I Samuel 12:21 - Sră Goh 2018

²¹ Bañ wèt jat ală rùp ràk ò kwơ; bol gơ ò lơh bơta lơi niam bol mê in, hala dong tă bol mê, tài bơh bol gơ la ò kwơ.

I Samuel 12:21 Mawu Ofanana

II Ală Bơtau 17:15

Bol khai sền òsơp ală bơta boh lam mơ bơta ho bal Kơnràñ neh bơtào mơ ồng pàng bol khai dê, mơ ală jơnau yal tơnggit mơ Kơnràñ neh ai bol khai in. Bol khai lòt jat ală rùp ràk ma blac, mơ bol khai gơlik gơs ma blac, bol khai đòm krơh ală làng bol ơm gùt dar, bơh ală làng bol hơ̆ mơ Yàng Jehôwa neh ai gơnoar sồr bol khai lah bañ đòm jat krơh bol khai dê.

Esai 41:29

Ò di, jơh tơl nă bol khai la blac pơrlồm lơm! Broă lơh bol khai dê la ò kwơ, rùp pac sềr bol khai dê kung be càl khồm gòi.

Esai 45:20

Bol mê la ală cau gam kis bơh di ală lơgar, pơjum bal tĕ mơ tus, ală cau tùng ală rùp ràk lơh mơ chi, mơ hòi dan mơ ală yàng ò rgơi dong klàs, bol khai la ală cau ò gơs bơta git wă.

Esai 46:7

Bol khai yò ơn gơ hơđang pơnì mơ tui gơ, bol khai bơtào gơtòm tiah gơ dê, mơ gơ ntào tềng hơ̆. Bơh tềng hơ̆ gơ ò rgơi ơwañ. Dilah gơs dô nă cau hòi dan mơ gơ gen gơ ò ho wơl, gơ ò rgơi dong dô nă cau lơi klàs bơh ală bơta rung rài.

Jeremi 10:15

Bol gơ ò kwơ, mìng la bơta blac pơrlồm; Tòm ngai lơh glài bol gơ rơp kong roh rui.

Jeremi 10:8

Bol khai jơh tơl nă bơrngơl mơ tùl gơla. Bol khai geh bơta bơto sồr bơh rùp ràk Ò lin rlau mơ chi.

Jeremi 14:22

Gơs rùp ràk lơi ală làng bol bơdìh dê rgơi cèng mìu sơl? Hala ală tap trồ rgơi ai mìu ơ? Ơ Jehôwa Yàng Tom Trồ bol hi dê, hơ̆ ò di la Kơnràñ ơ? Bol hi gơn kơnòm di Kơnràñ, Bơh Kơnràñ la Bơtau lơh gơs jơh ală bơta hơ̆.

Jeremi 16:19

Ơ Yàng Jehôwa, Kơnràñ la bơta pràn kơldang añ, theng kơ̆ cê añ, La tiah kìng crŭ añ jê tòm ngai bòl glar! Bơh tiah lồi plai ù Ală lơgar rơp tus hơ Kơnràñ, mơ đơs lah: “Ồng pàng bol he ò dòp ală phan lơi mìng jơnau ma blac, bơta roh lơm mơ ală phan ò kwơ dô êt lơi.

Jeremi 2:13

“Làng bol Añ neh lơh bàr bơta iơh: Bol khai neh sang lòi Añ, La hiòng dà bơta kis, Mơ tò is tơrlung dà bol khai in, ală tơrlung dà neh dàng, Ò rgơi ơn dà.

Jeremi 2:5

Yàng Jehôwa đơs be do: “Ồng pàng bol mê neh gŏ bơta lơi ò song ring tòm Añ, tàng neh lòt ngài bơh di Añ; Neh lòt jat bơta roh lơm, Mơ gơlik gơs ò kwơ să tòm bol khai in?

Jôna 2:8

Gơlơh be bơta kis añ jê neh gơ mù jrô, gen añ kah wơl Yàng Jehôwa, mơ jơnau hòi dan añ jê neh guh tus hơ Kơnràñ, tòm Hìu Duh Khoai Sàng Goh Kơnràñ dê.

Jôna 2:9

Ală cau duh khoai ală yàng rùp ràk ò kwơ, sang lòi bơta dòn song song ngan bol khai dê.

Habakuk 2:18

Dô nơm rùp ràk bơh dô nă cau neh mòn gơs bơta lơi kwơ taih? Dô nơm rùp duh khoai, bơto jơnau ma blac gơs kwơ lơi taih? Bơh cau neh mòn gơ dòn kơnòm di phan khai neh lơh gơs; bulah khai lơh gơs rùp ràk ò rgơi đơs.

Broă 14:15

“Ơ ală oh mi, ñchi bơh tài lơh bơta hơ̆ taih? Bol hi la kòn mơnus kung be ală oh mi sơl, bol hi bơto yal Jơnau Niam ală oh mi in, nàng oh mi wèt sang ală yàng roh lơm ne, mơ rê wơl hơ Yàng Tom Trồ gam kis sùm, la Bơtau neh crơng gơs trồ tiah, dàlềng mơ ală phan tòm hơ̆.

I Kôrintô 8:4

Behơ̆, bơh bơta sa phan duh khoai rùp ràk, bol he git rùp ràk tòm dunnia la ò gơs ngan, gơs mìng dô nă Yàng Tom Trồ lơm.

Yal Wơl 11:16

Kơrhia tĕ, rngòt bol mê rơp gơkòl ơniai mơ wèt duh broă ală yàng ndai mơ cùn khoai di đap bol gơ.

Yal Wơl 30:17

Mơya dilah nùs bol mê gơpơrlac ngài mơ bol mê ò kòñ iat, mơya bol mê gơkòl tìs nrah cùn khoai ală yàng ndai mơ duh broă bol gơ,

Yal Wơl 32:21

Bol khai lơh Añ in ƀoah pơrñat bơh bơta ò di la yàng, mơ bơrcek Añ gơjrañ bơh ală rùp ràk bol khai dê. Behơ̆ Añ rơp lơh bol khai in ƀoah pơrñat bơh dô làng bol ò di la làng bol, bơrcek bol khai gơjrañ bơh dô làng bol tùl gơla.