I Samuel 12:22 - Sră Goh 2018

²² Bơh sơnđan dờng ryŭ Yàng Jehôwa dê gen Kơnràñ rơp ò sang lòi làng bol Kơnràñ dê, tài bơh Kơnràñ neh niam nùs dòp rò bol mê lơh gơs làng bol Kơnràñ dê.

I Samuel 12:22 Mawu Ofanana

I Ală Bơtau 6:13

Mơ Añ rơp ơm digùl kòn sau Israel, Añ rơp ò tŭ lơi sang lòi làng bol Añ jê la Israel.”

I Ală Bơtau 8:57

Dan Jehôwa Yàng Tom Trồ bol hi ơm bal mơ bol hi, be Kơnràñ neh ơm bal mơ ồng pàng bol hi dê, bañ sang lòi bol hi;

II Ală Bơtau 14:27

Yàng Jehôwa ò đơs lah Kơnràñ rơp jùt sơnđan Israel bơh hơđơm mattơngai do, gen kơnòm Jerôbôam, kòn klau Jôas, dong tă bol khai.

II Ală Bơtau 21:14

Añ rơp tơnroh pơnah gam wơl bơh sre brê Añ jê, jào phi bol khai tòm tê cau sò tơm bol khai dê; bol khai rơp gơlik gơs phan pơndòm mơ phan kup geh ală cau sò tơm bol khai dê;

I Yal Yau 28:9

Mơ mê, ơ Salômôn kòn klau añ jê, git tĕ Yàng Tom Trồ bèp mê dê, jơh nùs jơh dơngoh kơlôi ơn să duh broă Kơnràñ, bơh Yàng Jehôwa sền sơwì kòp nơm nùs mơ git wă kòp bơta kòñ lơh tòm ală bơta kơlôi sơnơng. Dilah kòn jòi jat Kơnràñ gen kòn rơp bàn Kơnràñ; mơya dilah kòn sang lòi Kơnràñ, Kơnràñ rơp sang lòi kòn sùm sùm.

II Yal Yau 15:2

Khai lik lòt tòm mat mơ bơtau Asa mơ đơs lah: “Ơ bơtau Asa mơ jơh bol mê la ală cau Juda mơ Benjamin, iat tĕ añ. Yàng Jehôwa ơm bal mơ bol mê tòm tŭ bol mê ơm mơ Kơnràñ. Dilah bol mê jòi jat Kơnràñ, bol mê rơp jòi bàn Kơnràñ, mơya dilah bol mê sang lòi Kơnràñ, gen Kơnràñ rơp sang lòi bol mê.

Nehemi 9:17

bol khai ò bài dòn bơr mơ kung ò kah ală broă crih crài mơ Kơnràñ neh lơh digùl bol khai. Mơya tòm bơta pơrlơ̆ dră bol khai dê, neh sac rwah dô nă cau nàng lam bol khai rê wơl hơ tiah ơm dĭ bol khai dê. Mơya Kơnràñ la Yàng Tom Trồ rcang sir nàng toh glài, gơs bơta nđàc mơ bơta nđàc sơngit, òbat gơhào gơjrañ mơ bềng bơta kòñ gơboh. Kơnràñ neh ò sang lòi bol khai.

Đơs Crih 106:8

Bulah behơ̆, Kơnràñ dong klàs bol khai tài bơh sơnđan Kơnràñ dê, nàng ràng tơlik gơnap gơnoar dờng Kơnràñ dê.

Đơs Crih 94:14

Bơh Yàng Jehôwa rơp ò sang lòi làng bol Kơnràñ dê, Kung ò sang sre brê Kơnràñ dê sơl.

Lik Ejiptơ 32:12

Ñchi bơh tài cau Ejiptơ rgơi đơs lah: ‘Hơ̆ la tài bơh nùs iơh mơ Kơnràñ neh cèng bol khai lik nàng tơnchơt bol khai tòm ală mơnơm, mơ nàng tơnroh jơh bol khai bơh di hơđang plai ù’? Dan Yàng pơrlac wơl bơh di bơta gơjrañ dờng Kơnràñ dê, dan nđàc sơngit mơ bañ đùh bơta rung rài hơđang làng bol Kơnràñ dê.

Esai 37:35

Añ rơp dong gàr ƀòn dờng do mơ dong tă gơ, tài bơh Añ mơ tài bơh Dabit la cau duh broă Añ jê!”

Esai 41:17

Ală cau rƀah lơòi mơ cau siơ̆u siar jòi dà mơya ò gơs; lơmpiat bol khai dê ro rañ tài bơh tơhìr. Mơya Yàng Jehôwa rơp ho wơl bol khai; Añ la Yàng Tom Trồ Israel dê, rơp ò sang lòi bol khai.

Esai 42:16

Añ rơp tề ală cau jơngo lòt tòm ală gùng bol khai ò git, Añ rơp lam bol khai tòm ală gùng bol khai òhềt mòng git; Añ rơp tòmgơl bơta jơngo gơlik gơs bơta àng di đap bol khai, mơ lơh ală tiah ò ring gơlik gơs ring niam. Hơ̆ la ală bơta Añ rơp lơh; mơ Añ rơp ò sang lòi bol khai.

Esai 43:25

Añ, să tòm Añ la Bơtau jùt sang jơh ală bơta tìs glài mê dê; tài bơh să tòm Añ, Añ ò kah tai ală bơta tồi glài mê dê.

Esai 43:7

hơ̆ la kòp nă cau geh tơmoh bơh sơnđan Añ, la ală cau mơ Añ neh crơng gơs bơta gơklŏ Añ in; ală cau Añ neh mòn gơs mơ neh lơh gơs.”

Esai 48:11

Tài bơh să tòm Añ jê, bơh mìng dô nă Añ, Añ lơh bơta do. Mbe rgơi Añ lòi să tòm Añ kong bơta sền òsơp taih? Añ rơp ò lòi bơta gơklŏ Añ jê dô nă cau ndai in.”

Esai 49:15

“Dô nă mè rgơi hŭi kòn ơm pô toh khai dê, mơ ò gơs nùs kòñ nđàc di kòn dềt khai neh deh sơl ơ? Bulah digơlan khai hŭi, mơya Añ rơp ò tŭ lơi hŭi mê ò!

Esai 63:8

Bơh Kơnràñ neh đơs lah: “Ngan, bol khai la làng bol Añ jê, la ală kòn sau ò lơh bơta ma blac mơ Añ;” mơ Kơnràñ neh gơlik gơs Bơtau Dong Klàs bol khai dê.

Jeremi 14:21

Bơh sơnđan Kơnràñ dê, bañ bơtrơh tơlik bol hi, bañ sền òsơp sơbàn gơklŏ Kơnràñ dê! Dan kah wơl mơ bañ sang lòi jơnau ho bal Kơnràñ dê mơ bol hi.

Jeremi 14:7

Khoai Yàng Jehôwa, bulah tồi glài iơh bơsak bol hi dê lơh cơng tòmdră mơ bol hi, Dan bơh sơnđan Kơnràñ mơ lơh broă! Bơta jak tòmdră bol hi dê oă ngan; bol hi neh tìs glài mơ Kơnràñ.

Jeremi 14:9

Ñchi bơh tài Kơnràñ kung be cau lơh sơlồng sơlàng, kung be cau ling pràn kơldang, ò rgơi dong kòl taih? Mơya, ơ Yàng, Kơnràñ gam ơm digùl bol hi, Bol hi geh hòi bơh sơnđan Kơnràñ, Dan bañ sang lòi bol hi!

Ñìm Rac 5:20

Ñchi bơh tài Kơnràñ neh hŭi bol hi sùm sùm taih? Ñchi bơh tài Kơnràñ sang lòi bol hi jŏ jòng behơ̆ taih?

Ejekiel 20:14

Mơya Añ neh lơh broă tài bơh sơnđan Añ mơ ò lòi kòl sền òsơp di đap ală làng bol neh gŏ Añ cèng bol khai lik klàs.

Ejekiel 20:9

Mơya tài bơh sơnđan Añ mơ Añ neh lơh broă tồ ò kòl sền òsơp di đap mat ală làng bol mơ bol khai neh ơm digùl hơ̆, di đap ală làng bol hơ̆ Añ neh yal tơlik să tòm Añ cau Israel in bơh añ neh cèng bol khai lik klàs bơh di lơgar Ejiptơ.

Malaci 1:2

Yàng Jehôwa neh đơs lah: “Añ neh kòñ gơboh di bol mê.” Mơya bol mê lùp lah: “Mbe Kơnràñ neh kòñ gơboh di bol hi taih?” Yàng Jehôwa đơs lah: “Esau ò di la bi Jakôp ơ?

Mathiơ 11:26

Ngan behơ̆, ơ Bèp, bơh hơ̆ la nùs kòñ Bèp dê.

Jang 15:16

Ò di bol mê neh sac Añ, mơya Añ neh sac mơ bơtào bol mê, nàng bol mê in lòt mơ gơlik plai, mơ plai bol mê gơ ơm sùm; tồ bơta lơi bol mê rơp ai sơnđan Añ mơ dan mơ Bèp, gen Kơnràñ ai bol mê in.

Rôma 11:1

Behơ̆ añ đơs lah: Yàng Tom Trồ neh sang lòi làng bol Kơnràñ sơl? Ò di behơ̆ ò! Bơh să tòm añ la cau Israel, bơh kòn sau Abraham dê, mơ jơi bơtiàn đah Benjamin.

Rôma 11:29

bơh ală bơta ai gòi mơ bơta hòi sac Yàng Tom Trồ dê ò tŭ lơi tòmgơl.

I Kôrintô 4:7

Bơh ñcau ai mê in lin rlau mơ cau ndai taih? Ò di Yàng Tom Trồ neh ai jơh bơta hơ̆ oh mi in ò ơ? Gen ñchi bơh tài mê jòng să kung be ò dòp taih?

Ephesô 1:12

Nùs kòñ hơ̆ la bol he, la cau sơnròp ngan neh kơnòm di Bơtau Krist, pal kis dô bă di pal nàng jòng ro bơta gơklŏ Kơnràñ dê.

Ephesô 1:6

nàng jòng ro bơta nđàc gơklŏ Kơnràñ dê, mơ Kơnràñ neh ai gòi bol he in tòm Kòn kòñ gơboh Kơnràñ dê.

Yal Wơl 14:2

bơh bol mê la dô nơm làng bol goh Jehôwa Yàng Tom Trồ bol mê in. Yàng Jehôwa neh sac rwah bol mê bơh digùl jơh ală làng bol hơđang plai ù nàng lơh gơs phan tòm kas màng Kơnràñ dê.

Yal Wơl 31:17

Tòm ngai hơ̆ Añ rơp gơhào gơjrañ di bol khai. Añ rơp sang lòi bol khai mơ Añ rơp pồn mat Añ bơh di bol khai; mơ bol khai rơp gơlik gơs phan ƀuơn kòl tơnroh, mơ oă bơta rung rài bòl glar kalke rơp tus hơđang bol khai. Tòm ngai hơ̆ bol khai rơp đơs lah: ‘Ò di ală bơta rung rài bòl glar kalke tus hơđang bol hi la tài bơh Yàng Tom Trồ bol he dê ò ơm bal mơ bol he ò ơ?’

Yal Wơl 31:6

Lơh tĕ pràn kơldang mơ khin cha. Bañ rngòt cù kìr tài bơh bol khai, bơh Jehôwa Yàng Tom Trồ bol mê dê lòt bal mơ bol mê, Kơnràñ rơp ò tŭ lơi sang bol mê hala lòi bol mê.”

Yal Wơl 31:8

Să tòm Yàng Jehôwa rơp lòt di đap bol mê mơ rơp ơm bal mơ bol mê, Kơnràñ rơp ò tŭ lơi sang bol mê hala lòi bol mê. Bañ rngòt; bañ gơplơ̆ nùs.”

Yal Wơl 7:6

Bơh bol mê la dô nơm làng bol ơn is sàng goh Jehôwa Yàng Tom Trồ bol mê in. Jehôwa Yàng Tom Trồ bol mê dê neh sac rwah bol mê bơh digùl jơh ală làng bol ơm hơđang plai ù nàng lơh gơs làng bol Kơnràñ dê, lơh gơs phan tòm kas màng Kơnràñ dê.

Yal Wơl 9:5

Hơ̆ ò di la tài bơh bơta song ring hala bơta song ngan bol mê dê mơ bol mê rơp dòp geh lơgar bol khai dê; mơya hơ̆ la tài bơh bơta iơh bơsak ală làng bol do dê mơ Jehôwa Yàng Tom Trồ bol mê dê rơp ting bơtrơh bol khai bơh di đap bol mê, nàng lơh gơlik gơs jơnau mơ Kơnràñ neh srat să ho mơ ală ồng pàng bol mê dê la Abraham, Isak mơ Jakôp.

Philip 1:6

Añ dòn nền ngan lah Bơtau neh sơntòm lơh broă niam tòm ală oh mi kung rơp lơh wil tơl jơl tus di ngai Yàng Krist Jesu dê.

Hebrơ 13:5

Bañ gơs nùs hàm hà jền priă; hừh nùs tĕ tòm bơta he neh gơs, bơh să tòm Yàng neh đơs lah: “Añ ò gơs tŭ lơi sang mê, kung ò gơs tŭ lơi lòi mê.”

Jôsue 7:9

Làng bol Kanaan mơ jơh ală làng bol ơm tòm lơgar rơp kơno bơh ală bơta hơ̆, mơ bol khai rơp gơrwàng bol hi mơ tơnroh sơnđan bol hi bơh di ù; gen ñchi Kơnràñ rơp lơh mơ sơnđan dờng Kơnràñ dê taih?”

I Pier 2:9

Mơya oh mi la jơi bơtiàn geh sac rwah, la cau gơnoar ơn phan duh khoai cau bơtau dê, la làng bol sàng goh, la làng bol is Yàng Tom Trồ dê, tồ oh mi in yal tơlik ală broă crih crài ngan Kơnràñ dê, la Bơtau neh hòi oh mi lik klàs bơh tiah klam jơngo mơ tus hơ tiah àng gơcrà krơi is Kơnràñ dê.