I Samuel 12:20 - Sră Goh 2018

²⁰ Behơ̆, Samuel ho wơl mơ làng bol lah: “Bañ rngòt, bol mê neh lơh jơh ală bơta iơh bơsak do, bulah behơ̆ bañ wèt sang Yàng Jehôwa, mơya jơh tĕ nùs duh broă Yàng Jehôwa.

I Samuel 12:20 Mawu Ofanana

I Yal Yau 28:9

Mơ mê, ơ Salômôn kòn klau añ jê, git tĕ Yàng Tom Trồ bèp mê dê, jơh nùs jơh dơngoh kơlôi ơn să duh broă Kơnràñ, bơh Yàng Jehôwa sền sơwì kòp nơm nùs mơ git wă kòp bơta kòñ lơh tòm ală bơta kơlôi sơnơng. Dilah kòn jòi jat Kơnràñ gen kòn rơp bàn Kơnràñ; mơya dilah kòn sang lòi Kơnràñ, Kơnràñ rơp sang lòi kòn sùm sùm.

Đơs Crih 101:3

Añ rơp ò ơn bơta iơh rmơh lơi di đap mat añ; Añ gơjrañ kơuềng di broă cau tìs nrah, broă hơ̆ rơp ò gơđềt di añ.

Đơs Crih 125:5

Ai ală cau lòt jat gùng rkwet rkwe, Gen Yàng Jehôwa rơp lam bol khai lik ngài bal mơ cau lơh bơta iơh bơsak. Dan Israel in geh bơta lơngap lơngai!

Đơs Crih 40:4

Lơngai cau lơi in ơn nùs dòn kơnòm di Yàng Jehôwa, Ò jat cau pơnhừ să, la cau lòt tìs nrah jat ală yàng ma blac.

Lik Ejiptơ 23:25

Duh khoai tĕ Jehôwa Yàng Tom Trồ bol mê dê; Kơnràñ rơp ai lơngai ală phan sa phan ñô bol mê dê. Añ rơp tă tơlik jơh ală bơta kòp jê bơh digùl bol mê,

Lik Ejiptơ 32:30

Ngai hìng, Môise đơs mơ làng bol lah: “Bol mê neh tìs dô nơm glài kơnjơ̆ ngan. Mơya tŭ do añ guh tus hơ Yàng Jehôwa, digơlan añ rgơi dan bơta tơwài glài bol mê in.”

Jeremi 3:1

Yàng Jehôwa đơs: “Dilah dô nă cau klau sang lòi bau ùr khai dê, Mơ bau ùr lòt bau mơ cau klau ndai, Gen bau klau rơp rê wơl bau mơ cau ùr hơ̆ sơl? Bơta hơ̆ ò lơh lơgar in ngkòr ngkàc dờng ngan sơl ơ? Mê neh lơh gơlềng gơlàng mơ oă ngan cau gơboh, mơ mê kòñ rê wơl mơ Añ ơ?

Sră Age 2:5

‘Jat be bơta ho bal Añ neh bơtào mơ bol mê tòm tŭ bol mê lik bơh Ejiptơ. Mơ Hwềng Añ gam ơm digùl bol mê, bañ rngòt.’

Yal Wơl 10:12

Mơ tŭ do, ơ Israel, bơta Jehôwa Yàng Tom Trồ bol mê dê jòi lùp bol mê la duh rngòt di Yàng Jehôwa, lòt tòm jơh ală gùng dà Kơnràñ dê, kòñ gơboh di Kơnràñ, mơ jơh nùs, jơh hwềng soàn duh broă Jehôwa Yàng Tom Trồ bol mê dê,

Yal Wơl 11:16

Kơrhia tĕ, rngòt bol mê rơp gơkòl ơniai mơ wèt duh broă ală yàng ndai mơ cùn khoai di đap bol gơ.

Yal Wơl 31:29

Bơh añ git lah tơnơ̆ mơ tŭ añ neh chơt rau gen ngan la bol mê gơlik gơs iơh rmơh mơ pơrlac sang gùng dà mơ añ neh bơto sồr bol mê. Tòm ală ngai rơp tus, oă bơta rung rài rơp dùh hơđang bol mê tài bơh bol mê rơp lơh bơta iơh bơsak di đap mat Yàng Jehôwa mơ bơrcek Kơnràñ gơhào gơjrañ bơh ală broă tê bol mê neh lơh.”

Jôsue 23:6

Gen tàng kơ̆ nùs tĕ sền sơwì mơ dòn bơr lơh jat jơh ală bơta neh cih tòm Sră Bơta Boh lam Môise dê, bañ wèt đah ma hala đah kiau.

I Pier 3:16

Kơrmap gàr tĕ nùs tồr oh mi dê dô bă niam, nàng tòm tŭ ală cau đơs iơh bơh bơta lơh lòt niam oh mi dê tòm Bơtau Krist, gen bol khai pal ƀàssìl.

I Samuel 12:19

Jơh làng bol đơs mơ Samuel lah: “Dan ồng hòi dan mơ Jehôwa Yàng Tom Trồ ồng dê ala ală cau duh broă ồng in tồ bol hi ò chơt, bơh bol hi neh bơtơl hơđang jơh ală bơta tồi glài bol hi dê dô bơta iơh bơsak tai, bơh neh dan dô nă bơtau at bồ.”