I Samuel 12:19 - Sră Goh 2018

¹⁹ Jơh làng bol đơs mơ Samuel lah: “Dan ồng hòi dan mơ Jehôwa Yàng Tom Trồ ồng dê ala ală cau duh broă ồng in tồ bol hi ò chơt, bơh bol hi neh bơtơl hơđang jơh ală bơta tồi glài bol hi dê dô bơta iơh bơsak tai, bơh neh dan dô nă bơtau at bồ.”

I Samuel 12:19 Mawu Ofanana

Sơnròp Gơlik Gơs 20:7

Tŭ do, ai tĕ wơl cau hơ̆ bau klau khai in bơh bau klau khai la dô nă cau gơnoar hwơr; khai rơp hòi dan mê in gen mê rơp kis. Mơ dilah mê ò ai khai in wơl, gen git tĕ lah mê mơ jơh ală cau bal mơ mê ngan rơp chơt.”

Sră Jop 37:13

Kơnràñ sồr ală mhwal lơh gơs bơta lơh glài tơmàl, hala tuh ù tiah Kơnràñ in, hala bơh bơta kòñ gơboh.

Sră Jop 42:8

Gen tàng, tŭ do kup tĕ poh nơm kơnrồ dam mơ poh nơm belàt dam mơ lòt tus hơ Jop la cau duh broă Añ jê, mơ ơn tĕ phan ơn chu pơrguc să tòm mê in; mơ cau duh broă Añ jê la Jop rơp hòi dan bol mê in; mơ Añ rơp dòp jơnau hòi dan khai dê, mơ ò lơh bol mê in jat be bơta bơrngơl gơla bol mê dê, bơh bol mê ò đơs bơh Añ dô bă di pal kung be cau duh broă Añ jê la Jop neh đơs.”

Lik Ejiptơ 10:17

Tŭ do, dan toh glài añ in dô dơ̆ tai; mơ hòi dan mơ Jehôwa Yàng Tom Trồ bol mê dê, nàng tă tơlik bơta rung rài chơt roh do bơh di añ.”

Lik Ejiptơ 32:30

Ngai hìng, Môise đơs mơ làng bol lah: “Bol mê neh tìs dô nơm glài kơnjơ̆ ngan. Mơya tŭ do añ guh tus hơ Yàng Jehôwa, digơlan añ rgơi dan bơta tơwài glài bol mê in.”

Lik Ejiptơ 9:28

Hòi dan tĕ mơ Yàng Jehôwa, bol hi neh kong ò jai ntơr kơnàs mơ mìu piar. Añ rơp lòi bol mê in lik lòt, bol mê ò càng ơm jŏ dô êt lơi tai.”

Esai 26:16

Ơ Yàng Jehôwa, tòm bơta bòl glar, bol khai jòi Kơnràñ. Bol khai tuh tơlik dô bơta hòi dan, tòm tŭ Kơnràñ lơh glài tơmàl bol khai.

Jeremi 15:1

Gen Yàng Jehôwa đơs mơ añ lah: “Bulah Môise mơ Samuel ntào di đap Añ, mơya nùs Añ kung ò wèt mơ làng bol do. Bơtrơh tơlik tĕ bol khai ngài bơh di mat Añ, mơ lòi bol khai lòt!

Jeremi 27:18

Mơya dilah bol khai ngan la cau gơnoar hwơr mơ jơnau Yàng Jehôwa ơm bal mơ bol khai, gen tŭ do hòi dan ala tĕ mơ Yàng Jehôwa Gơnap Gơnoar, nàng ală phan ngui gam wơl tòm hìu Yàng Jehôwa, tòm gơlang bơtau Juda mơ tòm Jerusalem, ò gơkòl cèng hơ lơgar Babilôn tai.

Jeremi 37:3

Bơtau Jedekia sồr Jehukan, kòn klau Selemia, mơ Sôphôni, kòn klau cau gơnoar ơn phan duh khoai Maaseya, lòt tus hơ cau gơnoar hwơr Jeremi mơ đơs lah: “Dan bơh bol hi hòi dan mơ Jehôwa Yàng Tom Trồ bol he dê.”

Jeremi 42:2

neh tus đơs mơ Jeremi lah: “Dan dòp jơnau bol hi dan, mơ hòi dan ala mơ Jehôwa Yàng Tom Trồ ồng dê bol hi in, hơ̆ la ală cau gam wơl in. Mơ tai, bol hi bơh lài ngan la oă cau, ngai do gam wơl dô êt ngan, kung be mat ồng neh gŏ.

Malaci 1:9

“Tŭ do rac dan tĕ mơ Yàng Tom Trồ, bơh hơ̆ digơlan Kơnràñ rơp kòñ nđàc di bol he. Bol mê neh tìs, mơ Kơnràñ rơp yal tơlik bơta kòñ nđàc mơ dô nă cau lơi tòm bol mê sơl ơ?” Yàng Jehôwa Gơnap Gơnoar Dờng Làm Jơh đơs behơ̆.

Khà Làng Bol 21:7

Làng bol tus hơ Môise mơ đơs lah; “Bol hi neh tìs glài tòm tŭ bol hi đơs tòmdră mơ Yàng Jehôwa mơ tòmdră mơ ồng. Dan hòi dan mơ Yàng Jehôwa tă sang ală bơs bơh di bol hi.” Behơ̆ Môise hòi dan làng bol in.

Broă 8:24

Simôn ho lah: “Dan ală ồng hòi dan mơ Yàng añ in ƀà, tồ añ ò gơkòl tòm bơta ală ồng neh đơs hơ̆.”

Jakơ 5:15

Bơta hòi dan bơh bơta dòn rơp dong klàs cau kòp, Yàng rơp sơmbòi cau hơ̆ in; mơ dilah cau kòp gơs tìs glài, kung rơp geh toh.

I Jang 5:16

Dilah cau lơi gŏ oh mi he tìs glài, la glài ò di pal chơt, gen hòi dan tĕ khai in, mơ Yàng Tom Trồ rơp ai bơta kis khai in; hơ̆ la ai ală cau tìs glài ò di pal chơt. Kung gơs glài pal chơt; hơ̆ ò di la bơh glài hơ̆ mơ añ đơs pal hòi dan.

I Samuel 12:13

Sền tĕ do la cau bơtau mơ bol mê neh sac rwah, la cau mơ bol mê neh dan. Sền ne, Yàng Jehôwa neh bơtào dô nă bơtau hơđang bol mê.

I Samuel 12:17

Tŭ do ò di la kơnhai toès kòi mi ò ơ? Añ rơp hòi dan mơ Yàng Jehôwa nàng Kơnràñ rơp ai ntơr kơnàs mơ mìu; mơ bol mê rơp đal git bơta iơh bơsak mơ bol mê neh lơh di đap mat Yàng Jehôwa la dờng ngan, bơh neh dan dô nă bơtau bol mê in.”

I Samuel 12:20

Behơ̆, Samuel ho wơl mơ làng bol lah: “Bañ rngòt, bol mê neh lơh jơh ală bơta iơh bơsak do, bulah behơ̆ bañ wèt sang Yàng Jehôwa, mơya jơh tĕ nùs duh broă Yàng Jehôwa.

I Samuel 12:23

Ai añ gen añ rơp ò tŭ lơi tìs glài tòmdră mơ Yàng Jehôwa mơ ò hòi dan bol mê in. Mơ añ rơp bơto bol mê in git gùng niam mơ song.

I Samuel 7:5

Gen Samuel đơs lah: “Hòi pơjum tĕ jơh Israel tòm Mispa, mơ añ rơp hòi dan mơ Yàng Jehôwa bol mê in.”

I Samuel 7:8

Bol khai đơs mơ Samuel lah: “Bañ dơh rac dan mơ Jehôwa Yàng Tom Trồ bol hi dê bol hi in, mơ hòi dan nàng Kơnràñ rơp dong tă bol hi klàs bơh di tê cau Philistin.”

I Samuel 8:6

Mơya jơnau hơ̆ ò niam nùs Samuel tòm tŭ bol khai đơs lah: “Ai tĕ bol hi in dô nă bơtau nàng tề lam bol hi,” Behơ̆ Samuel hòi dan mơ Yàng Jehôwa.