 Mawu Ofanana

II Samuel 7:11

bơh di tŭ Añ neh bơtào ală cau kwang at bồ hơđang làng bol Israel Añ jê. Añ kung rơp ai mê in rlô lơngai bơh di jơh ală cau sò tơm mê dê. Rlau mơ hơ̆, Yàng Jehôwa neh đơs loh mơ mê lah Yàng Jehôwa rơp lơh mê in dô nơm hìu.

Đơs Crih 106:21

Bol khai hŭi Yàng Tom Trồ la Bơtau dong klàs bol khai dê, La Bơtau neh lơh ală broă dờng tòm Ejiptơ,

Esai 63:10

Bulah behơ̆, bol khai neh tòmdră, mơ lơh Hwềng Goh Kơnràñ dê moat jrùng. Gen tàng Kơnràñ gơlik gơs cau sò tơm di bol khai, mơ să tòm Kơnràñ tòmlơh nàng tòmdră mơ bol khai.

Jeremi 2:32

Dô nă kòn ơruh rgơi hŭi phan bơka să khai dê, Hala dô nă ƀan pa hŭi phan soh mơ phan bơka să he dê ơ? Mơya làng bol Añ neh hŭi Añ bơh ală ngai ò jai kòp.

Yal Wơl 32:18

Bol mê ò ơn nùs kơlôi di Pơnai Lŭ neh tơnggơs bol mê; bol mê neh hŭi Yàng Tom Trồ la Bơtau neh deh bol mê.

Yal Wơl 32:30

Dô nă cau mbe rgơi ting bơtrơh dô rbô nă, hala bàr nă cau mbe rgơi ting bơtrơh jơt rbô nă ntoat dô; mìng dilah Pơnai Lŭ bol khai dê neh tac bol khai, mơ Yàng Jehôwa neh sang lòi bol khai?

Ală Kwang Cahrña 10:7

Behơ̆ tàng Kơnràñ gơhào gơjrañ di bol khai, Kơnràñ tac bol khai tòm tê làng bol Philistin mơ tòm tê làng bol Ammôn.

Ală Kwang Cahrña 13:1

Làng bol Israel lơh bơta iơh bơsak tai di đap Yàng Jehôwa, gen Yàng Jehôwa jào phi bol khai tòm tê cau Philistin tòm poan jơt nam.

Ală Kwang Cahrña 2:14

Behơ̆, bơta gơjrañ Yàng Jehôwa dê neh gơhào khuh tòmdră mơ Israel, Kơnràñ lòi bol khai gơkòl phà kơñau tòm tê ală cau phà kơñau bol khai, mơ tac bol khai tòm gơnoar ală cau sò tơm ai phan mơna bol khai dê. Kơnràñ tac bol khai tòm gơnoar ală cau sò tơm ơm gùt dar bol khai; gen tàng bol khai ò rgơi ntào jai tòmdră mơ ală cau sò tơm bol khai dê.

Ală Kwang Cahrña 3:12

Làng bol Israel lơh ală bơta iơh bơsak tai di đap Yàng Jehôwa, gen Yàng Jehôwa lơh Eglôn bơtau Môap gơlik pràn kơldang tòmdră mơ Israel, tài bơh bol khai neh lơh ală bơta iơh bơsak di đap Yàng Jehôwa.

Ală Kwang Cahrña 3:31

Tơnơ̆ mơ Ehut gen gơs Samgar, kòn klau Anat dê; khai ngui dô nơm gai cok kơnrồ mơ tơnchơt prau rhiang nă cau Philistin, mơ khai kung dong tă làng bol Israel sơl.

Ală Kwang Cahrña 4:2

Behơ̆ Yàng Jehôwa tac bol khai tòm tê Jabin bơtau Kanaan at bồ tòm Hajor. Cau kwang at bồ mpồl ling khai dê la Sisera ơm tòm Harôset Hagôim.

I Samuel 12:15

Mơya dilah bol mê ò ai tồr iat jơnau Yàng Jehôwa dê, mơ tòmdră mơ ală jơnau sồr Kơnràñ dê, gen tê Kơnràñ rơp tòmdră mơ bol mê bal mơ bơtau bol mê dê.