I Samuel 10:2 - Sră Goh 2018

² Ngai do tòm tŭ mê neh tơngac añ mơ lòt gùng gen mê rơp tìp bàr nă cau klau ơm di gah bơtô ƀồc Racel dê tòm Jelja, di nhàr ù tiah Benjamin dê. Bol khai rơp đơs mơ mê lah: ‘Ală alàng mê lòt jòi neh bàn rau, tŭ do bèp mê ò kơlôi rcang bơh alàng hơ̆ tai, mơya kơlôi rcang bơh mê. Khai neh lùp lah: “Ñchi añ pal lơh mơ kòn klau añ jê taih?”’

I Samuel 10:2 Mawu Ofanana

Sơnròp Gơlik Gơs 35:16

Bol khai lòt bơh Betel, mơ bol khai gam ngài dô êt bơh Ephrata, gen Racel jê deh. Khai jê oă ngan.

Sơnròp Gơlik Gơs 48:7

Tòm tŭ añ rê bơh Padan hơ lơgar Kanaan, gen Racel chơt di gah añ tòm gùng, rềp mơ Ephrata, mơ añ neh tơp khai di gah gùng lòt hơ Ephrata hơ̆ la Betlehem.”

Jeremi 31:15

Yàng Jehôwa đơs be do: “Cau kơno tòm Rama, Bơta rac ròc mơ nggà ñìm dờng, Racel ñìm bơh ală kòn khai dê, Ò bài pơndòm pơniang Tài bơh ală kòn khai dê ò gam tai!”

Jôsue 18:28

Jelah, Haelep, ƀòn dờng cau Jebusit dê (hơ̆ la Jerusalem), Gibeah, mơ Kiriat Jearim jơt poan nơm ƀòn dờng bal mơ ală ƀòn dềt bol gơ dê. Hơ̆ la ù tiah sre brê jơi bơtiàn Benjamin dê jat ală mpồl hìu nhă bol khai dê.

I Samuel 10:16

Sol ho lah: “Khai neh yal bol hi in lah ală alàng neh bàn rau.” Mơya bơh ală jơnau Samuel neh đơs bơh bơta lơh bơtau gen khai ò yal bơta lơi khai in.