I Samuel 12:18 - Sră Goh 2018

¹⁸ Gen Samuel hòi dan mơ Yàng Jehôwa, mơ tòm ngai hơ̆ Yàng Jehôwa neh lơh nggồr ntơr kơnàs mơ dùh mìu. Behơ̆ jơh làng bol nsràng rngòt di Yàng Jehôwa mơ di Samuel.

I Samuel 12:18 Mawu Ofanana

I Ală Bơtau 18:42

Behơ̆, Ahap guh sa mơ ñô. Eli guh hơđang bồ mơnơm Karmel, kun tòm ù mơ drup mat he digùl bàr nơm gơltang.

Ejra 10:9

Gen jơh làng bol Juda mơ cau Benjamin neh pơjum bal tòm Jerusalem tòm pe ngai; hơ̆ la tòm ngai bàr jơt, kơnhai dơ̆ sin; gen jơh làng bol neh nggui tòm ƀlàng dờng di đap hìu Yàng Tom Trồ dê, rngòt rơm să tài bơh bơta neh gơlik gơs hơ̆ mơ trồ mìu.

Sră Jop 37:13

Kơnràñ sồr ală mhwal lơh gơs bơta lơh glài tơmàl, hala tuh ù tiah Kơnràñ in, hala bơh bơta kòñ gơboh.

Đơs Crih 99:6

Tòm ală cau ơn phan duh khoai Kơnràñ dê gơs Môise mơ Arôn, Tòm mpồl ală cau hòi dan di sơnđan Kơnràñ dê kung gơs Samuel. Bol khai neh hòi dan di Yàng Jehôwa, mơ Kơnràñ ho wơl bol khai in.

Lik Ejiptơ 14:31

Mơ tòm tŭ cau Israel neh gŏ gơnap gơnoar dờng Yàng Jehôwa dê tòmdră mơ cau Ejiptơ, gen làng bol rngòt di Yàng Jehôwa, dòn kơnòm di Kơnràñ mơ di Môise la cau duh broă Kơnràñ dê.

Jôsue 10:12

Tòm ngai Yàng Jehôwa jào phi làng bol Amôr cau Israel in, gen Jôsue đơs mơ Yàng Jehôwa di đap Israel lah: “Ơ mattơngai, ơm dơh wơl tĕ hơđang Gabaôn; Ơ mat kơnhai, ơm dơh wơl tĕ hơđang thòng Aijalôn.”

Jôsue 4:14

Tòm ngai hơ̆ Yàng Jehôwa yò tơngguh Jôsue di đap jơh làng bol Israel mơ bol khai ki ngàm di Jôsue, be bol khai neh ki ngàm di Môise tòm jơh rài kis khai dê.