I Samuel 11:6 - Sră Goh 2018

⁶ Mơ Hwềng Yàng Tom Trồ dê mù hơđang Sol tòm gơnap gơnoar pràn, tòm tŭ khai kơno ală jơnau hơ̆, mơ khai gơhào gơjrañ duh ngan.

I Samuel 11:6 Mawu Ofanana

Lik Ejiptơ 32:19

Tòm tŭ Môise tus rềp di sàl gŏ kơnrồ kòn mơ bơta tòmya, gen bơta gơjrañ khai dê gơhào khuh mơ khai sơrbì ală mpàn bơh di tê khai, jan bơcah lề lac di jơng mơnơm.

Khà Làng Bol 12:3

(Mơ tai, Môise la dô nă cau pơndêt să ngan, pơndêt să rlau mơ jơh ală cau ndai ơm hơđang plai ù.)

Jơnau Niam Jat Mak 3:5

Tŭ hơ̆ Kơnràñ sền làm di bol khai, gơjrañ mơ moat tài bơh nùs bol khai kră kơldang mơ tìs nrah, lồc behơ̆ Kơnràñ đơs mơ cau klau lah: “Pò tĕ tê mê dê.” Gen khai pò tê mơ gơ bòi.

Ephesô 4:26

Dilah gơs bơta gơjrañ gen bañ tìs glài, bañ prap bơta gơjrañ jơl tus di tŭ mattơngai mut,

Ală Kwang Cahrña 11:29

Gen Hwềng Yàng Jehôwa dê tus hơđang Jepthe. Khai lòt làm Galaat mơ Manase, tus hơ Mispa tòm Galaat, mơ bơh hơ̆ khai lòt tòmlơh mơ làng bol Ammôn.

Ală Kwang Cahrña 13:25

Hwềng Yàng Jehôwa dê rơp sơntòm chồl bơtrut tòm nùs khai tòm sàl Dan dê, digùl Jôra mơ Estaôl.

Ală Kwang Cahrña 14:6

Hwềng Yàng Jehôwa dê tus hơđang khai bềng gơnoar pràn tian gơs khai crè gơ mơ tê gòi kung be crè dô nơm be kòn behơ̆ sơl. Mơya khai ò yal mè bèp khai in ñchi bơta khai neh lơh.

Ală Kwang Cahrña 15:14

Tòm tŭ khai neh tus rềp di Lehi, gen làng bol Philistin driau dờng mơ ràn tus hơ khai. Hwềng Yàng Jehôwa dê tus hơđang khai pràn ngan. Ală che cap di tê khai gơlik kung be jrềng ồs sa, che cap gơrung jơh bơh di tê khai.

Ală Kwang Cahrña 3:10

Hwềng Yàng Jehôwa dê tus hơđang khai, khai cahrña Israel; mơ khai lik lòt tòmlơh. Yàng Jehôwa jào Kusan Risathaim bơtau Aram tòm tê Ôtniel; mơ tê khai geh pha lin rlau.

Ală Kwang Cahrña 6:34

Mơya Hwềng Yàng Jehôwa dê mù hơđang Gideôn; khai uh kơlwòk hòi pơjum cau Abiejrit lòt jat khai.

I Samuel 10:10

Tòm tŭ bol khai tus hơ Gibea, dô mpồl cau gơnoar hwơr tìp khai; Hwềng Yàng Tom Trồ dê mù hơđang khai, mơ khai mut bal tòm mpồl hơ̆ đơs hwơr mơ bol khai.

I Samuel 10:6

Gen Hwềng Yàng Jehôwa dê rơp mù hơđang mê, mơ mê rơp đơs hwơr bal mơ bol khai; mơ mê rơp geh tòmgơl gơlik gơs dô nă cau ndai.

I Samuel 16:13

Behơ̆ Samuel ai ngke mơñà mơ bong mơñà khai in di đap mat ală bi khai dê, mơ bơh ngai hơ̆ Hwềng Yàng Jehôwa dê mù hơđang Dabit dô bă gơs gơnoar pràn ngan. Gen Samuel rê wơl hơ Ramah.

I Samuel 16:14

Tŭ hơ̆ hwềng Yàng Jehôwa dê neh sang lòi Sol, mơ Yàng Jehôwa sồr dô nơm hwềng iơh lơh bòl glar di khai.