I Samuel 11:7 - Sră Goh 2018

⁷ Khai kup dô yô kơnrồ mơ koh bol gơ gơs oă pet, lồc behơ̆ sồr ală cau kong sồr cèng ală pet poac kơnrồ hơ̆ tòm làm Israel mơ đơs lah: “Cau lơi ò lik lòt jat Sol mơ Samuel, gen ală kơnrồ khai dê rơp gơkòl koh behơ̆.” Gen Yàng Jehôwa lơh bơta rngòt rngơt dùh hơđang làng bol, mơ bol khai lik lòt kung be dô nă cau.

I Samuel 11:7 Mawu Ofanana

Sơnròp Gơlik Gơs 35:5

Chòp, bol khai lòt gùng, mơ Yàng Tom Trồ tơndùh bơta rngòt rngơt hơđang ală ƀòn gùt dar tềng hơ̆, gen tàng bol khai ò ting jat ală kòn klau Jakôp dê.

II Yal Yau 14:14

Bol khai tơnroh jơh ală ƀòn dềt gùt dar Gerar, bơh bơta rngòt rngơt Yàng Jehôwa dê ơm hơđang bol khai. Bol khai phà tơnroh jơh ală ƀòn dờng mơ tơnroh oă phan mơna tềng hơ̆.

II Yal Yau 17:10

Bơta rngòt Yàng Jehôwa dùh hơđang jơh làm lơgar gùt dar Juda, mơ bol khai ò tòmlơh mơ bơtau Jehôsaphat.

II Yal Yau 19:7

Tŭ do, duh rngòt tĕ di Yàng Jehôwa mơ kơrhia tĕ tòm bơta cahrña, bơh Jehôwa Yàng Tom Trồ bol he dê ò dòp bơta ò song ring hala bơta ò ring bal hala cau dòp phan sa loă.”

Esai 8:13

Mơya rngòt tĕ di Yàng Jehôwa Gơnap Gơnoar Dờng la Bơtau bol mê ơn nùs sàng goh; lòi tĕ Kơnràñ la Bơtau bol mê pal rngòt, mơ lòi Kơnràñ gơlik bơta rngòt rngơt bol mê dê.

Ală Kwang Cahrña 19:29

Tòm tŭ khai tus tòm hìu khai dê, khai ai dô nơm pềs mơ koh ƀồc bau cồng khai dê jơt bàr pơnah, mơ pơyoa gơ tus hơ jơh ală kơnhwàl Israel dê.

Ală Kwang Cahrña 20:1

Gen jơh làng bol Israel lik lòt bơh Dan tus hơ Beerseba, bal mơ ù tiah Galaat, mpồl làng bol pơjum bal be dô nă di đap Yàng Jehôwa tòm Mispa.