I Samuel 12:17 - Sră Goh 2018

¹⁷ Tŭ do ò di la kơnhai toès kòi mi ò ơ? Añ rơp hòi dan mơ Yàng Jehôwa nàng Kơnràñ rơp ai ntơr kơnàs mơ mìu; mơ bol mê rơp đal git bơta iơh bơsak mơ bol mê neh lơh di đap mat Yàng Jehôwa la dờng ngan, bơh neh dan dô nă bơtau bol mê in.”

I Samuel 12:17 Mawu Ofanana

Đơs Crih 99:6

Tòm ală cau ơn phan duh khoai Kơnràñ dê gơs Môise mơ Arôn, Tòm mpồl ală cau hòi dan di sơnđan Kơnràñ dê kung gơs Samuel. Bol khai neh hòi dan di Yàng Jehôwa, mơ Kơnràñ ho wơl bol khai in.

Lik Ejiptơ 32:30

Ngai hìng, Môise đơs mơ làng bol lah: “Bol mê neh tìs dô nơm glài kơnjơ̆ ngan. Mơya tŭ do añ guh tus hơ Yàng Jehôwa, digơlan añ rgơi dan bơta tơwài glài bol mê in.”

Jơnau Pơnđik 26:1

Bơta gơklŏ ò di pal cau tùl gơla in, be dà piar tòm kơnhai prang, be mìu tòm kơnhai toès.

Jeremi 15:1

Gen Yàng Jehôwa đơs mơ añ lah: “Bulah Môise mơ Samuel ntào di đap Añ, mơya nùs Añ kung ò wèt mơ làng bol do. Bơtrơh tơlik tĕ bol khai ngài bơh di mat Añ, mơ lòi bol khai lòt!

Jôsue 10:12

Tòm ngai Yàng Jehôwa jào phi làng bol Amôr cau Israel in, gen Jôsue đơs mơ Yàng Jehôwa di đap Israel lah: “Ơ mattơngai, ơm dơh wơl tĕ hơđang Gabaôn; Ơ mat kơnhai, ơm dơh wơl tĕ hơđang thòng Aijalôn.”

I Samuel 12:13

Sền tĕ do la cau bơtau mơ bol mê neh sac rwah, la cau mơ bol mê neh dan. Sền ne, Yàng Jehôwa neh bơtào dô nă bơtau hơđang bol mê.

I Samuel 12:19

Jơh làng bol đơs mơ Samuel lah: “Dan ồng hòi dan mơ Jehôwa Yàng Tom Trồ ồng dê ala ală cau duh broă ồng in tồ bol hi ò chơt, bơh bol hi neh bơtơl hơđang jơh ală bơta tồi glài bol hi dê dô bơta iơh bơsak tai, bơh neh dan dô nă bơtau at bồ.”

I Samuel 2:10

Ală cau tòmdră di Yàng Jehôwa rơp kong lề lac; bơh đang trồ Kơnràñ rơp tơndùh ntơr kơnàs hơđang bol khai. Yàng Jehôwa rơp cahrña ală tiah lồi dut plai ù dê; Kơnràñ rơp ai bơta pràn kơldang cau bơtau Kơnràñ in, mơ yò tơngguh gơnoar cau geh bong mơñà Kơnràñ dê.”

I Samuel 7:5

Gen Samuel đơs lah: “Hòi pơjum tĕ jơh Israel tòm Mispa, mơ añ rơp hòi dan mơ Yàng Jehôwa bol mê in.”

I Samuel 8:6

Mơya jơnau hơ̆ ò niam nùs Samuel tòm tŭ bol khai đơs lah: “Ai tĕ bol hi in dô nă bơtau nàng tề lam bol hi,” Behơ̆ Samuel hòi dan mơ Yàng Jehôwa.

I Samuel 8:7

Mơ Yàng Jehôwa đơs mơ khai lah: “Iat tĕ jơh ală jơnau mơ làng bol neh đơs mơ mê; hơ̆ ò di la bol khai sang lòi mê; mơya bol khai neh sang lòi Añ la Bơtau at bồ bol khai dê.