I Samuel 10:21 - Sră Goh 2018

²¹ Lồc behơ̆, khai cèng jơi bơtiàn Benjamin tus rềp jat mpồl hìu nhă, gen mpồl hìu nhă Matri geh sac rwah. Lồi tơnơ̆, gen Sol kòn klau Kis geh sac rwah. Mơya tòm tŭ bol khai jòi Sol gen jòi khai ò bàn.

I Samuel 10:21 Mawu Ofanana

II Samuel 3:19

Să tòm Apner kung đơs di đap cau Benjamin; gen Apner lòt yal mơ Dabit tòm Hebrôn, jơh ală bơta Israel bal mơ jơh hìu Benjamin neh rcang sir nàng lơh.

Jơnau Pơnđik 18:18

Bơta tă khà tơnroh tòm pơndang bal, Pơnring digùl ală cau gơs gơnoar pràn.

Jôna 1:7

Gen ală cau lơh broă tòm ơhò đơs bal mơ gơp lah: “Tus tĕ, bol he tă khà lă nàng git ñcau neh cèng tus bơta rung rài do.” Bol khai tă khà, mơ khà tă di dê Jôna.

Broă 13:21

Tŭ hơ̆ bol khai dan dô nă bơtau, behơ̆ tàng Yàng Tom Trồ ai bol khai in Sol, kòn klau Kis dê, tòm jơi bơtiàn Benjamin, at bồ bol khai tòm poan jơt nam.

I Samuel 10:20

Tòm tŭ Samuel neh cèng jơh ală jơi bơtiàn Israel tus rềp, gen jơi bơtiàn Benjamin geh sac rwah.

I Samuel 10:22

Behơ̆ bol khai lùp tai Yàng Jehôwa lah: “Ơ Yàng, cau hơ̆ neh tus tềng do sơl?” Yàng Jehôwa ho lah: “Sền ne khai ơm pồn să he digùl ală phan mơna.”

I Samuel 9:2

Khai gơs dô nă kòn klau sơnđan la Sol, gam pơnu mơ niam klau. Ò gơs dô nă cau lơi digùl làng bol Israel niam klau rlau mơ khai; khai ntào bồ khai mơ pơnì jơnhoa rlau mơ jơh ală cau ndai.