I Samuel 12:11 - Sră Goh 2018

¹¹ Gen Yàng Jehôwa sồr Jerubaal, Barak, Jepthe, mơ Samuel lòt dong tă bol mê bơh di ală cau sò tơm bol mê bơh ală đah nàng bol mê geh ơm lơngap lơngai.

I Samuel 12:11 Mawu Ofanana

II Ală Bơtau 13:5

Gen tàng Yàng Jehôwa ai cau Israel in dô nă cau dong tă, behơ̆ tàng bol khai geh klàs bơh tê cau Aram, mơ cau Israel geh ơm wơl tòm hìu bol khai be lài òr.

I Yal Yau 7:17

Kòn klau Ulam la Bedan. Hơ̆ la ală kòn klau Galaat kòn klau Makir, sau Manase.

Ală Kwang Cahrña 4:6

Debôra sồr jà Barak kòn klau Abinôam bơh Kades tòm Neptali, mơ đơs mơ khai lah: “Yàng Jehôwa la Yàng Tom Trồ Israel dê ai jơnau sồr mê lah: ‘Lòt tĕ, cèng bal mơ mê jơt rbô nă cau klau bơh jơi bơtiàn Neptali mơ bơh jơi bơtiàn Jebulun, mơ lam bol khai tus di mơnơm Thabôr.

Ală Kwang Cahrña 6:14

Yàng Jehôwa wơlke mơ đơs mơ khai lah: “Lòt tĕ mơ ngui bơta pràn kơldang mê gơs nàng dong tă Israel bơh di tê Midian; do Añ sồr mê lòt.”

Ală Kwang Cahrña 6:31

Mơya Jôas ho mơ mpồl ală cau tòmdră mơ khai lah: “Bol mê kòñ dong tò Baal ơ? Bol mê kòñ dong klàs gơ sơl ơ? Cau lơi bơh gơ mơ tòmlơh gen rơp kòl tơnchơt lài mơ tŭ àng drim. Dilah Baal la dô nă yàng gen lòi gơ dong is să gơtòm tŭ gơs cau lơi lơh tơrlah cơnòng duh khoai gơ dê.”

Ală Kwang Cahrña 6:32

Behơ̆ tòm ngai hơ̆ bol khai sơnđan Gideôn la “Jerubaal” mơ đơs lah: “Lòi tĕ Baal tòmlơh mơ khai,” tài bơh Gideôn neh sòr tơrlah cơnòng duh khoai Baal dê.

Ală Kwang Cahrña 7:1

Gen Jerubaal, hơ̆ la Gideôn, bal mơ jơh ală mpồl ling jat guh bơh drim, lơh sàl di gah croh dà Harôt; mơ sàl cau Midian dê ơm đah đang bol khai, tòm thòng di gah dòr Môre.

Ală Kwang Cahrña 8:29

Jerubaal kòn klau Jôas rê ơm tòm hìu tòm khai dê.

Ală Kwang Cahrña 8:35

Bol khai kung ò kah bơta nđàc gơwèt hơ hìu nhă Jerubaal dê (hơ̆ la Gideôn) bơh ală bơta niam khai neh lơh gơwèt hơ làng bol Israel.

I Samuel 3:20

Mơ jơh Israel bơh Dan tus Beerseba git Samuel geh bơtào gơlik gơs dô nă cau gơnoar hwơr dờng màng Yàng Jehôwa dê.

I Samuel 7:13

Behơ̆ cau Philistin gơkòl duh broă mơ ò mut tòm ù tiah cau Israel tai; tê Yàng Jehôwa tòmdră mơ cau Philistin jơh rài Samuel dê.