I Samuel 12:3 - Sră Goh 2018

³ Do añ, lơh cơng tĕ tòmdră mơ añ di đap Yàng Jehôwa mơ di đap cau geh bong mơñà Kơnràñ dê. Añ neh kup kơnrồ cau lơi sơl? Añ neh kup alàng cau lơi sơl? Añ neh pơrlồm cau lơi sơl? Añ neh rồn bơklơn cau lơi sơl? Añ neh dòp phan loă nàng lơh jơngo mat añ jê bơh gơ sơl? Lơh cơng tĕ tòmdră mơ añ mơ añ rơp tơm wơl gơ bol mê in.”

I Samuel 12:3 Mawu Ofanana

II Samuel 22:22

Bơh añ neh lòt jat ală gùng dà Yàng Jehôwa dê; añ neh ò lơh iơh mơ pơrlac sang Yàng Tom Trồ añ jê.

Nehemi 5:11

Ngai do tơm wơl tĕ bol khai in mìr sre, suơn ño, suơn ôlibe, mơ hìu bol khai dê, bal mơ cồng bơh priă, kòi, tơrnòm, mơ mơñà bol khai dê mơ bol mê neh ai bơh bol khai.”

Đơs Crih 15:5

Khai ò ai càn jền nàng sa cồng, Ò dòp phan loă nàng lơh iơh di cau ò gơs glài. Cau lơi lơh ală bơta hơ̆, gen ò gơs tŭ lơi wañ lơnggơh.

Lik Ejiptơ 20:17

Bol mê bañ hàm hà hìu cau ơm rềp mơ bol mê. Bol mê bañ hàm kòñ bau ùr cau ơm rềp mơ bol mê, hala cau klau duh broă, cau ùr duh broă khai dê, kơnrồ, alàng, hala phan lơi gơrê bal mơ cau ơm rềp di bol mê.”

Lik Ejiptơ 22:4

Dilah phan poan jơng neh kơñau gam kis tòm ală phan mơna khai gơs, ò git la kơnrồ, alàng hala belàt, gen khai pal tơm wơl bàr dơ̆ rlau.

Lik Ejiptơ 23:8

Bañ dòp dô nơm phan loă, bơh phan loă lơh jơngo mat cau git wă, mơ lơh rkwet rkwe jơnau cau song ring dê.

Jơnau Pơnđik 15:27

Cau hàm hà cồng nha ò song ring lơh sơlồng sơlàng hìu bol khai dê; Ai cau gơjrañ phan sa loă rơp geh kis.

Lebi 6:4

tòm tŭ khai neh lơh tìs mơ dòp git bơta tìs glài khai dê, gen khai pal tơm wơl phan lơi khai neh kơñau hala neh ai kơrlơm bơh di cau ndai, hala phan lơi mơ cau neh jào khai in, hala neh bàn phan cau neh roh,

Lebi 6:5

hala bơh phan lơi mơ khai neh srat să ma blac. Khai pal tơm wơl wil tơl, ai bơtơl tai dô pơnah pram bơta kas màng phan hơ̆ dê mơ ai jơh cau tòm phan hơ̆ in tòm ngai khai ơn phan ơn tơwài glài gơtup tìs khai dê.

Khà Làng Bol 16:15

Gen Môise gơhào gơjrañ ngan mơ đơs mơ Yàng Jehôwa lah: “Dan Yàng bañ dòp phan ơn duh khoai bol khai dê. Añ ò dòp phan lơi bơh di bol khai, bulah dô nơm alàng kung ò sơl, añ kung ò lơh iơh di dô nă cau lơi tòm bol khai.”

Mathiơ 22:21

Bol khai ho lah: “Sesa dê.” Gen Kơnràñ đơs mơ bol khai lah: “Behơ̆ tơm wơl tĕ Sesa in phan lơi Sesa dê, mơ tơm wơl tĕ Yàng Tom Trồ in phan lơi Yàng Tom Trồ dê.”

Luka 19:8

Mơya Sace ntào đơs mơ Yàng lah: “Ơ Yàng, do, añ ai nggùl phan mơna añ jê mơ tòmpà cau rƀah lơòi in, mơ dilah añ neh sa kwì sa kwà phan cau lơi dê, gen añ rơp tòm wơl poan dơ̆ rlau.”

Broă 20:33

Añ ò hàm hà priă, màh hala ồi ào cau lơi dê ò.

II Kôrintô 12:14

Do la dơ̆ pe añ neh rcang sir lòt tus hơ oh mi; mơ añ rơp ò lơh pơnjê di oh mi, bơh ò di añ jòi phan mơna oh mi dê, mơya jòi să tòm oh mi. Tơnơ̆ wơl, bơh ò di kòn sau pal prap lòi mè bèp in, mơya mè bèp pal prap lòi kòn sau in.

Yal Wơl 16:19

Bañ lơh ò tòm toh mơ bơta song ring hala dong tò dô đah lơi. Bañ dòp phan loă, bơh phan loă lơh jơngo mat cau jak chài mơ lơh rkwet rkwe ală jơnau cau song ring dê.

I Tesalônika 2:10

Oh mi la cau lơh cơng, Yàng Tom Trồ kung lơh cơng sơl, mbe lơi bol hi lơh lòt dô bă sàng goh, song ring, ò gơs tiah geh lah pơrhơng gơwèt mơ oh mi la cau dòn jat.

I Tesalônika 2:5

Bơh oh mi neh git, bol hi ò tŭ lơi ai ală jơnau rơmhòc, kung ò di ai kai tồ jơm ndơp bơta hàm hà; gơs Yàng Tom Trồ lơh cơng bol hi in.

I Pier 5:2

Ê tĕ mpồl belàt Yàng Tom Trồ dê neh jào oh mi in, lơh bơta hơ̆ ò di la bơh bơklơn mơya la bơh nùs kòñ lơh, ò di bơh cồng nha ò di pal mơya bơh jơh nùs ngac ngar,

I Samuel 10:1

Gen Samuel ai dô nơm gri mơñà mơ tuh hơđang bồ Sol, cum khai mơ đơs lah: “Yàng Jehôwa neh bong mơñà pồ bơtào mê lơh gơs cau at bồ làng bol Israel Kơnràñ dê! Mê rơp at bồ hơđang làng bol Yàng Jehôwa mơ mê rơp dong tă bol khai klàs bơh tê ală cau sò tơm gùt dar. Do la tềl sơnio mê in la Yàng Jehôwa neh bong mơñà mê in lơh gơs cau at bồ hơđang sre brê Kơnràñ dê.

I Samuel 12:4

Bol khai ho lah: “Ồng neh ò pơrlồm hala rồn bơklơn bol hi. Ồng neh ò tă ai dô nơm phan lơi bơh di tê dô nă cau lơi.”

I Samuel 12:5

Samuel đơs mơ bol khai lah: “Dan Yàng Jehôwa lơh cơng tòmdră mơ bol mê, mơ cau geh bong mơñà Kơnràñ dê lơh cơng tòm ngai do la bol mê ò bàn phan lơi tòm tê añ.” Bol khai đơs lah: “Dan Kơnràñ lơh cơng.”

I Samuel 2:35

Añ rơp bơtào tơngguh Añ in dô nă cau gơnoar ơn phan duh khoai dòn song, khai rơp lơh ală bơta jat nùs mơ bơta kơlôi Añ jê. Añ rơp bơtào kơ̆ hìu khai dê, mơ khai rơp duh broă di đap cau geh bong mơñà Añ jê sùm sùm.

I Samuel 24:11

Do, ơ bèp, sền tĕ dô pet ào jrùh bèp dê tòm tê añ! Bơh ngan lah añ neh koh dô pet di mum tiang ào jrùh bèp dê, mơ añ ò tơnchơt bèp, tŭ do bèp pal git loh añ ò tìs hala ò gơs glài tòmdră. Añ ò tìs glài tòmdră mơ bèp, bulah bèp neh jòi mòc añ mơ kòñ tơnroh bơta kis añ.

I Samuel 24:6

Khai đơs mơ ală cau jat khai lah: “Dan Yàng Jehôwa bơkơ̆u añ lơh bơta do di cau tòm añ jê, la cau Yàng Jehôwa bong mơñà, hala pò tê tòmdră mơ khai, bơh khai la cau neh geh Yàng Jehôwa bong mơñà.”

I Samuel 24:7

Behơ̆ Dabit lah pơrhơng ală cau khai dê dô bă kràñ cê, mơ ò ai gơnoar bol khai brồ lơh Sol. Gen Sol ñă lik bơh rgồng lŭ mơ lòt gùng khai dê.

I Samuel 26:11

Mơya dan Yàng Jehôwa kơryan añ ơn tê di cau Yàng Jehôwa neh bong mơñà. Mơya tŭ do, ai tĕ tà mơ nhồng dà ơn rềp di bồ khai, mơ bol he lòt lă.”

I Samuel 26:9

Mơya Dabit đơs mơ Abisai lah: “Bañ tơnroh khai! Bơh cau lơi rgơi pò tê tòmdră di cau Yàng Jehôwa neh bong mơñà mơ ò gơkòl tìs glài sơl ơ?”